7Deuteronomy 7

1כי יביאך יהוה אלהיך אל הארץ אשר אתה בא שמה לרשתה ונשל גוים רבים מפניך החתי והגרגשי והאמרי והכנעני והפרזי והחוי והיבוסי—שבעה גוים רבים ועצומים ממךSelect Deuteronomy 7:1

2ונתנם יהוה אלהיך לפניך—והכיתם החרם תחרים אתם לא תכרת להם ברית ולא תחנםSelect Deuteronomy 7:2

3ולא תתחתן בם בתך לא תתן לבנו ובתו לא תקח לבנךSelect Deuteronomy 7:3

4כי יסיר את בנך מאחרי ועבדו אלהים אחרים וחרה אף יהוה בכם והשמידך מהרSelect Deuteronomy 7:4

5כי אם כה תעשו להם—מזבחתיהם תתצו ומצבתם תשברו ואשירהם תגדעון ופסיליהם תשרפון באשSelect Deuteronomy 7:5

6כי עם קדוש אתה ליהוה אלהיך בך בחר יהוה אלהיך להיות לו לעם סגלה מכל העמים אשר על פני האדמהSelect Deuteronomy 7:6

7לא מרבכם מכל העמים חשק יהוה בכם—ויבחר בכם כי אתם המעט מכל העמיםSelect Deuteronomy 7:7

8כי מאהבת יהוה אתכם ומשמרו את השבעה אשר נשבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצריםSelect Deuteronomy 7:8

9וידעת כי יהוה אלהיך הוא האלהים האל הנאמן—שמר הברית והחסד לאהביו ולשמרי מצותו לאלף דורSelect Deuteronomy 7:9

10ומשלם לשנאיו אל פניו להאבידו לא יאחר לשנאו אל פניו ישלם לוSelect Deuteronomy 7:10

11ושמרת את המצוה ואת החקים ואת המשפטים אשר אנכי מצוך היום—לעשותםSelect Deuteronomy 7:11

12והיה עקב תשמעון את המשפטים האלה ושמרתם ועשיתם אתם—ושמר יהוה אלהיך לך את הברית ואת החסד אשר נשבע לאבתיךSelect Deuteronomy 7:12

13ואהבך וברכך והרבך וברך פרי בטנך ופרי אדמתך דגנך ותירשך ויצהרך שגר אלפיך ועשתרת צאנך על האדמה אשר נשבע לאבתיך לתת לךSelect Deuteronomy 7:13

14ברוך תהיה מכל העמים לא יהיה בך עקר ועקרה ובבהמתךSelect Deuteronomy 7:14

15והסיר יהוה ממך כל חלי וכל מדוי מצרים הרעים אשר ידעת לא ישימם בך ונתנם בכל שנאיךSelect Deuteronomy 7:15

16ואכלת את כל העמים אשר יהוה אלהיך נתן לך—לא תחוס עינך עליהם ולא תעבד את אלהיהם כי מוקש הוא לךSelect Deuteronomy 7:16

17כי תאמר בלבבך רבים הגוים האלה ממני איכה אוכל להורישםSelect Deuteronomy 7:17

18לא תירא מהם זכר תזכר את אשר עשה יהוה אלהיך לפרעה ולכל מצריםSelect Deuteronomy 7:18

19המסת הגדלת אשר ראו עיניך והאתת והמפתים והיד החזקה והזרע הנטויה אשר הוצאך יהוה אלהיך כן יעשה יהוה אלהיך לכל העמים אשר אתה ירא מפניהםSelect Deuteronomy 7:19

20וגם את הצרעה ישלח יהוה אלהיך בם עד אבד הנשארים והנסתרים—מפניךSelect Deuteronomy 7:20

21לא תערץ מפניהם כי יהוה אלהיך בקרבך אל גדול ונוראSelect Deuteronomy 7:21

22ונשל יהוה אלהיך את הגוים האל מפניך—מעט מעט לא תוכל כלתם מהר פן תרבה עליך חית השדהSelect Deuteronomy 7:22

23ונתנם יהוה אלהיך לפניך והמם מהומה גדלה עד השמדםSelect Deuteronomy 7:23

24ונתן מלכיהם בידך והאבדת את שמם מתחת השמים לא יתיצב איש בפניך עד השמדך אתםSelect Deuteronomy 7:24

25פסילי אלהיהם תשרפון באש לא תחמד כסף וזהב עליהם ולקחת לך—פן תוקש בו כי תועבת יהוה אלהיך הואSelect Deuteronomy 7:25

26ולא תביא תועבה אל ביתך והיית חרם כמהו שקץ תשקצנו ותעב תתעבנו כי חרם הואSelect Deuteronomy 7:26