4Ezekiel 4

1ואתה בן אדם קח לך לבנה ונתתה אותה לפניך וחקות עליה עיר את ירושלםSelect Ezekiel 4:1

2ונתתה עליה מצור ובנית עליה דיק ושפכת עליה סללה ונתתה עליה מחנות ושים עליה כרים סביבSelect Ezekiel 4:2

3ואתה קח לך מחבת ברזל ונתתה אותה קיר ברזל בינך ובין העיר והכינתה את פניך אליה והיתה במצור וצרת עליה—אות היא לבית ישראלSelect Ezekiel 4:3

4ואתה שכב על צדך השמאלי ושמת את עון בית ישראל עליו מספר הימים אשר תשכב עליו תשא את עונםSelect Ezekiel 4:4

5ואני נתתי לך את שני עונם למספר ימים שלש מאות ותשעים יום ונשאת עון בית ישראלSelect Ezekiel 4:5

6וכלית את אלה ושכבת על צדך הימיני (הימני) שנית ונשאת את עון בית יהודה—ארבעים יום יום לשנה יום לשנה נתתיו לךSelect Ezekiel 4:6

7ואל מצור ירושלם תכין פניך וזרעך חשופה ונבאת עליהSelect Ezekiel 4:7

8והנה נתתי עליך עבותים ולא תהפך מצדך אל צדך עד כלותך ימי מצורךSelect Ezekiel 4:8

9ואתה קח לך חטין ושערים ופול ועדשים ודחן וכסמים ונתתה אותם בכלי אחד ועשית אותם לך ללחם מספר הימים אשר אתה שוכב על צדך שלש מאות ותשעים יום—תאכלנוSelect Ezekiel 4:9

10ומאכלך אשר תאכלנו—במשקול עשרים שקל ליום מעת עד עת תאכלנוSelect Ezekiel 4:10

11ומים במשורה תשתה ששית ההין מעת עד עת תשתהSelect Ezekiel 4:11

12ועגת שערים תאכלנה והיא בגללי צאת האדם—תעגנה לעיניהםSelect Ezekiel 4:12

13ויאמר יהוה ככה יאכלו בני ישראל את לחמם טמא בגוים אשר אדיחם שםSelect Ezekiel 4:13

14ואמר אהה אדני יהוה הנה נפשי לא מטמאה ונבלה וטרפה לא אכלתי מנעורי ועד עתה ולא בא בפי בשר פגולSelect Ezekiel 4:14

15ויאמר אלי—ראה נתתי לך את צפועי (צפיעי) הבקר תחת גללי האדם ועשית את לחמך עליהםSelect Ezekiel 4:15

16ויאמר אלי בן אדם הנני שבר מטה לחם בירושלם ואכלו לחם במשקל ובדאגה ומים במשורה ובשממון ישתוSelect Ezekiel 4:16

17למען יחסרו לחם ומים ונשמו איש ואחיו ונמקו בעונםSelect Ezekiel 4:17