17Joshua 17

1ויהי הגורל למטה מנשה כי הוא בכור יוסף—למכיר בכור מנשה אבי הגלעד כי הוא היה איש מלחמה ויהי לו הגלעד והבשןSelect Joshua 17:1

2ויהי לבני מנשה הנותרים למשפחתם—לבני אביעזר ולבני חלק ולבני אשריאל ולבני שכם ולבני חפר ולבני שמידע אלה בני מנשה בן יוסף הזכרים—למשפחתםSelect Joshua 17:2

3ולצלפחד בן חפר בן גלעד בן מכיר בן מנשה לא היו לו בנים—כי אם בנות ואלה שמות בנתיו—מחלה ונעה חגלה מלכה ותרצהSelect Joshua 17:3

4ותקרבנה לפני אלעזר הכהן ולפני יהושע בן נון ולפני הנשיאים לאמר יהוה צוה את משה לתת לנו נחלה בתוך אחינו ויתן להם אל פי יהוה נחלה בתוך אחי אביהןSelect Joshua 17:4

5ויפלו חבלי מנשה עשרה—לבד מארץ הגלעד והבשן אשר מעבר לירדןSelect Joshua 17:5

6כי בנות מנשה נחלו נחלה בתוך בניו וארץ הגלעד היתה לבני מנשה הנותריםSelect Joshua 17:6

7ויהי גבול מנשה מאשר המכמתת אשר על פני שכם והלך הגבול אל הימין אל ישבי עין תפוחSelect Joshua 17:7

8למנשה היתה ארץ תפוח ותפוח אל גבול מנשה לבני אפריםSelect Joshua 17:8

9וירד הגבול נחל קנה נגבה לנחל ערים האלה לאפרים בתוך ערי מנשה וגבול מנשה מצפון לנחל ויהי תצאתיו הימהSelect Joshua 17:9

10נגבה לאפרים וצפונה למנשה ויהי הים גבולו ובאשר יפגעון מצפון וביששכר ממזרחSelect Joshua 17:10

11ויהי למנשה ביששכר ובאשר בית שאן ובנותיה ויבלעם ובנותיה ואת ישבי דאר ובנותיה וישבי עין דר ובנותיה וישבי תענך ובנתיה וישבי מגדו ובנותיה—שלשת הנפתSelect Joshua 17:11

12ולא יכלו בני מנשה להוריש את הערים האלה ויואל הכנעני לשבת בארץ הזאתSelect Joshua 17:12

13ויהי כי חזקו בני ישראל ויתנו את הכנעני למס והורש לא הורישוSelect Joshua 17:13

14וידברו בני יוסף את יהושע לאמר מדוע נתתה לי נחלה גורל אחד וחבל אחד ואני עם רב עד אשר עד כה ברכני יהוהSelect Joshua 17:14

15ויאמר אליהם יהושע אם עם רב אתה עלה לך היערה ובראת לך שם בארץ הפרזי והרפאים כי אץ לך הר אפריםSelect Joshua 17:15

16ויאמרו בני יוסף לא ימצא לנו ההר ורכב ברזל בכל הכנעני הישב בארץ העמק לאשר בבית שאן ובנותיה ולאשר בעמק יזרעאלSelect Joshua 17:16

17ויאמר יהושע אל בית יוסף לאפרים ולמנשה לאמר עם רב אתה וכח גדול לך—לא יהיה לך גורל אחדSelect Joshua 17:17

18כי הר יהיה לך כי יער הוא ובראתו והיה לך תצאתיו כי תוריש את הכנעני כי רכב ברזל לו—כי חזק הואSelect Joshua 17:18