11Joshua 11

1ויהי כשמע יבין מלך חצור וישלח אל יובב מלך מדון ואל מלך שמרון ואל מלך אכשףSelect Joshua 11:1

2ואל המלכים אשר מצפון בהר ובערבה נגב כנרות—ובשפלה ובנפות דור מיםSelect Joshua 11:2

3הכנעני ממזרח ומים והאמרי והחתי והפרזי והיבוסי בהר והחוי תחת חרמון בארץ המצפהSelect Joshua 11:3

4ויצאו הם וכל מחניהם עמם—עם רב כחול אשר על שפת הים לרב וסוס ורכב רב מאדSelect Joshua 11:4

5ויועדו כל המלכים האלה ויבאו ויחנו יחדו אל מי מרום להלחם עם ישראלSelect Joshua 11:5

6ויאמר יהוה אל יהושע אל תירא מפניהם—כי מחר כעת הזאת אנכי נתן את כלם חללים לפני ישראל את סוסיהם תעקר ואת מרכבתיהם תשרף באשSelect Joshua 11:6

7ויבא יהושע וכל עם המלחמה עמו עליהם על מי מרום—פתאם ויפלו בהםSelect Joshua 11:7

8ויתנם יהוה ביד ישראל ויכום וירדפום עד צידון רבה ועד משרפות מים ועד בקעת מצפה מזרחה ויכם עד בלתי השאיר להם שרידSelect Joshua 11:8

9ויעש להם יהושע כאשר אמר לו יהוה את סוסיהם עקר ואת מרכבתיהם שרף באשSelect Joshua 11:9

10וישב יהושע בעת ההיא וילכד את חצור ואת מלכה הכה בחרב כי חצור לפנים—היא ראש כל הממלכות האלהSelect Joshua 11:10

11ויכו את כל הנפש אשר בה לפי חרב החרם—לא נותר כל נשמה ואת חצור שרף באשSelect Joshua 11:11

12ואת כל ערי המלכים האלה ואת כל מלכיהם לכד יהושע ויכם לפי חרב—החרים אותם כאשר צוה משה עבד יהוהSelect Joshua 11:12

13רק כל הערים העמדות על תלם—לא שרפם ישראל זולתי את חצור לבדה שרף יהושעSelect Joshua 11:13

14וכל שלל הערים האלה והבהמה בזזו להם בני ישראל רק את כל האדם הכו לפי חרב עד השמדם אותם—לא השאירו כל נשמהSelect Joshua 11:14

15כאשר צוה יהוה את משה עבדו כן צוה משה את יהושע וכן עשה יהושע—לא הסיר דבר מכל אשר צוה יהוה את משהSelect Joshua 11:15

16ויקח יהושע את כל הארץ הזאת ההר ואת כל הנגב ואת כל ארץ הגשן ואת השפלה ואת הערבה ואת הר ישראל ושפלתהSelect Joshua 11:16

17מן ההר החלק העולה שעיר ועד בעל גד בבקעת הלבנון תחת הר חרמון ואת כל מלכיהם לכד ויכם וימיתםSelect Joshua 11:17

18ימים רבים עשה יהושע את כל המלכים האלה—מלחמהSelect Joshua 11:18

19לא היתה עיר אשר השלימה אל בני ישראל בלתי החוי ישבי גבעון את הכל לקחו במלחמהSelect Joshua 11:19

20כי מאת יהוה היתה לחזק את לבם לקראת המלחמה את ישראל למען החרימם לבלתי היות להם תחנה כי למען השמידם כאשר צוה יהוה את משהSelect Joshua 11:20

21ויבא יהושע בעת ההיא ויכרת את הענקים מן ההר מן חברון מן דבר מן ענב ומכל הר יהודה ומכל הר ישראל עם עריהם החרימם יהושעSelect Joshua 11:21

22לא נותר ענקים בארץ בני ישראל רק בעזה בגת ובאשדוד—נשארוSelect Joshua 11:22

23ויקח יהושע את כל הארץ ככל אשר דבר יהוה אל משה ויתנה יהושע לנחלה לישראל כמחלקתם לשבטיהם והארץ שקטה ממלחמהSelect Joshua 11:23