26Ezekiel 26

1ויהי בעשתי עשרה שנה באחד לחדש היה דבר יהוה אלי לאמרSelect Ezekiel 26:1

2בן אדם יען אשר אמרה צר על ירושלם האח—נשברה דלתות העמים נסבה אלי אמלאה החרבהSelect Ezekiel 26:2

3לכן כה אמר אדני יהוה הנני עליך צר והעליתי עליך גוים רבים כהעלות הים לגליוSelect Ezekiel 26:3

4ושחתו חמות צר והרסו מגדליה וסחיתי עפרה ממנה ונתתי אותה לצחיח סלעSelect Ezekiel 26:4

5משטח חרמים תהיה בתוך הים—כי אני דברתי נאם אדני יהוה והיתה לבז לגויםSelect Ezekiel 26:5

6ובנותיה אשר בשדה בחרב תהרגנה וידעו כי אני יהוהSelect Ezekiel 26:6

7כי כה אמר אדני יהוה הנני מביא אל צר נבוכדראצר מלך בבל מצפון מלך מלכים—בסוס וברכב ובפרשים וקהל ועם רבSelect Ezekiel 26:7

8בנותיך בשדה בחרב יהרג ונתן עליך דיק ושפך עליך סללה והקים עליך צנהSelect Ezekiel 26:8

9ומחי קבלו יתן בחמותיך ומגדלתיך—יתץ בחרבותיוSelect Ezekiel 26:9

10משפעת סוסיו יכסך אבקם מקול פרש וגלגל ורכב תרעשנה חומותיך בבאו בשעריך כמבואי עיר מבקעהSelect Ezekiel 26:10

11בפרסות סוסיו ירמס את כל חוצותיך עמך בחרב יהרג ומצבות עזך לארץ תרדSelect Ezekiel 26:11

12ושללו חילך ובזזו רכלתך והרסו חומותיך ובתי חמדתך יתצו ואבניך ועציך ועפרך בתוך מים ישימוSelect Ezekiel 26:12

13והשבתי המון שיריך וקול כנוריך לא ישמע עודSelect Ezekiel 26:13

14ונתתיך לצחיח סלע משטח חרמים תהיה—לא תבנה עוד כי אני יהוה דברתי נאם אדני יהוהSelect Ezekiel 26:14

15כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האייםSelect Ezekiel 26:15

16וירדו מעל כסאותם כל נשיאי הים והסירו את מעיליהם ואת בגדי רקמתם יפשטו חרדות ילבשו על הארץ ישבו וחרדו לרגעים ושממו עליךSelect Ezekiel 26:16

17ונשאו עליך קינה ואמרו לך איך אבדת נושבת מימים העיר ההללה אשר היתה חזקה בים היא וישביה אשר נתנו חתיתם לכל יושביהSelect Ezekiel 26:17

18עתה יחרדו האין יום מפלתך ונבהלו האיים אשר בים מצאתךSelect Ezekiel 26:18

19כי כה אמר אדני יהוה בתתי אתך עיר נחרבת כערים אשר לא נושבו בהעלות עליך את תהום וכסוך המים הרביםSelect Ezekiel 26:19

20והורדתיך את יורדי בור אל עם עולם והושבתיך בארץ תחתיות כחרבות מעולם את יורדי בור—למען לא תשבי ונתתי צבי בארץ חייםSelect Ezekiel 26:20

21בלהות אתנך ואינך ותבקשי ולא תמצאי עוד לעולם—נאם אדני יהוהSelect Ezekiel 26:21