37Ezekiel 37

1היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמותSelect Ezekiel 37:1

2והעבירני עליהם סביב סביב והנה רבות מאד על פני הבקעה והנה יבשות מאדSelect Ezekiel 37:2

3ויאמר אלי—בן אדם התחיינה העצמות האלה ואמר אדני יהוה אתה ידעתSelect Ezekiel 37:3

4ויאמר אלי הנבא על העצמות האלה ואמרת אליהם—העצמות היבשות שמעו דבר יהוהSelect Ezekiel 37:4

5כה אמר אדני יהוה לעצמות האלה הנה אני מביא בכם רוח—וחייתםSelect Ezekiel 37:5

6ונתתי עליכם גידים והעלתי עליכם בשר וקרמתי עליכם עור ונתתי בכם רוח וחייתם וידעתם כי אני יהוהSelect Ezekiel 37:6

7ונבאתי כאשר צויתי ויהי קול כהנבאי והנה רעש ותקרבו עצמות עצם אל עצמוSelect Ezekiel 37:7

8וראיתי והנה עליהם גדים ובשר עלה ויקרם עליהם עור מלמעלה ורוח אין בהםSelect Ezekiel 37:8

9ויאמר אלי הנבא אל הרוח הנבא בן אדם ואמרת אל הרוח כה אמר אדני יהוה מארבע רוחות באי הרוח ופחי בהרוגים האלה ויחיוSelect Ezekiel 37:9

10והנבאתי כאשר צוני ותבוא בהם הרוח ויחיו ויעמדו על רגליהם—חיל גדול מאד מאדSelect Ezekiel 37:10

11ויאמר אלי בן אדם העצמות האלה כל בית ישראל המה הנה אמרים יבשו עצמותינו ואבדה תקותנו—נגזרנו לנוSelect Ezekiel 37:11

12לכן הנבא ואמרת אליהם כה אמר אדני יהוה הנה אני פתח את קברותיכם והעליתי אתכם מקברותיכם עמי והבאתי אתכם אל אדמת ישראלSelect Ezekiel 37:12

13וידעתם כי אני יהוה בפתחי את קברותיכם ובהעלותי אתכם מקברותיכם—עמיSelect Ezekiel 37:13

14ונתתי רוחי בכם וחייתם והנחתי אתכם על אדמתכם וידעתם כי אני יהוה דברתי ועשיתי—נאם יהוהSelect Ezekiel 37:14

15ויהי דבר יהוה אלי לאמרSelect Ezekiel 37:15

16ואתה בן אדם קח לך עץ אחד וכתב עליו ליהודה ולבני ישראל חברו ולקח עץ אחד וכתוב עליו ליוסף עץ אפרים וכל בית ישראל חברוSelect Ezekiel 37:16

17וקרב אתם אחד אל אחד לך—לעץ אחד והיו לאחדים בידךSelect Ezekiel 37:17

18וכאשר יאמרו אליך בני עמך לאמר הלוא תגיד לנו מה אלה לךSelect Ezekiel 37:18

19דבר אלהם כה אמר אדני יהוה הנה אני לקח את עץ יוסף אשר ביד אפרים ושבטי ישראל חברו ונתתי אותם עליו את עץ יהודה ועשיתם לעץ אחד והיו אחד בידיSelect Ezekiel 37:19

20והיו העצים אשר תכתב עליהם בידך—לעיניהםSelect Ezekiel 37:20

21ודבר אליהם כה אמר אדני יהוה הנה אני לקח את בני ישראל מבין הגוים אשר הלכו שם וקבצתי אתם מסביב והבאתי אותם אל אדמתםSelect Ezekiel 37:21

22ועשיתי אתם לגוי אחד בארץ בהרי ישראל ומלך אחד יהיה לכלם למלך ולא יהיה (יהיו) עוד לשני גוים ולא יחצו עוד לשתי ממלכות עודSelect Ezekiel 37:22

23ולא יטמאו עוד בגלוליהם ובשקוציהם ובכל פשעיהם והושעתי אתם מכל מושבתיהם אשר חטאו בהם וטהרתי אותם והיו לי לעם ואני אהיה להם לאלהיםSelect Ezekiel 37:23

24ועבדי דוד מלך עליהם ורועה אחד יהיה לכלם ובמשפטי ילכו וחקותי ישמרו ועשו אותםSelect Ezekiel 37:24

25וישבו על הארץ אשר נתתי לעבדי ליעקב אשר ישבו בה אבותיכם וישבו עליה המה ובניהם ובני בניהם עד עולם ודוד עבדי נשיא להם לעולםSelect Ezekiel 37:25

26וכרתי להם ברית שלום ברית עולם יהיה אותם ונתתים והרביתי אותם ונתתי את מקדשי בתוכם לעולםSelect Ezekiel 37:26

27והיה משכני עליהם והייתי להם לאלהים והמה יהיו לי לעםSelect Ezekiel 37:27

28וידעו הגוים כי אני יהוה מקדש את ישראל—בהיות מקדשי בתוכם לעולםSelect Ezekiel 37:28