43Ezekiel 43

1ויולכני אל השער—שער אשר פנה דרך הקדיםSelect Ezekiel 43:1

2והנה כבוד אלהי ישראל בא מדרך הקדים וקולו כקול מים רבים והארץ האירה מכבדוSelect Ezekiel 43:2

3וכמראה המראה אשר ראיתי כמראה אשר ראיתי בבאי לשחת את העיר ומראות כמראה אשר ראיתי אל נהר כבר ואפל אל פניSelect Ezekiel 43:3

4וכבוד יהוה בא אל הבית דרך שער אשר פניו דרך הקדיםSelect Ezekiel 43:4

5ותשאני רוח—ותבאני אל החצר הפנימי והנה מלא כבוד יהוה הביתSelect Ezekiel 43:5

6ואשמע מדבר אלי מהבית ואיש היה עמד אצליSelect Ezekiel 43:6

7ויאמר אלי בן אדם את מקום כסאי ואת מקום כפות רגלי אשר אשכן שם בתוך בני ישראל לעולם ולא יטמאו עוד בית ישראל שם קדשי המה ומלכיהם בזנותם ובפגרי מלכיהם במותםSelect Ezekiel 43:7

8בתתם ספם את ספי ומזוזתם אצל מזוזתי והקיר ביני וביניהם וטמאו את שם קדשי בתועבותם אשר עשו ואכל אתם באפיSelect Ezekiel 43:8

9עתה ירחקו את זנותם ופגרי מלכיהם—ממני ושכנתי בתוכם לעולםSelect Ezekiel 43:9

10אתה בן אדם הגד את בית ישראל את הבית ויכלמו מעונותיהם ומדדו את תכניתSelect Ezekiel 43:10

11ואם נכלמו מכל אשר עשו צורת הבית ותכונתו ומוצאיו ומובאיו וכל צורתו ואת כל חקתיו וכל צורתו וכל תורתו הודע אותם וכתב לעיניהם וישמרו את כל צורתו ואת כל חקתיו—ועשו אותםSelect Ezekiel 43:11

12זאת תורת הבית על ראש ההר כל גבלו סביב סביב קדש קדשים—הנה זאת תורת הביתSelect Ezekiel 43:12

13ואלה מדות המזבח באמות אמה אמה וטפח וחיק האמה ואמה רחב וגבולה אל שפתה סביב זרת האחד וזה גב המזבחSelect Ezekiel 43:13

14ומחיק הארץ עד העזרה התחתונה שתים אמות ורחב אמה אחת ומהעזרה הקטנה עד העזרה הגדולה ארבע אמות ורחב האמהSelect Ezekiel 43:14

15וההראל ארבע אמות ומהאראיל ולמעלה הקרנות ארבעSelect Ezekiel 43:15

16והאראיל שתים עשרה ארך בשתים עשרה רחב רבוע אל ארבעת רבעיוSelect Ezekiel 43:16

17והעזרה ארבע עשרה ארך בארבע עשרה רחב אל ארבעת רבעיה והגבול סביב אותה חצי האמה והחיק לה אמה סביב ומעלתהו פנות קדיםSelect Ezekiel 43:17

18ויאמר אלי בן אדם כה אמר אדני יהוה אלה חקות המזבח ביום העשותו—להעלות עליו עולה ולזרק עליו דםSelect Ezekiel 43:18

19ונתתה אל הכהנים הלוים אשר הם מזרע צדוק הקרבים אלי נאם אדני יהוה—לשרתני פר בן בקר לחטאתSelect Ezekiel 43:19

20ולקחת מדמו ונתתה על ארבע קרנתיו ואל ארבע פנות העזרה ואל הגבול סביב וחטאת אותו וכפרתהוSelect Ezekiel 43:20

21ולקחת את הפר החטאת ושרפו במפקד הבית מחוץ למקדשSelect Ezekiel 43:21

22וביום השני תקריב שעיר עזים תמים לחטאת וחטאו את המזבח כאשר חטאו בפרSelect Ezekiel 43:22

23בכלותך מחטא—תקריב פר בן בקר תמים ואיל מן הצאן תמיםSelect Ezekiel 43:23

24והקרבתם לפני יהוה והשליכו הכהנים עליהם מלח והעלו אותם עלה ליהוהSelect Ezekiel 43:24

25שבעת ימים תעשה שעיר חטאת ליום ופר בן בקר ואיל מן הצאן תמימים יעשוSelect Ezekiel 43:25

26שבעת ימים יכפרו את המזבח וטהרו אתו ומלאו ידוSelect Ezekiel 43:26

27ויכלו את הימים והיה ביום השמיני והלאה יעשו הכהנים על המזבח את עולותיכם ואת שלמיכם ורצאתי אתכם נאם אדני יהוהSelect Ezekiel 43:27