2Deuteronomy 2

1ונפן ונסע המדברה דרך ים סוף כאשר דבר יהוה אלי ונסב את הר שעיר ימים רביםSelect Deuteronomy 2:1

2ויאמר יהוה אלי לאמרSelect Deuteronomy 2:2

3רב לכם סב את ההר הזה פנו לכם צפנהSelect Deuteronomy 2:3

4ואת העם צו לאמר אתם עברים בגבול אחיכם בני עשו הישבים בשעיר וייראו מכם ונשמרתם מאדSelect Deuteronomy 2:4

5אל תתגרו בם—כי לא אתן לכם מארצם עד מדרך כף רגל כי ירשה לעשו נתתי את הר שעירSelect Deuteronomy 2:5

6אכל תשברו מאתם בכסף ואכלתם וגם מים תכרו מאתם בכסף—ושתיתםSelect Deuteronomy 2:6

7כי יהוה אלהיך ברכך בכל מעשה ידך—ידע לכתך את המדבר הגדל הזה זה ארבעים שנה יהוה אלהיך עמך—לא חסרת דברSelect Deuteronomy 2:7

8ונעבר מאת אחינו בני עשו הישבים בשעיר מדרך הערבה מאילת ומעצין גבר ונפן ונעבר דרך מדבר מואבSelect Deuteronomy 2:8

9ויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשה—כי לבני לוט נתתי את ער ירשהSelect Deuteronomy 2:9

10האמים לפנים ישבו בה—עם גדול ורב ורם כענקיםSelect Deuteronomy 2:10

11רפאים יחשבו אף הם כענקים והמאבים יקראו להם אמיםSelect Deuteronomy 2:11

12ובשעיר ישבו החרים לפנים ובני עשו יירשום וישמידום מפניהם וישבו תחתם כאשר עשה ישראל לארץ ירשתו אשר נתן יהוה להםSelect Deuteronomy 2:12

13עתה קמו ועברו לכם—את נחל זרד ונעבר את נחל זרדSelect Deuteronomy 2:13

14והימים אשר הלכנו מקדש ברנע עד אשר עברנו את נחל זרד שלשים ושמנה שנה—עד תם כל הדור אנשי המלחמה מקרב המחנה כאשר נשבע יהוה להםSelect Deuteronomy 2:14

15וגם יד יהוה היתה בם להמם מקרב המחנה עד תמםSelect Deuteronomy 2:15

16ויהי כאשר תמו כל אנשי המלחמה למות—מקרב העםSelect Deuteronomy 2:16

17וידבר יהוה אלי לאמרSelect Deuteronomy 2:17

18אתה עבר היום את גבול מואב את ערSelect Deuteronomy 2:18

19וקרבת מול בני עמון—אל תצרם ואל תתגר בם כי לא אתן מארץ בני עמון לך ירשה—כי לבני לוט נתתיה ירשהSelect Deuteronomy 2:19

20ארץ רפאים תחשב אף הוא רפאים ישבו בה לפנים והעמנים יקראו להם זמזמיםSelect Deuteronomy 2:20

21עם גדול ורב ורם כענקים וישמידם יהוה מפניהם ויירשם וישבו תחתםSelect Deuteronomy 2:21

22כאשר עשה לבני עשו הישבים בשעיר—אשר השמיד את החרי מפניהם ויירשם וישבו תחתם עד היום הזהSelect Deuteronomy 2:22

23והעוים הישבים בחצרים עד עזה—כפתרים היצאים מכפתר השמידם וישבו תחתםSelect Deuteronomy 2:23

24קומו סעו ועברו את נחל ארנן—ראה נתתי בידך את סיחן מלך חשבון האמרי ואת ארצו החל רש והתגר בו מלחמהSelect Deuteronomy 2:24

25היום הזה אחל תת פחדך ויראתך על פני העמים תחת כל השמים—אשר ישמעון שמעך ורגזו וחלו מפניךSelect Deuteronomy 2:25

26ואשלח מלאכים ממדבר קדמות אל סיחון מלך חשבון דברי שלום לאמרSelect Deuteronomy 2:26

27אעברה בארצך בדרך בדרך אלך לא אסור ימין ושמאולSelect Deuteronomy 2:27

28אכל בכסף תשברני ואכלתי ומים בכסף תתן לי ושתיתי רק אעברה ברגליSelect Deuteronomy 2:28

29כאשר עשו לי בני עשו הישבים בשעיר והמואבים הישבים בער—עד אשר אעבר את הירדן אל הארץ אשר יהוה אלהינו נתן לנוSelect Deuteronomy 2:29

30ולא אבה סיחן מלך חשבון העברנו בו כי הקשה יהוה אלהיך את רוחו ואמץ את לבבו למען תתו בידך כיום הזהSelect Deuteronomy 2:30

31ויאמר יהוה אלי ראה החלתי תת לפניך את סיחן ואת ארצו החל רש לרשת את ארצוSelect Deuteronomy 2:31

32ויצא סיחן לקראתנו הוא וכל עמו למלחמה—יהצהSelect Deuteronomy 2:32

33ויתנהו יהוה אלהינו לפנינו ונך אתו ואת בנו ואת כל עמוSelect Deuteronomy 2:33

34ונלכד את כל עריו בעת ההוא ונחרם את כל עיר מתם והנשים והטף לא השארנו שרידSelect Deuteronomy 2:34

35רק הבהמה בזזנו לנו ושלל הערים אשר לכדנוSelect Deuteronomy 2:35

36מערער אשר על שפת נחל ארנן והעיר אשר בנחל ועד הגלעד לא היתה קריה אשר שגבה ממנו את הכל נתן יהוה אלהינו לפנינוSelect Deuteronomy 2:36

37רק אל ארץ בני עמון לא קרבת כל יד נחל יבק וערי ההר וכל אשר צוה יהוה אלהינוSelect Deuteronomy 2:37