47Ezekiel 47

1וישבני אל פתח הבית והנה מים יצאים מתחת מפתן הבית קדימה כי פני הבית קדים והמים ירדים מתחת מכתף הבית הימנית מנגב למזבחSelect Ezekiel 47:1

2ויוצאני דרך שער צפונה ויסבני דרך חוץ אל שער החוץ דרך הפונה קדים והנה מים מפכים מן הכתף הימניתSelect Ezekiel 47:2

3בצאת האיש קדים וקו בידו וימד אלף באמה ויעברני במים מי אפסיםSelect Ezekiel 47:3

4וימד אלף ויעברני במים מים ברכים וימד אלף ויעברני מי מתניםSelect Ezekiel 47:4

5וימד אלף—נחל אשר לא אוכל לעבר כי גאו המים מי שחו נחל אשר לא יעברSelect Ezekiel 47:5

6ויאמר אלי הראית בן אדם ויולכני וישבני שפת הנחלSelect Ezekiel 47:6

7בשובני—והנה אל שפת הנחל עץ רב מאד מזה ומזהSelect Ezekiel 47:7

8ויאמר אלי המים האלה יוצאים אל הגלילה הקדמונה וירדו על הערבה ובאו הימה אל הימה המוצאים ונרפאו המיםSelect Ezekiel 47:8

9והיה כל נפש חיה אשר ישרץ אל כל אשר יבוא שם נחלים יחיה והיה הדגה רבה מאד כי באו שמה המים האלה וירפאו וחי—כל אשר יבוא שמה הנחלSelect Ezekiel 47:9

10והיה יעמדו (עמדו) עליו דוגים מעין גדי ועד עין עגלים—משטוח לחרמים יהיו למינה תהיה דגתם כדגת הים הגדול רבה מאדSelect Ezekiel 47:10

11בצאתו וגבאיו ולא ירפאו למלח נתנוSelect Ezekiel 47:11

12ועל הנחל יעלה על שפתו מזה ומזה כל עץ מאכל לא יבול עלהו ולא יתם פריו לחדשיו יבכר—כי מימיו מן המקדש המה יוצאים והיו (והיה) פריו למאכל ועלהו לתרופהSelect Ezekiel 47:12

13כה אמר אדני יהוה גה גבול אשר תתנחלו את הארץ לשני עשר שבטי ישראל—יוסף חבליםSelect Ezekiel 47:13

14ונחלתם אותה איש כאחיו אשר נשאתי את ידי לתתה לאבתיכם ונפלה הארץ הזאת לכם—בנחלהSelect Ezekiel 47:14

15וזה גבול הארץ לפאת צפונה מן הים הגדול הדרך חתלן—לבוא צדדהSelect Ezekiel 47:15

16חמת ברותה סברים אשר בין גבול דמשק ובין גבול חמת חצר התיכון אשר אל גבול חורןSelect Ezekiel 47:16

17והיה גבול מן הים חצר עינון גבול דמשק וצפון צפונה וגבול חמת ואת פאת צפוןSelect Ezekiel 47:17

18ופאת קדים מבין חורן ומבין דמשק ומבין הגלעד ומבין ארץ ישראל הירדן—מגבול על הים הקדמוני תמדו ואת פאת קדימהSelect Ezekiel 47:18

19ופאת נגב תימנה מתמר עד מי מריבות קדש נחלה אל הים הגדול ואת פאת תימנה נגבהSelect Ezekiel 47:19

20ופאת ים הים הגדול מגבול עד נכח לבוא חמת זאת פאת יםSelect Ezekiel 47:20

21וחלקתם את הארץ הזאת לכם—לשבטי ישראלSelect Ezekiel 47:21

22והיה תפלו אותה בנחלה לכם ולהגרים הגרים בתוככם אשר הולדו בנים בתוככם והיו לכם כאזרח בבני ישראל—אתכם יפלו בנחלה בתוך שבטי ישראלSelect Ezekiel 47:22

23והיה בשבט אשר גר הגר אתו—שם תתנו נחלתו נאם אדני יהוהSelect Ezekiel 47:23