13Deuteronomy 13

1את כל הדבר אשר אנכי מצוה אתכם—אתו תשמרו לעשות לא תסף עליו ולא תגרע ממנוSelect Deuteronomy 13:1

2כי יקום בקרבך נביא או חלם חלום ונתן אליך אות או מופתSelect Deuteronomy 13:2

3ובא האות והמופת אשר דבר אליך לאמר נלכה אחרי אלהים אחרים אשר לא ידעתם—ונעבדםSelect Deuteronomy 13:3

4לא תשמע אל דברי הנביא ההוא או אל חולם החלום ההוא כי מנסה יהוה אלהיכם אתכם לדעת הישכם אהבים את יהוה אלהיכם בכל לבבכם ובכל נפשכםSelect Deuteronomy 13:4

5אחרי יהוה אלהיכם תלכו ואתו תיראו ואת מצותיו תשמרו ובקלו תשמעו ואתו תעבדו ובו תדבקוןSelect Deuteronomy 13:5

6והנביא ההוא או חלם החלום ההוא יומת כי דבר סרה על יהוה אלהיכם המוציא אתכם מארץ מצרים והפדך מבית עבדים—להדיחך מן הדרך אשר צוך יהוה אלהיך ללכת בה ובערת הרע מקרבךSelect Deuteronomy 13:6

7כי יסיתך אחיך בן אמך או בנך או בתך או אשת חיקך או רעך אשר כנפשך—בסתר לאמר נלכה ונעבדה אלהים אחרים אשר לא ידעת אתה ואבתיךSelect Deuteronomy 13:7

8מאלהי העמים אשר סביבתיכם הקרבים אליך או הרחקים ממך—מקצה הארץ ועד קצה הארץSelect Deuteronomy 13:8

9לא תאבה לו ולא תשמע אליו ולא תחוס עינך עליו ולא תחמל ולא תכסה עליוSelect Deuteronomy 13:9

10כי הרג תהרגנו ידך תהיה בו בראשונה להמיתו ויד כל העם באחרנהSelect Deuteronomy 13:10

11וסקלתו באבנים ומת כי בקש להדיחך מעל יהוה אלהיך המוציאך מארץ מצרים מבית עבדיםSelect Deuteronomy 13:11

12וכל ישראל—ישמעו ויראון ולא יוספו לעשות כדבר הרע הזה—בקרבךSelect Deuteronomy 13:12

13כי תשמע באחת עריך אשר יהוה אלהיך נתן לך לשבת שם—לאמרSelect Deuteronomy 13:13

14יצאו אנשים בני בליעל מקרבך וידיחו את ישבי עירם לאמר נלכה ונעבדה אלהים אחרים—אשר לא ידעתםSelect Deuteronomy 13:14

15ודרשת וחקרת ושאלת היטב והנה אמת נכון הדבר נעשתה התועבה הזאת בקרבךSelect Deuteronomy 13:15

16הכה תכה את ישבי העיר ההוא—לפי חרב החרם אתה ואת כל אשר בה ואת בהמתה לפי חרבSelect Deuteronomy 13:16

17ואת כל שללה תקבץ אל תוך רחבה ושרפת באש את העיר ואת כל שללה כליל ליהוה אלהיך והיתה תל עולם לא תבנה עודSelect Deuteronomy 13:17

18ולא ידבק בידך מאומה מן החרם—למען ישוב יהוה מחרון אפו ונתן לך רחמים ורחמך והרבך כאשר נשבע לאבתיךSelect Deuteronomy 13:18

19כי תשמע בקול יהוה אלהיך לשמר את כל מצותיו אשר אנכי מצוך היום—לעשות הישר בעיני יהוה אלהיךSelect Deuteronomy 13:19