23Deuteronomy 23

1לא יקח איש את אשת אביו ולא יגלה כנף אביוSelect Deuteronomy 23:1

2לא יבא פצוע דכא וכרות שפכה בקהל יהוהSelect Deuteronomy 23:2

3לא יבא ממזר בקהל יהוה גם דור עשירי לא יבא לו בקהל יהוהSelect Deuteronomy 23:3

4לא יבא עמוני ומואבי בקהל יהוה גם דור עשירי לא יבא להם בקהל יהוה עד עולםSelect Deuteronomy 23:4

5על דבר אשר לא קדמו אתכם בלחם ובמים בדרך בצאתכם ממצרים ואשר שכר עליך את בלעם בן בעור מפתור ארם נהרים—לקללךSelect Deuteronomy 23:5

6ולא אבה יהוה אלהיך לשמע אל בלעם ויהפך יהוה אלהיך לך את הקללה לברכה כי אהבך יהוה אלהיךSelect Deuteronomy 23:6

7לא תדרש שלמם וטבתם כל ימיך לעולםSelect Deuteronomy 23:7

8לא תתעב אדמי כי אחיך הוא לא תתעב מצרי כי גר היית בארצוSelect Deuteronomy 23:8

9בנים אשר יולדו להם דור שלישי—יבא להם בקהל יהוהSelect Deuteronomy 23:9

10כי תצא מחנה על איביך ונשמרת—מכל דבר רעSelect Deuteronomy 23:10

11כי יהיה בך איש אשר לא יהיה טהור מקרה לילה—ויצא אל מחוץ למחנה לא יבא אל תוך המחנהSelect Deuteronomy 23:11

12והיה לפנות ערב ירחץ במים וכבא השמש יבא אל תוך המחנהSelect Deuteronomy 23:12

13ויד תהיה לך מחוץ למחנה ויצאת שמה חוץSelect Deuteronomy 23:13

14ויתד תהיה לך על אזנך והיה בשבתך חוץ וחפרתה בה ושבת וכסית את צאתךSelect Deuteronomy 23:14

15כי יהוה אלהיך מתהלך בקרב מחנך להצילך ולתת איביך לפניך והיה מחניך קדוש ולא יראה בך ערות דבר ושב מאחריךSelect Deuteronomy 23:15

16לא תסגיר עבד אל אדניו אשר ינצל אליך מעם אדניוSelect Deuteronomy 23:16

17עמך ישב בקרבך במקום אשר יבחר באחד שעריך—בטוב לו לא תוננוSelect Deuteronomy 23:17

18לא תהיה קדשה מבנות ישראל ולא יהיה קדש מבני ישראלSelect Deuteronomy 23:18

19לא תביא אתנן זונה ומחיר כלב בית יהוה אלהיך—לכל נדר כי תועבת יהוה אלהיך גם שניהםSelect Deuteronomy 23:19

20לא תשיך לאחיך נשך כסף נשך אכל נשך כל דבר אשר ישךSelect Deuteronomy 23:20

21לנכרי תשיך ולאחיך לא תשיך—למען יברכך יהוה אלהיך בכל משלח ידך על הארץ אשר אתה בא שמה לרשתהSelect Deuteronomy 23:21

22כי תדר נדר ליהוה אלהיך לא תאחר לשלמו כי דרש ידרשנו יהוה אלהיך מעמך והיה בך חטאSelect Deuteronomy 23:22

23וכי תחדל לנדר—לא יהיה בך חטאSelect Deuteronomy 23:23

24מוצא שפתיך תשמר ועשית כאשר נדרת ליהוה אלהיך נדבה אשר דברת בפיךSelect Deuteronomy 23:24

25כי תבא בכרם רעך ואכלת ענבים כנפשך שבעך ואל כליך לא תתןSelect Deuteronomy 23:25

26כי תבא בקמת רעך וקטפת מלילת בידך וחרמש לא תניף על קמת רעךSelect Deuteronomy 23:26