3Ezekiel 3

1ויאמר אלי—בן אדם את אשר תמצא אכול אכול את המגלה הזאת ולך דבר אל בית ישראלSelect Ezekiel 3:1

2ואפתח את פי ויאכילני את המגלה הזאתSelect Ezekiel 3:2

3ויאמר אלי בן אדם בטנך תאכל ומעיך תמלא את המגלה הזאת אשר אני נתן אליך ואכלה ותהי בפי כדבש למתוקSelect Ezekiel 3:3

4ויאמר אלי בן אדם לך בא אל בית ישראל ודברת בדברי אליהםSelect Ezekiel 3:4

5כי לא אל עם עמקי שפה וכבדי לשון—אתה שלוח אל בית ישראלSelect Ezekiel 3:5

6לא אל עמים רבים עמקי שפה וכבדי לשון אשר לא תשמע דבריהם אם לא אליהם שלחתיך המה ישמעו אליךSelect Ezekiel 3:6

7ובית ישראל לא יאבו לשמע אליך—כי אינם אבים לשמע אלי כי כל בית ישראל חזקי מצח וקשי לב המהSelect Ezekiel 3:7

8הנה נתתי את פניך חזקים לעמת פניהם ואת מצחך חזק לעמת מצחםSelect Ezekiel 3:8

9כשמיר חזק מצר נתתי מצחך לא תירא אותם ולא תחת מפניהם כי בית מרי המהSelect Ezekiel 3:9

10ויאמר אלי בן אדם—את כל דברי אשר אדבר אליך קח בלבבך ובאזניך שמעSelect Ezekiel 3:10

11ולך בא אל הגולה אל בני עמך ודברת אליהם ואמרת אליהם כה אמר אדני יהוה אם ישמעו ואם יחדלוSelect Ezekiel 3:11

12ותשאני רוח—ואשמע אחרי קול רעש גדול ברוך כבוד יהוה ממקומוSelect Ezekiel 3:12

13וקול כנפי החיות משיקות אשה אל אחותה וקול האופנים לעמתם וקול רעש גדולSelect Ezekiel 3:13

14ורוח נשאתני ותקחני ואלך מר בחמת רוחי ויד יהוה עלי חזקהSelect Ezekiel 3:14

15ואבוא אל הגולה תל אביב הישבים אל נהר כבר ואשר (ואשב)—המה יושבים שם ואשב שם שבעת ימים משמים בתוכםSelect Ezekiel 3:15

16ויהי מקצה שבעת ימים ויהי דבר יהוה אלי לאמרSelect Ezekiel 3:16

17בן אדם צפה נתתיך לבית ישראל ושמעת מפי דבר והזהרת אותם ממניSelect Ezekiel 3:17

18באמרי לרשע מות תמות ולא הזהרתו ולא דברת להזהיר רשע מדרכו הרשעה לחיתו—הוא רשע בעונו ימות ודמו מידך אבקשSelect Ezekiel 3:18

19ואתה כי הזהרת רשע ולא שב מרשעו ומדרכו הרשעה—הוא בעונו ימות ואתה את נפשך הצלתSelect Ezekiel 3:19

20ובשוב צדיק מצדקו ועשה עול ונתתי מכשול לפניו הוא ימות כי לא הזהרתו בחטאתו ימות ולא תזכרן צדקתו אשר עשה ודמו מידך אבקשSelect Ezekiel 3:20

21ואתה כי הזהרתו צדיק לבלתי חטא צדיק—והוא לא חטא חיו יחיה כי נזהר ואתה את נפשך הצלתSelect Ezekiel 3:21

22ותהי עלי שם יד יהוה ויאמר אלי קום צא אל הבקעה ושם אדבר אותךSelect Ezekiel 3:22

23ואקום ואצא אל הבקעה והנה שם כבוד יהוה עמד ככבוד אשר ראיתי על נהר כבר ואפל על פניSelect Ezekiel 3:23

24ותבא בי רוח ותעמדני על רגלי וידבר אתי ויאמר אלי בא הסגר בתוך ביתךSelect Ezekiel 3:24

25ואתה בן אדם הנה נתנו עליך עבותים ואסרוך בהם ולא תצא בתוכםSelect Ezekiel 3:25

26ולשונך אדביק אל חכך ונאלמת ולא תהיה להם לאיש מוכיח כי בית מרי המהSelect Ezekiel 3:26

27ובדברי אותך אפתח את פיך ואמרת אליהם כה אמר אדני יהוה השמע ישמע והחדל יחדל כי בית מרי המהSelect Ezekiel 3:27