1Amos 1

1דברי עמוס אשר היה בנקדים מתקוע אשר חזה על ישראל בימי עזיה מלך יהודה ובימי ירבעם בן יואש מלך ישראל—שנתים לפני הרעשSelect Amos 1:1

2ויאמר—יהוה מציון ישאג ומירושלם יתן קולו ואבלו נאות הרעים ויבש ראש הכרמלSelect Amos 1:2

3כה אמר יהוה על שלשה פשעי דמשק ועל ארבעה לא אשיבנו על דושם בחרצות הברזל את הגלעדSelect Amos 1:3

4ושלחתי אש בבית חזאל ואכלה ארמנות בן הדדSelect Amos 1:4

5ושברתי בריח דמשק והכרתי יושב מבקעת און ותומך שבט מבית עדן וגלו עם ארם קירה אמר יהוהSelect Amos 1:5

6כה אמר יהוה על שלשה פשעי עזה ועל ארבעה לא אשיבנו על הגלותם גלות שלמה להסגיר לאדוםSelect Amos 1:6

7ושלחתי אש בחומת עזה ואכלה ארמנתיהSelect Amos 1:7

8והכרתי יושב מאשדוד ותומך שבט מאשקלון והשיבותי ידי על עקרון ואבדו שארית פלשתים—אמר אדני יהוהSelect Amos 1:8

9כה אמר יהוה על שלשה פשעי צר ועל ארבעה לא אשיבנו על הסגירם גלות שלמה לאדום ולא זכרו ברית אחיםSelect Amos 1:9

10ושלחתי אש בחומת צר ואכלה ארמנותיהSelect Amos 1:10

11כה אמר יהוה על שלשה פשעי אדום ועל ארבעה לא אשיבנו על רדפו בחרב אחיו ושחת רחמיו ויטרף לעד אפו ועברתו שמרה נצחSelect Amos 1:11

12ושלחתי אש בתימן ואכלה ארמנות בצרהSelect Amos 1:12

13כה אמר יהוה על שלשה פשעי בני עמון ועל ארבעה לא אשיבנו על בקעם הרות הגלעד למען הרחיב את גבולםSelect Amos 1:13

14והצתי אש בחומת רבה ואכלה ארמנותיה בתרועה ביום מלחמה בסער ביום סופהSelect Amos 1:14

15והלך מלכם בגולה הוא ושריו יחדו אמר יהוהSelect Amos 1:15