21Ezekiel 21

1ויהי דבר יהוה אלי לאמרSelect Ezekiel 21:1

2בן אדם שים פניך דרך תימנה והטף אל דרום והנבא אל יער השדה נגבSelect Ezekiel 21:2

3ואמרת ליער הנגב שמע דבר יהוה כה אמר אדני יהוה הנני מצית בך אש ואכלה בך כל עץ לח וכל עץ יבש לא תכבה להבת שלהבת ונצרבו בה כל פנים מנגב צפונהSelect Ezekiel 21:3

4וראו כל בשר כי אני יהוה בערתיה לא תכבהSelect Ezekiel 21:4

5ואמר אהה אדני יהוה המה אמרים לי הלא ממשל משלים הואSelect Ezekiel 21:5

6ויהי דבר יהוה אלי לאמרSelect Ezekiel 21:6

7בן אדם שים פניך אל ירושלם והטף אל מקדשים והנבא אל אדמת ישראלSelect Ezekiel 21:7

8ואמרת לאדמת ישראל כה אמר יהוה הנני אליך והוצאתי חרבי מתערה והכרתי ממך צדיק ורשעSelect Ezekiel 21:8

9יען אשר הכרתי ממך צדיק ורשע לכן תצא חרבי מתערה אל כל בשר—מנגב צפוןSelect Ezekiel 21:9

10וידעו כל בשר כי אני יהוה הוצאתי חרבי מתערה לא תשוב עודSelect Ezekiel 21:10

11ואתה בן אדם האנח בשברון מתנים ובמרירות תאנח לעיניהםSelect Ezekiel 21:11

12והיה כי יאמרו אליך על מה אתה נאנח ואמרת אל שמועה כי באה ונמס כל לב ורפו כל ידים וכהתה כל רוח וכל ברכים תלכנה מים—הנה באה ונהיתה נאם אדני יהוהSelect Ezekiel 21:12

13ויהי דבר יהוה אלי לאמרSelect Ezekiel 21:13

14בן אדם—הנבא ואמרת כה אמר אדני אמר חרב חרב הוחדה וגם מרוטהSelect Ezekiel 21:14

15למען טבח טבח הוחדה למען היה לה ברק מרטה או נשיש שבט בני מאסת כל עץSelect Ezekiel 21:15

16ויתן אתה למרטה לתפש בכף היא הוחדה חרב והיא מרטה לתת אותה ביד הורגSelect Ezekiel 21:16

17זעק והילל בן אדם—כי היא היתה בעמי היא בכל נשיאי ישראל מגורי אל חרב היו את עמי לכן ספק אל ירךSelect Ezekiel 21:17

18כי בחן—ומה אם גם שבט מאסת לא יהיה נאם אדני יהוהSelect Ezekiel 21:18

19ואתה בן אדם—הנבא והך כף אל כף ותכפל חרב שלישתה חרב חללים—היא חרב חלל הגדול החדרת להםSelect Ezekiel 21:19

20למען למוג לב והרבה המכשלים—על כל שעריהם נתתי אבחת חרב אח עשויה לברק מעטה לטבחSelect Ezekiel 21:20

21התאחדי הימני השימי השמילי אנה פניך מעדותSelect Ezekiel 21:21

22וגם אני אכה כפי אל כפי והניחתי חמתי אני יהוה דברתיSelect Ezekiel 21:22

23ויהי דבר יהוה אלי לאמרSelect Ezekiel 21:23

24ואתה בן אדם שים לך שנים דרכים לבוא חרב מלך בבל—מארץ אחד יצאו שניהם ויד ברא בראש דרך עיר בראSelect Ezekiel 21:24

25דרך תשים—לבוא חרב את רבת בני עמון ואת יהודה בירושלם בצורהSelect Ezekiel 21:25

26כי עמד מלך בבל אל אם הדרך בראש שני הדרכים—לקסם קסם קלקל בחצים שאל בתרפים ראה בכבדSelect Ezekiel 21:26

27בימינו היה הקסם ירושלם לשום כרים לפתח פה ברצח להרים קול בתרועה—לשום כרים על שערים לשפך סללה לבנות דיקSelect Ezekiel 21:27

28והיה להם כקסום (כקסם) שוא בעיניהם שבעי שבעות להם והוא מזכיר עון להתפשSelect Ezekiel 21:28

29לכן כה אמר אדני יהוה יען הזכרכם עונכם בהגלות פשעיכם להראות חטאותיכם בכל עלילותיכם—יען הזכרכם בכף תתפשוSelect Ezekiel 21:29

30ואתה חלל רשע נשיא ישראל אשר בא יומו בעת עון קץSelect Ezekiel 21:30

31כה אמר אדני יהוה הסיר המצנפת והרים העטרה זאת לא זאת—השפלה הגבה והגבה השפילSelect Ezekiel 21:31

32עוה עוה עוה אשימנה גם זאת לא היה עד בא אשר לו המשפט ונתתיוSelect Ezekiel 21:32

33ואתה בן אדם הנבא ואמרת כה אמר אדני יהוה אל בני עמון ואל חרפתם ואמרת חרב חרב פתוחה לטבח מרוטה להכיל למען ברקSelect Ezekiel 21:33

34בחזות לך שוא בקסם לך כזב—לתת אותך אל צוארי חללי רשעים אשר בא יומם בעת עון קץSelect Ezekiel 21:34

35השב אל תערה במקום אשר נבראת בארץ מכרותיך אשפט אתךSelect Ezekiel 21:35

36ושפכתי עליך זעמי באש עברתי אפיח עליך ונתתיך ביד אנשים בערים חרשי משחיתSelect Ezekiel 21:36

37לאש תהיה לאכלה דמך יהיה בתוך הארץ לא תזכרי כי אני יהוה דברתיSelect Ezekiel 21:37