32Ezekiel 32

1ויהי בשתי עשרה שנה בשני עשר חדש באחד לחדש היה דבר יהוה אלי לאמרSelect Ezekiel 32:1

2בן אדם שא קינה על פרעה מלך מצרים ואמרת אליו כפיר גוים נדמית ואתה כתנים בימים ותגח בנהרותיך ותדלח מים ברגליך ותרפס נהרותםSelect Ezekiel 32:2

3כה אמר אדני יהוה ופרשתי עליך את רשתי בקהל עמים רבים והעלוך בחרמיSelect Ezekiel 32:3

4ונטשתיך בארץ על פני השדה אטילך והשכנתי עליך כל עוף השמים והשבעתי ממך חית כל הארץSelect Ezekiel 32:4

5ונתתי את בשרך על ההרים ומלאתי הגאיות רמותךSelect Ezekiel 32:5

6והשקיתי ארץ צפתך מדמך אל ההרים ואפקים ימלאון ממךSelect Ezekiel 32:6

7וכסיתי בכבותך שמים והקדרתי את ככביהם שמש בענן אכסנו וירח לא יאיר אורוSelect Ezekiel 32:7

8כל מאורי אור בשמים אקדירם עליך ונתתי חשך על ארצך נאם אדני יהוהSelect Ezekiel 32:8

9והכעסתי—לב עמים רבים בהביאי שברך בגוים על ארצות אשר לא ידעתםSelect Ezekiel 32:9

10והשמותי עליך עמים רבים ומלכיהם ישערו עליך שער בעופפי חרבי על פניהם וחרדו לרגעים איש לנפשו ביום מפלתךSelect Ezekiel 32:10

11כי כה אמר אדני יהוה חרב מלך בבל תבואךSelect Ezekiel 32:11

12בחרבות גבורים אפיל המונך עריצי גוים כלם ושדדו את גאון מצרים ונשמד כל המונהSelect Ezekiel 32:12

13והאבדתי את כל בהמתה מעל מים רבים ולא תדלחם רגל אדם עוד ופרסות בהמה לא תדלחםSelect Ezekiel 32:13

14אז אשקיע מימיהם ונהרותם כשמן אוליך—נאם אדני יהוהSelect Ezekiel 32:14

15בתתי את ארץ מצרים שממה ונשמה ארץ ממלאה—בהכותי את כל יושבי בה וידעו כי אני יהוהSelect Ezekiel 32:15

16קינה היא וקוננוה בנות הגוים תקוננה אותה על מצרים ועל כל המונה תקוננה אותה נאם אדני יהוהSelect Ezekiel 32:16

17ויהי בשתי עשרה שנה בחמשה עשר לחדש היה דבר יהוה אלי לאמרSelect Ezekiel 32:17

18בן אדם—נהה על המון מצרים והורדהו אותה ובנות גוים אדרם אל ארץ תחתיות—את יורדי בורSelect Ezekiel 32:18

19ממי נעמת רדה והשכבה את ערליםSelect Ezekiel 32:19

20בתוך חללי חרב יפלו חרב נתנה משכו אותה וכל המוניהSelect Ezekiel 32:20

21ידברו לו אלי גבורים מתוך שאול—את עזריו ירדו שכבו הערלים חללי חרבSelect Ezekiel 32:21

22שם אשור וכל קהלה סביבותיו קברתיו כלם חללים הנפלים בחרבSelect Ezekiel 32:22

23אשר נתנו קברתיה בירכתי בור ויהי קהלה סביבות קברתה כלם חללים נפלים בחרב אשר נתנו חתית בארץ חייםSelect Ezekiel 32:23

24שם עילם וכל המונה סביבות קברתה כלם חללים הנפלים בחרב אשר ירדו ערלים אל ארץ תחתיות אשר נתנו חתיתם בארץ חיים וישאו כלמתם את יורדי בורSelect Ezekiel 32:24

25בתוך חללים נתנו משכב לה בכל המונה—סביבותיו קברתה כלם ערלים חללי חרב כי נתן חתיתם בארץ חיים וישאו כלמתם את יורדי בור בתוך חללים נתןSelect Ezekiel 32:25

26שם משך תבל וכל המונה סביבותיו קברותיה כלם ערלים מחללי חרב כי נתנו חתיתם בארץ חייםSelect Ezekiel 32:26

27ולא ישכבו את גבורים נפלים מערלים אשר ירדו שאול בכלי מלחמתם ויתנו את חרבותם תחת ראשיהם ותהי עונתם על עצמותם—כי חתית גבורים בארץ חייםSelect Ezekiel 32:27

28ואתה בתוך ערלים תשבר ותשכב—את חללי חרבSelect Ezekiel 32:28

29שמה אדום מלכיה וכל נשיאיה אשר נתנו בגבורתם את חללי חרב המה את ערלים ישכבו ואת ירדי בורSelect Ezekiel 32:29

30שמה נסיכי צפון כלם וכל צדני אשר ירדו את חללים בחתיתם מגבורתם בושים וישכבו ערלים את חללי חרב וישאו כלמתם את יורדי בורSelect Ezekiel 32:30

31אותם יראה פרעה ונחם על כל המונה—חללי חרב פרעה וכל חילו נאם אדני יהוהSelect Ezekiel 32:31

32כי נתתי את חתיתו (חתיתי) בארץ חיים והשכב בתוך ערלים את חללי חרב פרעה וכל המונה—נאם אדני יהוהSelect Ezekiel 32:32