16Deuteronomy 16

1שמור את חדש האביב ועשית פסח ליהוה אלהיך כי בחדש האביב הוציאך יהוה אלהיך ממצרים—לילהSelect Deuteronomy 16:1

2וזבחת פסח ליהוה אלהיך צאן ובקר במקום אשר יבחר יהוה לשכן שמו שםSelect Deuteronomy 16:2

3לא תאכל עליו חמץ שבעת ימים תאכל עליו מצות לחם עני כי בחפזון יצאת מארץ מצרים—למען תזכר את יום צאתך מארץ מצרים כל ימי חייךSelect Deuteronomy 16:3

4ולא יראה לך שאר בכל גבלך שבעת ימים ולא ילין מן הבשר אשר תזבח בערב ביום הראשון—לבקרSelect Deuteronomy 16:4

5לא תוכל לזבח את הפסח באחד שעריך אשר יהוה אלהיך נתן לךSelect Deuteronomy 16:5

6כי אם אל המקום אשר יבחר יהוה אלהיך לשכן שמו—שם תזבח את הפסח בערב כבוא השמש מועד צאתך ממצריםSelect Deuteronomy 16:6

7ובשלת ואכלת במקום אשר יבחר יהוה אלהיך בו ופנית בבקר והלכת לאהליךSelect Deuteronomy 16:7

8ששת ימים תאכל מצות וביום השביעי עצרת ליהוה אלהיך—לא תעשה מלאכהSelect Deuteronomy 16:8

9שבעה שבעת תספר לך מהחל חרמש בקמה תחל לספר שבעה שבעותSelect Deuteronomy 16:9

10ועשית חג שבעות ליהוה אלהיך—מסת נדבת ידך אשר תתן כאשר יברכך יהוה אלהיךSelect Deuteronomy 16:10

11ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך—במקום אשר יבחר יהוה אלהיך לשכן שמו שםSelect Deuteronomy 16:11

12וזכרת כי עבד היית במצרים ושמרת ועשית את החקים האלהSelect Deuteronomy 16:12

13חג הסכת תעשה לך שבעת ימים באספך—מגרנך ומיקבךSelect Deuteronomy 16:13

14ושמחת בחגך אתה ובנך ובתך ועבדך ואמתך והלוי והגר והיתום והאלמנה אשר בשעריךSelect Deuteronomy 16:14

15שבעת ימים תחג ליהוה אלהיך במקום אשר יבחר יהוה כי יברכך יהוה אלהיך בכל תבואתך ובכל מעשה ידיך והיית אך שמחSelect Deuteronomy 16:15

16שלוש פעמים בשנה יראה כל זכורך את פני יהוה אלהיך במקום אשר יבחר—בחג המצות ובחג השבעות ובחג הסכות ולא יראה את פני יהוה ריקםSelect Deuteronomy 16:16

17איש כמתנת ידו כברכת יהוה אלהיך אשר נתן לךSelect Deuteronomy 16:17

18שפטים ושטרים תתן לך בכל שעריך אשר יהוה אלהיך נתן לך לשבטיך ושפטו את העם משפט צדקSelect Deuteronomy 16:18

19לא תטה משפט לא תכיר פנים ולא תקח שחד—כי השחד יעור עיני חכמים ויסלף דברי צדיקםSelect Deuteronomy 16:19

20צדק צדק תרדף—למען תחיה וירשת את הארץ אשר יהוה אלהיך נתן לךSelect Deuteronomy 16:20

21לא תטע לך אשרה כל עץ אצל מזבח יהוה אלהיך—אשר תעשה לךSelect Deuteronomy 16:21

22ולא תקים לך מצבה אשר שנא יהוה אלהיךSelect Deuteronomy 16:22