22Ezekiel 22

1ויהי דבר יהוה אלי לאמרSelect Ezekiel 22:1

2ואתה בן אדם התשפט התשפט את עיר הדמים והודעתה את כל תועבותיהSelect Ezekiel 22:2

3ואמרת כה אמר אדני יהוה עיר שפכת דם בתוכה לבוא עתה ועשתה גלולים עליה לטמאהSelect Ezekiel 22:3

4בדמך אשר שפכת אשמת ובגלוליך אשר עשית טמאת ותקריבי ימיך ותבוא עד שנותיך על כן נתתיך חרפה לגוים וקלסה לכל הארצותSelect Ezekiel 22:4

5הקרבות והרחקות ממך יתקלסו בך—טמאת השם רבת המהומהSelect Ezekiel 22:5

6הנה נשיאי ישראל איש לזרעו היו בך למען שפך דםSelect Ezekiel 22:6

7אב ואם הקלו בך לגר עשו בעשק בתוכך יתום ואלמנה הונו בךSelect Ezekiel 22:7

8קדשי בזית ואת שבתתי חללתSelect Ezekiel 22:8

9אנשי רכיל היו בך למען שפך דם ואל ההרים אכלו בך זמה עשו בתוכךSelect Ezekiel 22:9

10ערות אב גלה בך טמאת הנדה ענו בךSelect Ezekiel 22:10

11ואיש את אשת רעהו עשה תועבה ואיש את כלתו טמא בזמה ואיש את אחתו בת אביו ענה בךSelect Ezekiel 22:11

12שחד לקחו בך למען שפך דם נשך ותרבית לקחת ותבצעי רעיך בעשק ואתי שכחת נאם אדני יהוהSelect Ezekiel 22:12

13והנה הכיתי כפי אל בצעך אשר עשית ועל דמך אשר היו בתוכךSelect Ezekiel 22:13

14היעמד לבך אם תחזקנה ידיך לימים אשר אני עשה אותך אני יהוה דברתי ועשיתיSelect Ezekiel 22:14

15והפיצותי אותך בגוים וזריתיך בארצות והתמתי טמאתך ממךSelect Ezekiel 22:15

16ונחלת בך לעיני גוים וידעת כי אני יהוהSelect Ezekiel 22:16

17ויהי דבר יהוה אלי לאמרSelect Ezekiel 22:17

18בן אדם היו לי בית ישראל לסוג (לסיג) כלם נחשת ובדיל וברזל ועופרת בתוך כור—סגים כסף היוSelect Ezekiel 22:18

19לכן כה אמר אדני יהוה יען היות כלכם לסגים לכן הנני קבץ אתכם אל תוך ירושלםSelect Ezekiel 22:19

20קבצת כסף ונחשת וברזל ועופרת ובדיל אל תוך כור לפחת עליו אש להנתיך כן אקבץ באפי ובחמתי והנחתי והתכתי אתכםSelect Ezekiel 22:20

21וכנסתי אתכם ונפחתי עליכם באש עברתי ונתכתם בתוכהSelect Ezekiel 22:21

22כהתוך כסף בתוך כור כן תתכו בתוכה וידעתם כי אני יהוה שפכתי חמתי עליכםSelect Ezekiel 22:22

23ויהי דבר יהוה אלי לאמרSelect Ezekiel 22:23

24בן אדם—אמר לה את ארץ לא מטהרה היא לא גשמה ביום זעםSelect Ezekiel 22:24

25קשר נביאיה בתוכה כארי שואג טרף טרף נפש אכלו חסן ויקר יקחו—אלמנותיה הרבו בתוכהSelect Ezekiel 22:25

26כהניה חמסו תורתי ויחללו קדשי—בין קדש לחל לא הבדילו ובין הטמא לטהור לא הודיעו ומשבתותי העלימו עיניהם ואחל בתוכםSelect Ezekiel 22:26

27שריה בקרבה כזאבים טרפי טרף—לשפך דם לאבד נפשות למען בצע בצעSelect Ezekiel 22:27

28ונביאיה טחו להם תפל—חזים שוא וקסמים להם כזב אמרים כה אמר אדני יהוה ויהוה לא דברSelect Ezekiel 22:28

29עם הארץ עשקו עשק וגזלו גזל ועני ואביון הונו ואת הגר עשקו בלא משפטSelect Ezekiel 22:29

30ואבקש מהם איש גדר גדר ועמד בפרץ לפני בעד הארץ—לבלתי שחתה ולא מצאתיSelect Ezekiel 22:30

31ואשפך עליהם זעמי באש עברתי כליתים דרכם בראשם נתתי נאם אדני יהוהSelect Ezekiel 22:31