28Ezekiel 28

1ויהי דבר יהוה אלי לאמרSelect Ezekiel 28:1

2בן אדם אמר לנגיד צר כה אמר אדני יהוה יען גבה לבך ותאמר אל אני—מושב אלהים ישבתי בלב ימים ואתה אדם ולא אל ותתן לבך כלב אלהיםSelect Ezekiel 28:2

3הנה חכם אתה מדנאל (מדניאל) כל סתום לא עממוךSelect Ezekiel 28:3

4בחכמתך ובתבונתך עשית לך חיל ותעש זהב וכסף באוצרותיךSelect Ezekiel 28:4

5ברב חכמתך ברכלתך הרבית חילך ויגבה לבבך בחילךSelect Ezekiel 28:5

6לכן כה אמר אדני יהוה יען תתך את לבבך כלב אלהיםSelect Ezekiel 28:6

7לכן הנני מביא עליך זרים—עריצי גוים והריקו חרבותם על יפי חכמתך וחללו יפעתךSelect Ezekiel 28:7

8לשחת יורדוך ומתה ממותי חלל בלב ימיםSelect Ezekiel 28:8

9האמר תאמר אלהים אני לפני הרגך ואתה אדם ולא אל ביד מחלליךSelect Ezekiel 28:9

10מותי ערלים תמות ביד זרים כי אני דברתי נאם אדני יהוהSelect Ezekiel 28:10

11ויהי דבר יהוה אלי לאמרSelect Ezekiel 28:11

12בן אדם שא קינה על מלך צור ואמרת לו כה אמר אדני יהוה אתה חותם תכנית מלא חכמה וכליל יפיSelect Ezekiel 28:12

13בעדן גן אלהים היית כל אבן יקרה מסכתך אדם פטדה ויהלם תרשיש שהם וישפה ספיר נפך וברקת וזהב מלאכת תפיך ונקביך בך ביום הבראך כוננוSelect Ezekiel 28:13

14את כרוב—ממשח הסוכך ונתתיך בהר קדש אלהים היית—בתוך אבני אש התהלכתSelect Ezekiel 28:14

15תמים אתה בדרכיך מיום הבראך עד נמצא עולתה בךSelect Ezekiel 28:15

16ברב רכלתך מלו תוכך חמס—ותחטא ואחללך מהר אלהים ואבדך כרוב הסכך מתוך אבני אשSelect Ezekiel 28:16

17גבה לבך ביפיך שחת חכמתך על יפעתך על ארץ השלכתיך לפני מלכים נתתיך—לראוה בךSelect Ezekiel 28:17

18מרב עוניך בעול רכלתך חללת מקדשיך ואוצא אש מתוכך היא אכלתך ואתנך לאפר על הארץ לעיני כל ראיךSelect Ezekiel 28:18

19כל יודעיך בעמים שממו עליך בלהות היית ואינך עד עולםSelect Ezekiel 28:19

20ויהי דבר יהוה אלי לאמרSelect Ezekiel 28:20

21בן אדם שים פניך אל צידון והנבא עליהSelect Ezekiel 28:21

22ואמרת כה אמר אדני יהוה הנני עליך צידון ונכבדתי בתוכך וידעו כי אני יהוה בעשותי בה שפטים—ונקדשתי בהSelect Ezekiel 28:22

23ושלחתי בה דבר ודם בחוצותיה ונפלל חלל בתוכה בחרב עליה מסביב וידעו כי אני יהוהSelect Ezekiel 28:23

24ולא יהיה עוד לבית ישראל סלון ממאיר וקוץ מכאב מכל סביבתם השאטים אותם וידעו כי אני אדני יהוהSelect Ezekiel 28:24

25כה אמר אדני יהוה בקבצי את בית ישראל מן העמים אשר נפצו בם ונקדשתי בם לעיני הגוים וישבו על אדמתם אשר נתתי לעבדי ליעקבSelect Ezekiel 28:25

26וישבו עליה לבטח ובנו בתים ונטעו כרמים וישבו לבטח בעשותי שפטים בכל השאטים אתם מסביבותם—וידעו כי אני יהוה אלהיהםSelect Ezekiel 28:26