8Ezekiel 8

1ויהי בשנה הששית בששי בחמשה לחדש אני יושב בביתי וזקני יהודה יושבים לפני ותפל עלי שם יד אדני יהוהSelect Ezekiel 8:1

2ואראה והנה דמות כמראה אש—ממראה מתניו ולמטה אש וממתניו ולמעלה כמראה זהר כעין החשמלהSelect Ezekiel 8:2

3וישלח תבנית יד ויקחני בציצת ראשי ותשא אתי רוח בין הארץ ובין השמים ותבא אתי ירושלמה במראות אלהים אל פתח שער הפנימית הפונה צפונה אשר שם מושב סמל הקנאה המקנהSelect Ezekiel 8:3

4והנה שם—כבוד אלהי ישראל כמראה אשר ראיתי בבקעהSelect Ezekiel 8:4

5ויאמר אלי—בן אדם שא נא עיניך דרך צפונה ואשא עיני דרך צפונה והנה מצפון לשער המזבח סמל הקנאה הזה בבאהSelect Ezekiel 8:5

6ויאמר אלי—בן אדם הראה אתה מהם (מה הם) עשים תועבות גדלות אשר בית ישראל עשים פה לרחקה מעל מקדשי ועוד תשוב תראה תועבות גדלותSelect Ezekiel 8:6

7ויבא אתי אל פתח החצר ואראה והנה חר אחד בקירSelect Ezekiel 8:7

8ויאמר אלי בן אדם חתר נא בקיר ואחתר בקיר והנה פתח אחדSelect Ezekiel 8:8

9ויאמר אלי בא וראה את התועבות הרעות אשר הם עשים פהSelect Ezekiel 8:9

10ואבוא ואראה והנה כל תבנית רמש ובהמה שקץ וכל גלולי בית ישראל—מחקה על הקיר סביב סביבSelect Ezekiel 8:10

11ושבעים איש מזקני בית ישראל ויאזניהו בן שפן עמד בתוכם עמדים לפניהם ואיש מקטרתו בידו ועתר ענן הקטרת עלהSelect Ezekiel 8:11

12ויאמר אלי הראית בן אדם אשר זקני בית ישראל עשים בחשך איש בחדרי משכיתו כי אמרים אין יהוה ראה אתנו—עזב יהוה את הארץSelect Ezekiel 8:12

13ויאמר אלי עוד תשוב תראה תועבות גדלות אשר המה עשיםSelect Ezekiel 8:13

14ויבא אתי אל פתח שער בית יהוה אשר אל הצפונה והנה שם הנשים ישבות מבכות את התמוזSelect Ezekiel 8:14

15ויאמר אלי הראית בן אדם עוד תשוב תראה תועבות גדלות מאלהSelect Ezekiel 8:15

16ויבא אתי אל חצר בית יהוה הפנימית והנה פתח היכל יהוה בין האולם ובין המזבח כעשרים וחמשה איש אחריהם אל היכל יהוה ופניהם קדמה והמה משתחויתם קדמה לשמשSelect Ezekiel 8:16

17ויאמר אלי הראית בן אדם—הנקל לבית יהודה מעשות את התועבות אשר עשו פה כי מלאו את הארץ חמס וישבו להכעיסני והנם שלחים את הזמורה אל אפםSelect Ezekiel 8:17

18וגם אני אעשה בחמה לא תחוס עיני ולא אחמל וקראו באזני קול גדול ולא אשמע אותםSelect Ezekiel 8:18