12Deuteronomy 12

1אלה החקים והמשפטים אשר תשמרון לעשות בארץ אשר נתן יהוה אלהי אבתיך לך לרשתה כל הימים—אשר אתם חיים על האדמהSelect Deuteronomy 12:1

2אבד תאבדון את כל המקמות אשר עבדו שם הגוים אשר אתם ירשים אתם—את אלהיהם על ההרים הרמים ועל הגבעות ותחת כל עץ רענןSelect Deuteronomy 12:2

3ונתצתם את מזבחתם ושברתם את מצבתם ואשריהם תשרפון באש ופסילי אלהיהם תגדעון ואבדתם את שמם מן המקום ההואSelect Deuteronomy 12:3

4לא תעשון כן ליהוה אלהיכםSelect Deuteronomy 12:4

5כי אם אל המקום אשר יבחר יהוה אלהיכם מכל שבטיכם לשום את שמו שם—לשכנו תדרשו ובאת שמהSelect Deuteronomy 12:5

6והבאתם שמה עלתיכם וזבחיכם ואת מעשרתיכם ואת תרומת ידכם ונדריכם ונדבתיכם ובכרת בקרכם וצאנכםSelect Deuteronomy 12:6

7ואכלתם שם לפני יהוה אלהיכם ושמחתם בכל משלח ידכם אתם ובתיכם—אשר ברכך יהוה אלהיךSelect Deuteronomy 12:7

8לא תעשון—ככל אשר אנחנו עשים פה היום איש כל הישר בעיניוSelect Deuteronomy 12:8

9כי לא באתם עד עתה—אל המנוחה ואל הנחלה אשר יהוה אלהיך נתן לךSelect Deuteronomy 12:9

10ועברתם את הירדן וישבתם בארץ אשר יהוה אלהיכם מנחיל אתכם והניח לכם מכל איביכם מסביב וישבתם בטחSelect Deuteronomy 12:10

11והיה המקום אשר יבחר יהוה אלהיכם בו לשכן שמו שם—שמה תביאו את כל אשר אנכי מצוה אתכם עולתיכם וזבחיכם מעשרתיכם ותרמת ידכם וכל מבחר נדריכם אשר תדרו ליהוהSelect Deuteronomy 12:11

12ושמחתם לפני יהוה אלהיכם—אתם ובניכם ובנתיכם ועבדיכם ואמהתיכם והלוי אשר בשעריכם כי אין לו חלק ונחלה אתכםSelect Deuteronomy 12:12

13השמר לך פן תעלה עלתיך בכל מקום אשר תראהSelect Deuteronomy 12:13

14כי אם במקום אשר יבחר יהוה באחד שבטיך—שם תעלה עלתיך ושם תעשה כל אשר אנכי מצוךSelect Deuteronomy 12:14

15רק בכל אות נפשך תזבח ואכלת בשר כברכת יהוה אלהיך אשר נתן לך—בכל שעריך הטמא והטהור יאכלנו כצבי וכאילSelect Deuteronomy 12:15

16רק הדם לא תאכלו על הארץ תשפכנו כמיםSelect Deuteronomy 12:16

17לא תוכל לאכל בשעריך מעשר דגנך ותירשך ויצהרך ובכרת בקרך וצאנך וכל נדריך אשר תדר ונדבתיך ותרומת ידךSelect Deuteronomy 12:17

18כי אם לפני יהוה אלהיך תאכלנו במקום אשר יבחר יהוה אלהיך בו—אתה ובנך ובתך ועבדך ואמתך והלוי אשר בשעריך ושמחת לפני יהוה אלהיך בכל משלח ידךSelect Deuteronomy 12:18

19השמר לך פן תעזב את הלוי כל ימיך על אדמתךSelect Deuteronomy 12:19

20כי ירחיב יהוה אלהיך את גבלך כאשר דבר לך ואמרת אכלה בשר כי תאוה נפשך לאכל בשר—בכל אות נפשך תאכל בשרSelect Deuteronomy 12:20

21כי ירחק ממך המקום אשר יבחר יהוה אלהיך לשום שמו שם וזבחת מבקרך ומצאנך אשר נתן יהוה לך כאשר צויתך—ואכלת בשעריך בכל אות נפשךSelect Deuteronomy 12:21

22אך כאשר יאכל את הצבי ואת האיל—כן תאכלנו הטמא והטהור יחדו יאכלנוSelect Deuteronomy 12:22

23רק חזק לבלתי אכל הדם כי הדם הוא הנפש ולא תאכל הנפש עם הבשרSelect Deuteronomy 12:23

24לא תאכלנו על הארץ תשפכנו כמיםSelect Deuteronomy 12:24

25לא תאכלנו—למען ייטב לך ולבניך אחריך כי תעשה הישר בעיני יהוהSelect Deuteronomy 12:25

26רק קדשיך אשר יהיו לך ונדריך תשא ובאת אל המקום אשר יבחר יהוהSelect Deuteronomy 12:26

27ועשית עלתיך הבשר והדם על מזבח יהוה אלהיך ודם זבחיך ישפך על מזבח יהוה אלהיך והבשר תאכלSelect Deuteronomy 12:27

28שמר ושמעת את כל הדברים האלה אשר אנכי מצוך למען ייטב לך ולבניך אחריך עד עולם—כי תעשה הטוב והישר בעיני יהוה אלהיךSelect Deuteronomy 12:28

29כי יכרית יהוה אלהיך את הגוים אשר אתה בא שמה לרשת אותם—מפניך וירשת אתם וישבת בארצםSelect Deuteronomy 12:29

30השמר לך פן תנקש אחריהם אחרי השמדם מפניך ופן תדרש לאלהיהם לאמר איכה יעבדו הגוים האלה את אלהיהם ואעשה כן גם אניSelect Deuteronomy 12:30

31לא תעשה כן ליהוה אלהיך כי כל תועבת יהוה אשר שנא עשו לאלהיהם—כי גם את בניהם ואת בנתיהם ישרפו באש לאלהיהםSelect Deuteronomy 12:31