21Deuteronomy 21

1כי ימצא חלל באדמה אשר יהוה אלהיך נתן לך לרשתה נפל בשדה לא נודע מי הכהוSelect Deuteronomy 21:1

2ויצאו זקניך ושפטיך ומדדו אל הערים אשר סביבת החללSelect Deuteronomy 21:2

3והיה העיר הקרבה אל החלל—ולקחו זקני העיר ההוא עגלת בקר אשר לא עבד בה אשר לא משכה בעלSelect Deuteronomy 21:3

4והורדו זקני העיר ההוא את העגלה אל נחל איתן אשר לא יעבד בו ולא יזרע וערפו שם את העגלה בנחלSelect Deuteronomy 21:4

5ונגשו הכהנים בני לוי—כי בם בחר יהוה אלהיך לשרתו ולברך בשם יהוה ועל פיהם יהיה כל ריב וכל נגעSelect Deuteronomy 21:5

6וכל זקני העיר ההוא הקרבים אל החלל—ירחצו את ידיהם על העגלה הערופה בנחלSelect Deuteronomy 21:6

7וענו ואמרו ידינו לא שפכה (שפכו) את הדם הזה ועינינו לא ראוSelect Deuteronomy 21:7

8כפר לעמך ישראל אשר פדית יהוה ואל תתן דם נקי בקרב עמך ישראל ונכפר להם הדםSelect Deuteronomy 21:8

9ואתה תבער הדם הנקי—מקרבך כי תעשה הישר בעיני יהוהSelect Deuteronomy 21:9

10כי תצא למלחמה על איביך ונתנו יהוה אלהיך בידך—ושבית שביוSelect Deuteronomy 21:10

11וראית בשביה אשת יפת תאר וחשקת בה ולקחת לך לאשהSelect Deuteronomy 21:11

12והבאתה אל תוך ביתך וגלחה את ראשה ועשתה את צפרניהSelect Deuteronomy 21:12

13והסירה את שמלת שביה מעליה וישבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשהSelect Deuteronomy 21:13

14והיה אם לא חפצת בה ושלחתה לנפשה ומכר לא תמכרנה בכסף לא תתעמר בה תחת אשר עניתהSelect Deuteronomy 21:14

15כי תהיין לאיש שתי נשים האחת אהובה והאחת שנואה וילדו לו בנים האהובה והשנואה והיה הבן הבכר לשניאהSelect Deuteronomy 21:15

16והיה ביום הנחילו את בניו את אשר יהיה לו—לא יוכל לבכר את בן האהובה על פני בן השנואה הבכרSelect Deuteronomy 21:16

17כי את הבכר בן השנואה יכיר לתת לו פי שנים בכל אשר ימצא לו כי הוא ראשית אנו לו משפט הבכרהSelect Deuteronomy 21:17

18כי יהיה לאיש בן סורר ומורה—איננו שמע בקול אביו ובקול אמו ויסרו אתו ולא ישמע אליהםSelect Deuteronomy 21:18

19ותפשו בו אביו ואמו והוציאו אתו אל זקני עירו ואל שער מקמוSelect Deuteronomy 21:19

20ואמרו אל זקני עירו בננו זה סורר ומרה—איננו שמע בקלנו זולל וסבאSelect Deuteronomy 21:20

21ורגמהו כל אנשי עירו באבנים ומת ובערת הרע מקרבך וכל ישראל ישמעו ויראוSelect Deuteronomy 21:21

22וכי יהיה באיש חטא משפט מות—והומת ותלית אתו על עץSelect Deuteronomy 21:22

23לא תלין נבלתו על העץ כי קבור תקברנו ביום ההוא—כי קללת אלהים תלוי ולא תטמא את אדמתך אשר יהוה אלהיך נתן לך נחלהSelect Deuteronomy 21:23