10Joshua 10

1ויהי כשמע אדני צדק מלך ירושלם כי לכד יהושע את העי ויחרימה—כאשר עשה ליריחו ולמלכה כן עשה לעי ולמלכה וכי השלימו ישבי גבעון את ישראל ויהיו בקרבםSelect Joshua 10:1

2וייראו מאד—כי עיר גדולה גבעון כאחת ערי הממלכה וכי היא גדולה מן העי וכל אנשיה גבריםSelect Joshua 10:2

3וישלח אדני צדק מלך ירושלם אל הוהם מלך חברון ואל פראם מלך ירמות ואל יפיע מלך לכיש ואל דביר מלך עגלון—לאמרSelect Joshua 10:3

4עלו אלי ועזרני ונכה את גבעון כי השלימה את יהושע ואת בני ישראלSelect Joshua 10:4

5ויאספו ויעלו חמשת מלכי האמרי מלך ירושלם מלך חברון מלך ירמות מלך לכיש מלך עגלון—הם וכל מחניהם ויחנו על גבעון וילחמו עליהSelect Joshua 10:5

6וישלחו אנשי גבעון אל יהושע אל המחנה הגלגלה לאמר אל תרף ידיך מעבדיך עלה אלינו מהרה והושיעה לנו ועזרנו—כי נקבצו אלינו כל מלכי האמרי ישבי ההרSelect Joshua 10:6

7ויעל יהושע מן הגלגל הוא וכל עם המלחמה עמו וכל גבורי החילSelect Joshua 10:7

8ויאמר יהוה אל יהושע אל תירא מהם כי בידך נתתים לא יעמד איש מהם בפניךSelect Joshua 10:8

9ויבא אליהם יהושע פתאם כל הלילה עלה מן הגלגלSelect Joshua 10:9

10ויהמם יהוה לפני ישראל ויכם מכה גדולה בגבעון וירדפם דרך מעלה בית חורן ויכם עד עזקה ועד מקדהSelect Joshua 10:10

11ויהי בנסם מפני ישראל הם במורד בית חורן ויהוה השליך עליהם אבנים גדלות מן השמים עד עזקה—וימתו רבים אשר מתו באבני הברד מאשר הרגו בני ישראל בחרבSelect Joshua 10:11

12אז ידבר יהושע ליהוה ביום תת יהוה את האמרי לפני בני ישראל ויאמר לעיני ישראל שמש בגבעון דום וירח בעמק אילוןSelect Joshua 10:12

13וידם השמש וירח עמד עד יקם גוי איביו—הלא היא כתובה על ספר הישר ויעמד השמש בחצי השמים ולא אץ לבוא כיום תמיםSelect Joshua 10:13

14ולא היה כיום ההוא לפניו ואחריו לשמע יהוה בקול איש כי יהוה נלחם לישראלSelect Joshua 10:14

15וישב יהושע וכל ישראל עמו אל המחנה הגלגלהSelect Joshua 10:15

16וינסו חמשת המלכים האלה ויחבאו במערה במקדהSelect Joshua 10:16

17ויגד ליהושע לאמר נמצאו חמשת המלכים נחבאים במערה במקדהSelect Joshua 10:17

18ויאמר יהושע גלו אבנים גדלות אל פי המערה והפקידו עליה אנשים לשמרםSelect Joshua 10:18

19ואתם אל תעמדו—רדפו אחרי איביכם וזנבתם אותם אל תתנום לבוא אל עריהם כי נתנם יהוה אלהיכם בידכםSelect Joshua 10:19

20ויהי ככלות יהושע ובני ישראל להכותם מכה גדולה מאד—עד תמם והשרידים שרדו מהם ויבאו אל ערי המבצרSelect Joshua 10:20

21וישבו כל העם אל המחנה אל יהושע מקדה בשלום לא חרץ לבני ישראל לאיש—את לשנוSelect Joshua 10:21

22ויאמר יהושע פתחו את פי המערה והוציאו אלי את חמשת המלכים האלה—מן המערהSelect Joshua 10:22

23ויעשו כן—ויציאו אליו את חמשת המלכים האלה מן המערה את מלך ירושלם את מלך חברון את מלך ירמות את מלך לכיש את מלך עגלוןSelect Joshua 10:23

24ויהי כהוציאם את המלכים האלה אל יהושע ויקרא יהושע אל כל איש ישראל ויאמר אל קציני אנשי המלחמה ההלכוא אתו קרבו שימו את רגליכם על צוארי המלכים האלה ויקרבו וישימו את רגליהם על צואריהםSelect Joshua 10:24

25ויאמר אליהם יהושע אל תיראו ואל תחתו חזקו ואמצו—כי ככה יעשה יהוה לכל איביכם אשר אתם נלחמים אותםSelect Joshua 10:25

26ויכם יהושע אחרי כן וימיתם ויתלם על חמשה עצים ויהיו תלוים על העצים עד הערבSelect Joshua 10:26

27ויהי לעת בוא השמש צוה יהושע וירידום מעל העצים וישלכם אל המערה אשר נחבאו שם וישמו אבנים גדלות על פי המערה עד עצם היום הזהSelect Joshua 10:27

28ואת מקדה לכד יהושע ביום ההוא ויכה לפי חרב ואת מלכה—החרם אותם ואת כל הנפש אשר בה לא השאיר שריד ויעש למלך מקדה כאשר עשה למלך יריחוSelect Joshua 10:28

29ויעבר יהושע וכל ישראל עמו ממקדה—לבנה וילחם עם לבנהSelect Joshua 10:29

30ויתן יהוה גם אותה ביד ישראל ואת מלכה ויכה לפי חרב ואת כל הנפש אשר בה לא השאיר בה שריד ויעש למלכה כאשר עשה למלך יריחוSelect Joshua 10:30

31ויעבר יהושע וכל ישראל עמו מלבנה—לכישה ויחן עליה וילחם בהSelect Joshua 10:31

32ויתן יהוה את לכיש ביד ישראל וילכדה ביום השני ויכה לפי חרב ואת כל הנפש אשר בה—ככל אשר עשה ללבנהSelect Joshua 10:32

33אז עלה הרם מלך גזר לעזר את לכיש ויכהו יהושע ואת עמו עד בלתי השאיר לו שרידSelect Joshua 10:33

34ויעבר יהושע וכל ישראל עמו מלכיש—עגלנה ויחנו עליה וילחמו עליהSelect Joshua 10:34

35וילכדוה ביום ההוא ויכוה לפי חרב—ואת כל הנפש אשר בה ביום ההוא החרים ככל אשר עשה ללכישSelect Joshua 10:35

36ויעל יהושע וכל ישראל עמו מעגלונה—חברונה וילחמו עליהSelect Joshua 10:36

37וילכדוה ויכוה לפי חרב ואת מלכה ואת כל עריה ואת כל הנפש אשר בה לא השאיר שריד ככל אשר עשה לעגלון ויחרם אותה ואת כל הנפש אשר בהSelect Joshua 10:37

38וישב יהושע וכל ישראל עמו דברה וילחם עליהSelect Joshua 10:38

39וילכדה ואת מלכה ואת כל עריה ויכום לפי חרב ויחרימו את כל נפש אשר בה לא השאיר שריד כאשר עשה לחברון כן עשה לדברה ולמלכה וכאשר עשה ללבנה ולמלכהSelect Joshua 10:39

40ויכה יהושע את כל הארץ ההר והנגב והשפלה והאשדות ואת כל מלכיהם—לא השאיר שריד ואת כל הנשמה החרים כאשר צוה יהוה אלהי ישראלSelect Joshua 10:40

41ויכם יהושע מקדש ברנע ועד עזה ואת כל ארץ גשן ועד גבעוןSelect Joshua 10:41

42ואת כל המלכים האלה ואת ארצם לכד יהושע פעם אחת כי יהוה אלהי ישראל נלחם לישראלSelect Joshua 10:42

43וישב יהושע וכל ישראל עמו אל המחנה הגלגלהSelect Joshua 10:43