22Deuteronomy 22

1לא תראה את שור אחיך או את שיו נדחים והתעלמת מהם השב תשיבם לאחיךSelect Deuteronomy 22:1

2ואם לא קרוב אחיך אליך ולא ידעתו—ואספתו אל תוך ביתך והיה עמך עד דרש אחיך אתו והשבתו לוSelect Deuteronomy 22:2

3וכן תעשה לחמרו וכן תעשה לשמלתו וכן תעשה לכל אבדת אחיך אשר תאבד ממנו ומצאתה לא תוכל להתעלםSelect Deuteronomy 22:3

4לא תראה את חמור אחיך או שורו נפלים בדרך והתעלמת מהם הקם תקים עמוSelect Deuteronomy 22:4

5לא יהיה כלי גבר על אשה ולא ילבש גבר שמלת אשה כי תועבת יהוה אלהיך כל עשה אלהSelect Deuteronomy 22:5

6כי יקרא קן צפור לפניך בדרך בכל עץ או על הארץ אפרחים או ביצים והאם רבצת על האפרחים או על הביצים—לא תקח האם על הבניםSelect Deuteronomy 22:6

7שלח תשלח את האם ואת הבנים תקח לך למען ייטב לך והארכת ימיםSelect Deuteronomy 22:7

8כי תבנה בית חדש ועשית מעקה לגגך ולא תשים דמים בביתך כי יפל הנפל ממנוSelect Deuteronomy 22:8

9לא תזרע כרמך כלאים פן תקדש המלאה הזרע אשר תזרע ותבואת הכרםSelect Deuteronomy 22:9

10לא תחרש בשור ובחמר יחדוSelect Deuteronomy 22:10

11לא תלבש שעטנז צמר ופשתים יחדוSelect Deuteronomy 22:11

12גדלים תעשה לך על ארבע כנפות כסותך אשר תכסה בהSelect Deuteronomy 22:12

13כי יקח איש אשה ובא אליה ושנאהSelect Deuteronomy 22:13

14ושם לה עלילת דברים והוצא עליה שם רע ואמר את האשה הזאת לקחתי ואקרב אליה ולא מצאתי לה בתוליםSelect Deuteronomy 22:14

15ולקח אבי הנער ואמה והוציאו את בתולי הנער אל זקני העיר—השערהSelect Deuteronomy 22:15

16ואמר אבי הנער אל הזקנים את בתי נתתי לאיש הזה לאשה—וישנאהSelect Deuteronomy 22:16

17והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העירSelect Deuteronomy 22:17

18ולקחו זקני העיר ההוא את האיש ויסרו אתוSelect Deuteronomy 22:18

19וענשו אתו מאה כסף ונתנו לאבי הנערה—כי הוציא שם רע על בתולת ישראל ולו תהיה לאשה לא יוכל לשלחה כל ימיוSelect Deuteronomy 22:19

20ואם אמת היה הדבר הזה לא נמצאו בתולים לנערSelect Deuteronomy 22:20

21והוציאו את הנער אל פתח בית אביה וסקלוה אנשי עירה באבנים ומתה—כי עשתה נבלה בישראל לזנות בית אביה ובערת הרע מקרבךSelect Deuteronomy 22:21

22כי ימצא איש שכב עם אשה בעלת בעל ומתו גם שניהם—האיש השכב עם האשה והאשה ובערת הרע מישראלSelect Deuteronomy 22:22

23כי יהיה נער בתולה מארשה לאיש ומצאה איש בעיר ושכב עמהSelect Deuteronomy 22:23

24והוצאתם את שניהם אל שער העיר ההוא וסקלתם אתם באבנים ומתו—את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבךSelect Deuteronomy 22:24

25ואם בשדה ימצא האיש את הנער המארשה והחזיק בה האיש ושכב עמה ומת האיש אשר שכב עמה—לבדוSelect Deuteronomy 22:25

26ולנער לא תעשה דבר אין לנער חטא מות כי כאשר יקום איש על רעהו ורצחו נפש—כן הדבר הזהSelect Deuteronomy 22:26

27כי בשדה מצאה צעקה הנער המארשה ואין מושיע להSelect Deuteronomy 22:27

28כי ימצא איש נער בתולה אשר לא ארשה ותפשה ושכב עמה ונמצאוSelect Deuteronomy 22:28

29ונתן האיש השכב עמה לאבי הנער—חמשים כסף ולו תהיה לאשה תחת אשר ענה—לא יוכל שלחה כל ימיוSelect Deuteronomy 22:29