39Ezekiel 39

1ואתה בן אדם הנבא על גוג ואמרת כה אמר אדני יהוה הנני אליך גוג—נשיא ראש משך ותבלSelect Ezekiel 39:1

2ושבבתיך וששאתיך והעליתיך מירכתי צפון והבאותך על הרי ישראלSelect Ezekiel 39:2

3והכיתי קשתך מיד שמאולך וחציך מיד ימינך אפילSelect Ezekiel 39:3

4על הרי ישראל תפול אתה וכל אגפיך ועמים אשר אתך לעיט צפור כל כנף וחית השדה נתתיך לאכלהSelect Ezekiel 39:4

5על פני השדה תפול כי אני דברתי נאם אדני יהוהSelect Ezekiel 39:5

6ושלחתי אש במגוג ובישבי האיים לבטח וידעו כי אני יהוהSelect Ezekiel 39:6

7ואת שם קדשי אודיע בתוך עמי ישראל ולא אחל את שם קדשי עוד וידעו הגוים כי אני יהוה קדוש בישראלSelect Ezekiel 39:7

8הנה באה ונהיתה נאם אדני יהוה הוא היום אשר דברתיSelect Ezekiel 39:8

9ויצאו ישבי ערי ישראל ובערו והשיקו בנשק ומגן וצנה בקשת ובחצים ובמקל יד וברמח ובערו בהם אש שבע שניםSelect Ezekiel 39:9

10ולא ישאו עצים מן השדה ולא יחטבו מן היערים—כי בנשק יבערו אש ושללו את שלליהם ובזזו את בזזיהם—נאם אדני יהוהSelect Ezekiel 39:10

11והיה ביום ההוא אתן לגוג מקום שם קבר בישראל גי העברים קדמת הים וחסמת היא את העברים וקברו שם את גוג ואת כל המונה וקראו גיא המון גוגSelect Ezekiel 39:11

12וקברום בית ישראל למען טהר את הארץ שבעה חדשיםSelect Ezekiel 39:12

13וקברו כל עם הארץ והיה להם לשם—יום הכבדי נאם אדני יהוהSelect Ezekiel 39:13

14ואנשי תמיד יבדילו עברים בארץ מקברים את העברים את הנותרים על פני הארץ לטהרה—מקצה שבעה חדשים יחקרוSelect Ezekiel 39:14

15ועברו העברים בארץ וראה עצם אדם ובנה אצלו ציון—עד קברו אתו המקברים אל גיא המון גוגSelect Ezekiel 39:15

16וגם שם עיר המונה וטהרו הארץSelect Ezekiel 39:16

17ואתה בן אדם כה אמר אדני יהוה אמר לצפור כל כנף ולכל חית השדה הקבצו ובאו האספו מסביב על זבחי אשר אני זבח לכם זבח גדול על הרי ישראל ואכלתם בשר ושתיתם דםSelect Ezekiel 39:17

18בשר גבורים תאכלו ודם נשיאי הארץ תשתו אילים כרים ועתודים פרים מריאי בשן כלםSelect Ezekiel 39:18

19ואכלתם חלב לשבעה ושתיתם דם לשכרון מזבחי אשר זבחתי לכםSelect Ezekiel 39:19

20ושבעתם על שלחני סוס ורכב גבור וכל איש מלחמה—נאם אדני יהוהSelect Ezekiel 39:20

21ונתתי את כבודי בגוים וראו כל הגוים את משפטי אשר עשיתי ואת ידי אשר שמתי בהםSelect Ezekiel 39:21

22וידעו בית ישראל כי אני יהוה אלהיהם מן היום ההוא והלאהSelect Ezekiel 39:22

23וידעו הגוים כי בעונם גלו בית ישראל על אשר מעלו בי ואסתר פני מהם ואתנם ביד צריהם ויפלו בחרב כלםSelect Ezekiel 39:23

24כטמאתם וכפשעיהם עשיתי אתם ואסתר פני מהםSelect Ezekiel 39:24

25לכן כה אמר אדני יהוה עתה אשיב את שבית (שבות) יעקב ורחמתי כל בית ישראל וקנאתי לשם קדשיSelect Ezekiel 39:25

26ונשו את כלמתם ואת כל מעלם אשר מעלו בי—בשבתם על אדמתם לבטח ואין מחרידSelect Ezekiel 39:26

27בשובבי אותם מן העמים וקבצתי אתם מארצות איביהם ונקדשתי בם לעיני הגוים רביםSelect Ezekiel 39:27

28וידעו כי אני יהוה אלהיהם בהגלותי אתם אל הגוים וכנסתים על אדמתם ולא אותיר עוד מהם שםSelect Ezekiel 39:28

29ולא אסתיר עוד פני מהם אשר שפכתי את רוחי על בית ישראל נאם אדני יהוהSelect Ezekiel 39:29