45Ezekiel 45

1ובהפילכם את הארץ בנחלה תרימו תרומה ליהוה קדש מן הארץ—ארך חמשה ועשרים אלף ארך ורחב עשרה אלף קדש הוא בכל גבולה סביבSelect Ezekiel 45:1

2יהיה מזה אל הקדש חמש מאות בחמש מאות מרבע סביב וחמשים אמה מגרש לו סביבSelect Ezekiel 45:2

3ומן המדה הזאת תמוד ארך חמש (חמשה) ועשרים אלף ורחב עשרת אלפים ובו יהיה המקדש קדש קדשיםSelect Ezekiel 45:3

4קדש מן הארץ הוא לכהנים משרתי המקדש יהיה הקרבים לשרת את יהוה והיה להם מקום לבתים ומקדש למקדשSelect Ezekiel 45:4

5וחמשה ועשרים אלף ארך ועשרת אלפים רחב יהיה (והיה) ללוים משרתי הבית להם לאחזה—עשרים לשכתSelect Ezekiel 45:5

6ואחזת העיר תתנו חמשת אלפים רחב וארך חמשה ועשרים אלף לעמת תרומת הקדש—לכל בית ישראל יהיהSelect Ezekiel 45:6

7ולנשיא מזה ומזה לתרומת הקדש ולאחזת העיר אל פני תרומת הקדש ואל פני אחזת העיר מפאת ים ימה ומפאת קדמה קדימה וארך לעמות אחד החלקים מגבול ים אל גבול קדימהSelect Ezekiel 45:7

8לארץ יהיה לו לאחזה בישראל ולא יונו עוד נשיאי את עמי והארץ יתנו לבית ישראל לשבטיהםSelect Ezekiel 45:8

9כה אמר אדני יהוה רב לכם נשיאי ישראל—חמס ושד הסירו ומשפט וצדקה עשו הרימו גרשתיכם מעל עמי נאם אדני יהוהSelect Ezekiel 45:9

10מאזני צדק ואיפת צדק ובת צדק יהי לכםSelect Ezekiel 45:10

11האיפה והבת תכן אחד יהיה—לשאת מעשר החמר הבת ועשירת החמר האיפה אל החמר יהיה מתכנתוSelect Ezekiel 45:11

12והשקל עשרים גרה עשרים שקלים חמשה ועשרים שקלים עשרה וחמשה שקל—המנה יהיה לכםSelect Ezekiel 45:12

13זאת התרומה אשר תרימו ששית האיפה מחמר החטים וששיתם האיפה מחמר השעריםSelect Ezekiel 45:13

14וחק השמן הבת השמן מעשר הבת מן הכר—עשרת הבתים חמר כי עשרת הבתים חמרSelect Ezekiel 45:14

15ושה אחת מן הצאן מן המאתים ממשקה ישראל למנחה ולעולה ולשלמים—לכפר עליהם נאם אדני יהוהSelect Ezekiel 45:15

16כל העם הארץ יהיו אל התרומה הזאת לנשיא בישראלSelect Ezekiel 45:16

17ועל הנשיא יהיה העולות והמנחה והנסך בחגים ובחדשים ובשבתות בכל מועדי בית ישראל הוא יעשה את החטאת ואת המנחה ואת העולה ואת השלמים לכפר בעד בית ישראלSelect Ezekiel 45:17

18כה אמר אדני יהוה בראשון באחד לחדש תקח פר בן בקר תמים וחטאת את המקדשSelect Ezekiel 45:18

19ולקח הכהן מדם החטאת ונתן אל מזוזת הבית ואל ארבע פנות העזרה למזבח ועל מזוזת—שער החצר הפנימיתSelect Ezekiel 45:19

20וכן תעשה בשבעה בחדש מאיש שגה ומפתי וכפרתם את הביתSelect Ezekiel 45:20

21בראשון בארבעה עשר יום לחדש יהיה לכם הפסח חג—שבעות ימים מצות יאכלSelect Ezekiel 45:21

22ועשה הנשיא ביום ההוא בעדו ובעד כל עם הארץ—פר חטאתSelect Ezekiel 45:22

23ושבעת ימי החג יעשה עולה ליהוה שבעת פרים ושבעת אילים תמימם ליום שבעת הימים וחטאת שעיר עזים ליוםSelect Ezekiel 45:23

24ומנחה איפה לפר ואיפה לאיל—יעשה ושמן הין לאיפהSelect Ezekiel 45:24

25בשביעי בחמשה עשר יום לחדש בחג יעשה כאלה שבעת הימים כחטאת כעלה וכמנחה וכשמןSelect Ezekiel 45:25