18Deuteronomy 18

1לא יהיה לכהנים הלוים כל שבט לוי חלק ונחלה—עם ישראל אשי יהוה ונחלתו יאכלוןSelect Deuteronomy 18:1

2ונחלה לא יהיה לו בקרב אחיו יהוה הוא נחלתו כאשר דבר לוSelect Deuteronomy 18:2

3וזה יהיה משפט הכהנים מאת העם מאת זבחי הזבח—אם שור אם שה ונתן לכהן הזרע והלחיים והקבהSelect Deuteronomy 18:3

4ראשית דגנך תירשך ויצהרך וראשית גז צאנך—תתן לוSelect Deuteronomy 18:4

5כי בו בחר יהוה אלהיך—מכל שבטיך לעמד לשרת בשם יהוה הוא ובניו כל הימיםSelect Deuteronomy 18:5

6וכי יבא הלוי מאחד שעריך מכל ישראל אשר הוא גר שם ובא בכל אות נפשו אל המקום אשר יבחר יהוהSelect Deuteronomy 18:6

7ושרת בשם יהוה אלהיו—ככל אחיו הלוים העמדים שם לפני יהוהSelect Deuteronomy 18:7

8חלק כחלק יאכלו לבד ממכריו על האבותSelect Deuteronomy 18:8

9כי אתה בא אל הארץ אשר יהוה אלהיך נתן לך—לא תלמד לעשות כתועבת הגוים ההםSelect Deuteronomy 18:9

10לא ימצא בך מעביר בנו ובתו באש קסם קסמים מעונן ומנחש ומכשףSelect Deuteronomy 18:10

11וחבר חבר ושאל אוב וידעני ודרש אל המתיםSelect Deuteronomy 18:11

12כי תועבת יהוה כל עשה אלה ובגלל התועבת האלה יהוה אלהיך מוריש אותם מפניךSelect Deuteronomy 18:12

13תמים תהיה עם יהוה אלהיךSelect Deuteronomy 18:13

14כי הגוים האלה אשר אתה יורש אותם—אל מעננים ואל קסמים ישמעו ואתה—לא כן נתן לך יהוה אלהיךSelect Deuteronomy 18:14

15נביא מקרבך מאחיך כמני יקים לך יהוה אלהיך אליו תשמעוןSelect Deuteronomy 18:15

16ככל אשר שאלת מעם יהוה אלהיך בחרב ביום הקהל לאמר לא אסף לשמע את קול יהוה אלהי ואת האש הגדלה הזאת לא אראה עוד ולא אמותSelect Deuteronomy 18:16

17ויאמר יהוה אלי היטיבו אשר דברוSelect Deuteronomy 18:17

18נביא אקים להם מקרב אחיהם כמוך ונתתי דברי בפיו ודבר אליהם את כל אשר אצונוSelect Deuteronomy 18:18

19והיה האיש אשר לא ישמע אל דברי אשר ידבר בשמי—אנכי אדרש מעמוSelect Deuteronomy 18:19

20אך הנביא אשר יזיד לדבר דבר בשמי את אשר לא צויתיו לדבר ואשר ידבר בשם אלהים אחרים—ומת הנביא ההואSelect Deuteronomy 18:20

21וכי תאמר בלבבך איכה נדע את הדבר אשר לא דברו יהוהSelect Deuteronomy 18:21

22אשר ידבר הנביא בשם יהוה ולא יהיה הדבר ולא יבא—הוא הדבר אשר לא דברו יהוה בזדון דברו הנביא לא תגור ממנוSelect Deuteronomy 18:22