Joshua 14
Aleppo Codex
Translation: ALEPPO
1ואלה אשר נחלו בני ישראל בארץ כנען—אשר נחלו אותם אלעזר הכהן ויהושע בן נון וראשי אבות המטות לבני ישראלSelect Joshua 14:1
2בגורל נחלתם כאשר צוה יהוה ביד משה לתשעת המטות וחצי המטהSelect Joshua 14:2
3כי נתן משה נחלת שני המטות וחצי המטה מעבר לירדן וללוים—לא נתן נחלה בתוכםSelect Joshua 14:3
4כי היו בני יוסף שני מטות מנשה ואפרים ולא נתנו חלק ללוים בארץ כי אם ערים לשבת ומגרשיהם למקניהם ולקנינםSelect Joshua 14:4
5כאשר צוה יהוה את משה כן עשו בני ישראל ויחלקו את הארץSelect Joshua 14:5
6ויגשו בני יהודה אל יהושע בגלגל ויאמר אליו כלב בן יפנה הקנזי אתה ידעת את הדבר אשר דבר יהוה אל משה איש האלהים על אדותי ועל אדותיך—בקדש ברנעSelect Joshua 14:6
7בן ארבעים שנה אנכי בשלח משה עבד יהוה אתי מקדש ברנע—לרגל את הארץ ואשב אתו דבר כאשר עם לבביSelect Joshua 14:7
8ואחי אשר עלו עמי המסיו את לב העם ואנכי מלאתי אחרי יהוה אלהיSelect Joshua 14:8
9וישבע משה ביום ההוא לאמר אם לא הארץ אשר דרכה רגלך בה לך תהיה לנחלה ולבניך עד עולם כי מלאת אחרי יהוה אלהיSelect Joshua 14:9
10ועתה הנה החיה יהוה אותי כאשר דבר זה ארבעים וחמש שנה מאז דבר יהוה את הדבר הזה אל משה אשר הלך ישראל במדבר ועתה הנה אנכי היום בן חמש ושמנים שנהSelect Joshua 14:10
11עודני היום חזק כאשר ביום שלח אותי משה—ככחי אז וככחי עתה למלחמה ולצאת ולבואSelect Joshua 14:11
12ועתה תנה לי את ההר הזה אשר דבר יהוה ביום ההוא כי אתה שמעת ביום ההוא כי ענקים שם וערים גדלות בצרות—אולי יהוה אותי והורשתים כאשר דבר יהוהSelect Joshua 14:12
13ויברכהו יהושע ויתן את חברון לכלב בן יפנה לנחלהSelect Joshua 14:13
14על כן היתה חברון לכלב בן יפנה הקנזי לנחלה עד היום הזה—יען אשר מלא אחרי יהוה אלהי ישראלSelect Joshua 14:14
15ושם חברון לפנים קרית ארבע האדם הגדול בענקים הוא והארץ שקטה ממלחמהSelect Joshua 14:15
Aleppo Codex (ALEPPO) · Public Domain