18Joshua 18

1ויקהלו כל עדת בני ישראל שלה וישכינו שם את אהל מועד והארץ נכבשה לפניהםSelect Joshua 18:1

2ויותרו בבני ישראל אשר לא חלקו את נחלתם—שבעה שבטיםSelect Joshua 18:2

3ויאמר יהושע אל בני ישראל עד אנה אתם מתרפים לבוא לרשת את הארץ אשר נתן לכם יהוה אלהי אבותיכםSelect Joshua 18:3

4הבו לכם שלשה אנשים לשבט ואשלחם ויקמו ויתהלכו בארץ ויכתבו אותה לפי נחלתם—ויבאו אליSelect Joshua 18:4

5והתחלקו אתה לשבעה חלקים יהודה יעמד על גבולו מנגב ובית יוסף יעמדו על גבולם מצפוןSelect Joshua 18:5

6ואתם תכתבו את הארץ שבעה חלקים והבאתם אלי הנה ויריתי לכם גורל פה לפני יהוה אלהינוSelect Joshua 18:6

7כי אין חלק ללוים בקרבכם כי כהנת יהוה נחלתו וגד וראובן וחצי שבט המנשה לקחו נחלתם מעבר לירדן מזרחה אשר נתן להם משה עבד יהוהSelect Joshua 18:7

8ויקמו האנשים וילכו ויצו יהושע את ההלכים לכתב את הארץ לאמר לכו והתהלכו בארץ וכתבו אותה ושובו אלי ופה אשליך לכם גורל לפני יהוה בשלהSelect Joshua 18:8

9וילכו האנשים ויעברו בארץ ויכתבוה לערים לשבעה חלקים על ספר ויבאו אל יהושע אל המחנה שלהSelect Joshua 18:9

10וישלך להם יהושע גורל בשלה לפני יהוה ויחלק שם יהושע את הארץ לבני ישראל כמחלקתםSelect Joshua 18:10

11ויעל גורל מטה בני בנימן—למשפחתם ויצא גבול גורלם בין בני יהודה ובין בני יוסףSelect Joshua 18:11

12ויהי להם הגבול לפאת צפונה מן הירדן ועלה הגבול אל כתף יריחו מצפון ועלה בהר ימה והיה (והיו) תצאתיו מדברה בית אוןSelect Joshua 18:12

13ועבר משם הגבול לוזה אל כתף לוזה נגבה—היא בית אל וירד הגבול עטרות אדר על ההר אשר מנגב לבית חרון תחתוןSelect Joshua 18:13

14ותאר הגבול ונסב לפאת ים נגבה מן ההר אשר על פני בית חרון נגבה והיה (והיו) תצאתיו אל קרית בעל היא קרית יערים עיר בני יהודה זאת פאת יםSelect Joshua 18:14

15ופאת נגבה מקצה קרית יערים ויצא הגבול ימה ויצא אל מעין מי נפתוחSelect Joshua 18:15

16וירד הגבול אל קצה ההר אשר על פני גי בן הנם אשר בעמק רפאים צפונה וירד גי הנם אל כתף היבוסי נגבה וירד עין רגלSelect Joshua 18:16

17ותאר מצפון ויצא עין שמש ויצא אל גלילות אשר נכח מעלה אדמים וירד אבן בהן בן ראובןSelect Joshua 18:17

18ועבר אל כתף מול הערבה צפונה וירד הערבתהSelect Joshua 18:18

19ועבר הגבול אל כתף בית חגלה צפונה והיה (והיו) תצאותיו (תצאות) הגבול אל לשון ים המלח צפונה אל קצה הירדן נגבה זה גבול נגבSelect Joshua 18:19

20והירדן יגבל אתו לפאת קדמה זאת נחלת בני בנימן לגבולתיה סביב—למשפחתםSelect Joshua 18:20

21והיו הערים למטה בני בנימן—למשפחותיהם יריחו ובית חגלה ועמק קציץSelect Joshua 18:21

22ובית הערבה וצמרים ובית אלSelect Joshua 18:22

23והעוים והפרה ועפרהSelect Joshua 18:23

24וכפר העמני (העמנה) והעפני וגבע ערים שתים עשרה וחצריהןSelect Joshua 18:24

25גבעון והרמה ובארותSelect Joshua 18:25

26והמצפה והכפירה והמצהSelect Joshua 18:26

27ורקם וירפאל ותראלהSelect Joshua 18:27

28וצלע האלף והיבוסי היא ירושלם גבעת קרית—ערים ארבע עשרה וחצריהן זאת נחלת בני בנימן למשפחתםSelect Joshua 18:28