23Joshua 23

1ויהי מימים רבים אחרי אשר הניח יהוה לישראל מכל איביהם מסביב ויהושע זקן בא בימיםSelect Joshua 23:1

2ויקרא יהושע לכל ישראל—לזקניו ולראשיו ולשפטיו ולשטריו ויאמר אלהם—אני זקנתי באתי בימיםSelect Joshua 23:2

3ואתם ראיתם את כל אשר עשה יהוה אלהיכם לכל הגוים האלה—מפניכם כי יהוה אלהיכם הוא הנלחם לכםSelect Joshua 23:3

4ראו הפלתי לכם את הגוים הנשארים האלה בנחלה—לשבטיכם מן הירדן וכל הגוים אשר הכרתי והים הגדול מבוא השמשSelect Joshua 23:4

5ויהוה אלהיכם הוא יהדפם מפניכם והוריש אתם מלפניכם וירשתם את ארצם כאשר דבר יהוה אלהיכם לכםSelect Joshua 23:5

6וחזקתם מאד—לשמר ולעשות את כל הכתוב בספר תורת משה לבלתי סור ממנו ימין ושמאולSelect Joshua 23:6

7לבלתי בא בגוים האלה הנשארים האלה אתכם ובשם אלהיהם לא תזכירו ולא תשביעו ולא תעבדום ולא תשתחוו להםSelect Joshua 23:7

8כי אם ביהוה אלהיכם תדבקו כאשר עשיתם עד היום הזהSelect Joshua 23:8

9ויורש יהוה מפניכם גוים גדלים ועצומים ואתם לא עמד איש בפניכם עד היום הזהSelect Joshua 23:9

10איש אחד מכם ירדף אלף כי יהוה אלהיכם הוא הנלחם לכם כאשר דבר לכםSelect Joshua 23:10

11ונשמרתם מאד לנפשתיכם לאהבה את יהוה אלהיכםSelect Joshua 23:11

12כי אם שוב תשובו ודבקתם ביתר הגוים האלה הנשארים האלה אתכם והתחתנתם בהם ובאתם בהם והם בכםSelect Joshua 23:12

13ידוע תדעו כי לא יוסיף יהוה אלהיכם להוריש את הגוים האלה מלפניכם והיו לכם לפח ולמוקש ולשטט בצדיכם ולצננים בעיניכם עד אבדכם מעל האדמה הטובה הזאת אשר נתן לכם יהוה אלהיכםSelect Joshua 23:13

14והנה אנכי הולך היום בדרך כל הארץ וידעתם בכל לבבכם ובכל נפשכם כי לא נפל דבר אחד מכל הדברים הטובים אשר דבר יהוה אלהיכם עליכם—הכל באו לכם לא נפל ממנו דבר אחדSelect Joshua 23:14

15והיה כאשר בא עליכם כל הדבר הטוב אשר דבר יהוה אלהיכם אליכם כן יביא יהוה עליכם את כל הדבר הרע—עד השמידו אותכם מעל האדמה הטובה הזאת אשר נתן לכם יהוה אלהיכםSelect Joshua 23:15

16בעברכם את ברית יהוה אלהיכם אשר צוה אתכם והלכתם ועבדתם אלהים אחרים והשתחויתם להם—וחרה אף יהוה בכם ואבדתם מהרה מעל הארץ הטובה אשר נתן לכםSelect Joshua 23:16