4Deuteronomy 4

1ועתה ישראל שמע אל החקים ואל המשפטים אשר אנכי מלמד אתכם לעשות—למען תחיו ובאתם וירשתם את הארץ אשר יהוה אלהי אבתיכם נתן לכםSelect Deuteronomy 4:1

2לא תספו על הדבר אשר אנכי מצוה אתכם ולא תגרעו ממנו—לשמר את מצות יהוה אלהיכם אשר אנכי מצוה אתכםSelect Deuteronomy 4:2

3עיניכם הראות את אשר עשה יהוה בבעל פעור כי כל האיש אשר הלך אחרי בעל פעור—השמידו יהוה אלהיך מקרבךSelect Deuteronomy 4:3

4ואתם הדבקים ביהוה אלהיכם—חיים כלכם היוםSelect Deuteronomy 4:4

5ראה למדתי אתכם חקים ומשפטים כאשר צוני יהוה אלהי לעשות כן—בקרב הארץ אשר אתם באים שמה לרשתהSelect Deuteronomy 4:5

6ושמרתם ועשיתם—כי הוא חכמתכם ובינתכם לעיני העמים אשר ישמעון את כל החקים האלה ואמרו רק עם חכם ונבון הגוי הגדול הזהSelect Deuteronomy 4:6

7כי מי גוי גדול אשר לו אלהים קרבים אליו כיהוה אלהינו בכל קראנו אליוSelect Deuteronomy 4:7

8ומי גוי גדול אשר לו חקים ומשפטים צדיקם ככל התורה הזאת אשר אנכי נתן לפניכם היוםSelect Deuteronomy 4:8

9רק השמר לך ושמר נפשך מאד פן תשכח את הדברים אשר ראו עיניך ופן יסורו מלבבך כל ימי חייך והודעתם לבניך ולבני בניךSelect Deuteronomy 4:9

10יום אשר עמדת לפני יהוה אלהיך בחרב באמר יהוה אלי הקהל לי את העם ואשמעם את דברי אשר ילמדון ליראה אתי כל הימים אשר הם חיים על האדמה ואת בניהם ילמדוןSelect Deuteronomy 4:10

11ותקרבון ותעמדון תחת ההר וההר בער באש עד לב השמים—חשך ענן וערפלSelect Deuteronomy 4:11

12וידבר יהוה אליכם מתוך האש קול דברים אתם שמעים ותמונה אינכם ראים זולתי קולSelect Deuteronomy 4:12

13ויגד לכם את בריתו אשר צוה אתכם לעשות—עשרת הדברים ויכתבם על שני לחות אבניםSelect Deuteronomy 4:13

14ואתי צוה יהוה בעת ההוא ללמד אתכם חקים ומשפטים לעשתכם אתם—בארץ אשר אתם עברים שמה לרשתהSelect Deuteronomy 4:14

15ונשמרתם מאד לנפשתיכם כי לא ראיתם כל תמונה ביום דבר יהוה אליכם בחרב מתוך האשSelect Deuteronomy 4:15

16פן תשחתון—ועשיתם לכם פסל תמונת כל סמל תבנית זכר או נקבהSelect Deuteronomy 4:16

17תבנית כל בהמה אשר בארץ תבנית כל צפור כנף אשר תעוף בשמיםSelect Deuteronomy 4:17

18תבנית כל רמש באדמה תבנית כל דגה אשר במים מתחת לארץSelect Deuteronomy 4:18

19ופן תשא עיניך השמימה וראית את השמש ואת הירח ואת הכוכבים כל צבא השמים ונדחת והשתחוית להם ועבדתם—אשר חלק יהוה אלהיך אתם לכל העמים תחת כל השמיםSelect Deuteronomy 4:19

20ואתכם לקח יהוה ויוצא אתכם מכור הברזל ממצרים להיות לו לעם נחלה כיום הזהSelect Deuteronomy 4:20

21ויהוה התאנף בי על דבריכם וישבע לבלתי עברי את הירדן ולבלתי בא אל הארץ הטובה אשר יהוה אלהיך נתן לך נחלהSelect Deuteronomy 4:21

22כי אנכי מת בארץ הזאת אינני עבר את הירדן ואתם עברים וירשתם את הארץ הטובה הזאתSelect Deuteronomy 4:22

23השמרו לכם פן תשכחו את ברית יהוה אלהיכם אשר כרת עמכם ועשיתם לכם פסל תמונת כל אשר צוך יהוה אלהיךSelect Deuteronomy 4:23

24כי יהוה אלהיך אש אכלה הוא אל קנאSelect Deuteronomy 4:24

25כי תוליד בנים ובני בנים ונושנתם בארץ והשחתם ועשיתם פסל תמונת כל ועשיתם הרע בעיני יהוה אלהיך להכעיסוSelect Deuteronomy 4:25

26העידתי בכם היום את השמים ואת הארץ כי אבד תאבדון מהר מעל הארץ אשר אתם עברים את הירדן שמה לרשתה לא תאריכן ימים עליה כי השמד תשמדוןSelect Deuteronomy 4:26

27והפיץ יהוה אתכם בעמים ונשארתם מתי מספר בגוים אשר ינהג יהוה אתכם שמהSelect Deuteronomy 4:27

28ועבדתם שם אלהים מעשה ידי אדם עץ ואבן—אשר לא יראון ולא ישמעון ולא יאכלון ולא יריחןSelect Deuteronomy 4:28

29ובקשתם משם את יהוה אלהיך ומצאת כי תדרשנו בכל לבבך ובכל נפשךSelect Deuteronomy 4:29

30בצר לך—ומצאוך כל הדברים האלה באחרית הימים ושבת עד יהוה אלהיך ושמעת בקלוSelect Deuteronomy 4:30

31כי אל רחום יהוה אלהיך לא ירפך ולא ישחיתך ולא ישכח את ברית אבתיך אשר נשבע להםSelect Deuteronomy 4:31

32כי שאל נא לימים ראשנים אשר היו לפניך למן היום אשר ברא אלהים אדם על הארץ ולמקצה השמים ועד קצה השמים הנהיה כדבר הגדול הזה או הנשמע כמהוSelect Deuteronomy 4:32

33השמע עם קול אלהים מדבר מתוך האש כאשר שמעת אתה—ויחיSelect Deuteronomy 4:33

34או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשר עשה לכם יהוה אלהיכם במצרים—לעיניךSelect Deuteronomy 4:34

35אתה הראת לדעת כי יהוה הוא האלהים אין עוד מלבדוSelect Deuteronomy 4:35

36מן השמים השמיעך את קלו ליסרך ועל הארץ הראך את אשו הגדולה ודבריו שמעת מתוך האשSelect Deuteronomy 4:36

37ותחת כי אהב את אבתיך ויבחר בזרעו אחריו ויוצאך בפניו בכחו הגדל ממצריםSelect Deuteronomy 4:37

38להוריש גוים גדלים ועצמים ממך—מפניך להביאך לתת לך את ארצם נחלה—כיום הזהSelect Deuteronomy 4:38

39וידעת היום והשבת אל לבבך כי יהוה הוא האלהים בשמים ממעל ועל הארץ מתחת אין עודSelect Deuteronomy 4:39

40ושמרת את חקיו ואת מצותיו אשר אנכי מצוך היום אשר ייטב לך ולבניך אחריך—ולמען תאריך ימים על האדמה אשר יהוה אלהיך נתן לך כל הימיםSelect Deuteronomy 4:40

41אז יבדיל משה שלש ערים בעבר הירדן מזרחה שמשSelect Deuteronomy 4:41

42לנס שמה רוצח אשר ירצח את רעהו בבלי דעת והוא לא שנא לו מתמל שלשם ונס אל אחת מן הערים האל—וחיSelect Deuteronomy 4:42

43את בצר במדבר בארץ המישר לראובני ואת ראמת בגלעד לגדי ואת גולן בבשן למנשיSelect Deuteronomy 4:43

44וזאת התורה אשר שם משה לפני בני ישראלSelect Deuteronomy 4:44

45אלה העדת והחקים והמשפטים—אשר דבר משה אל בני ישראל בצאתם ממצריםSelect Deuteronomy 4:45

46בעבר הירדן בגיא מול בית פעור בארץ סיחן מלך האמרי אשר יושב בחשבון—אשר הכה משה ובני ישראל בצאתם ממצריםSelect Deuteronomy 4:46

47ויירשו את ארצו ואת ארץ עוג מלך הבשן שני מלכי האמרי אשר בעבר הירדן—מזרח שמשSelect Deuteronomy 4:47

48מערער אשר על שפת נחל ארנן ועד הר שיאן—הוא חרמוןSelect Deuteronomy 4:48

49וכל הערבה עבר הירדן מזרחה ועד ים הערבה—תחת אשדת הפסגהSelect Deuteronomy 4:49