26Deuteronomy 26

1והיה כי תבוא אל הארץ אשר יהוה אלהיך נתן לך נחלה וירשתה וישבת בהSelect Deuteronomy 26:1

2ולקחת מראשית כל פרי האדמה אשר תביא מארצך אשר יהוה אלהיך נתן לך—ושמת בטנא והלכת אל המקום אשר יבחר יהוה אלהיך לשכן שמו שםSelect Deuteronomy 26:2

3ובאת אל הכהן אשר יהיה בימים ההם ואמרת אליו הגדתי היום ליהוה אלהיך כי באתי אל הארץ אשר נשבע יהוה לאבתינו לתת לנוSelect Deuteronomy 26:3

4ולקח הכהן הטנא מידך והניחו—לפני מזבח יהוה אלהיךSelect Deuteronomy 26:4

5וענית ואמרת לפני יהוה אלהיך ארמי אבד אבי וירד מצרימה ויגר שם במתי מעט ויהי שם לגוי גדול עצום ורבSelect Deuteronomy 26:5

6וירעו אתנו המצרים ויענונו ויתנו עלינו עבדה קשהSelect Deuteronomy 26:6

7ונצעק אל יהוה אלהי אבתינו וישמע יהוה את קלנו וירא את ענינו ואת עמלנו ואת לחצנוSelect Deuteronomy 26:7

8ויוצאנו יהוה ממצרים ביד חזקה ובזרע נטויה ובמרא גדל—ובאתות ובמפתיםSelect Deuteronomy 26:8

9ויבאנו אל המקום הזה ויתן לנו את הארץ הזאת ארץ זבת חלב ודבשSelect Deuteronomy 26:9

10ועתה הנה הבאתי את ראשית פרי האדמה אשר נתתה לי יהוה והנחתו לפני יהוה אלהיך והשתחוית לפני יהוה אלהיךSelect Deuteronomy 26:10

11ושמחת בכל הטוב אשר נתן לך יהוה אלהיך—ולביתך אתה והלוי והגר אשר בקרבךSelect Deuteronomy 26:11

12כי תכלה לעשר את כל מעשר תבואתך בשנה השלישת—שנת המעשר ונתתה ללוי לגר ליתום ולאלמנה ואכלו בשעריך ושבעוSelect Deuteronomy 26:12

13ואמרת לפני יהוה אלהיך בערתי הקדש מן הבית וגם נתתיו ללוי ולגר ליתום ולאלמנה ככל מצותך אשר צויתני לא עברתי ממצותיך ולא שכחתיSelect Deuteronomy 26:13

14לא אכלתי באני ממנו ולא בערתי ממנו בטמא ולא נתתי ממנו למת שמעתי בקול יהוה אלהי—עשיתי ככל אשר צויתניSelect Deuteronomy 26:14

15השקיפה ממעון קדשך מן השמים וברך את עמך את ישראל ואת האדמה אשר נתתה לנו—כאשר נשבעת לאבתינו ארץ זבת חלב ודבשSelect Deuteronomy 26:15

16היום הזה יהוה אלהיך מצוך לעשות את החקים האלה—ואת המשפטים ושמרת ועשית אותם בכל לבבך ובכל נפשךSelect Deuteronomy 26:16

17את יהוה האמרת היום להיות לך לאלהים וללכת בדרכיו ולשמר חקיו ומצותיו ומשפטיו—ולשמע בקלוSelect Deuteronomy 26:17

18ויהוה האמירך היום להיות לו לעם סגלה כאשר דבר לך ולשמר כל מצותיוSelect Deuteronomy 26:18

19ולתתך עליון על כל הגוים אשר עשה לתהלה ולשם ולתפארת ולהיתך עם קדש ליהוה אלהיך כאשר דברSelect Deuteronomy 26:19