3Joshua 3

1וישכם יהושע בבקר ויסעו מהשטים ויבאו עד הירדן—הוא וכל בני ישראל וילנו שם טרם יעברוSelect Joshua 3:1

2ויהי מקצה שלשת ימים ויעברו השטרים בקרב המחנהSelect Joshua 3:2

3ויצוו את העם לאמר כראתכם את ארון ברית יהוה אלהיכם והכהנים הלוים נשאים אתו—ואתם תסעו ממקומכם והלכתם אחריוSelect Joshua 3:3

4אך רחוק יהיה ביניכם ובניו כאלפים אמה במדה אל תקרבו אליו למען אשר תדעו את הדרך אשר תלכו בה—כי לא עברתם בדרך מתמול שלשוםSelect Joshua 3:4

5ויאמר יהושע אל העם התקדשו כי מחר יעשה יהוה בקרבכם—נפלאותSelect Joshua 3:5

6ויאמר יהושע אל הכהנים לאמר שאו את ארון הברית ועברו לפני העם וישאו את ארון הברית וילכו לפני העםSelect Joshua 3:6

7ויאמר יהוה אל יהושע היום הזה אחל גדלך בעיני כל ישראל אשר ידעון כי כאשר הייתי עם משה אהיה עמךSelect Joshua 3:7

8ואתה תצוה את הכהנים נשאי ארון הברית לאמר כבאכם עד קצה מי הירדן בירדן תעמדוSelect Joshua 3:8

9ויאמר יהושע אל בני ישראל גשו הנה—ושמעו את דברי יהוה אלהיכםSelect Joshua 3:9

10ויאמר יהושע—בזאת תדעון כי אל חי בקרבכם והורש יוריש מפניכם את הכנעני ואת החתי ואת החוי ואת הפרזי ואת הגרגשי והאמרי והיבוסיSelect Joshua 3:10

11הנה ארון הברית אדון כל הארץ עבר לפניכם בירדןSelect Joshua 3:11

12ועתה קחו לכם שני עשר איש משבטי ישראל—איש אחד איש אחד לשבטSelect Joshua 3:12

13והיה כנוח כפות רגלי הכהנים נשאי ארון יהוה אדון כל הארץ במי הירדן מי הירדן יכרתון המים הירדים מלמעלה ויעמדו נד אחדSelect Joshua 3:13

14ויהי בנסע העם מאהליהם לעבר את הירדן והכהנים נשאי הארון הברית—לפני העםSelect Joshua 3:14

15וכבוא נשאי הארון עד הירדן ורגלי הכהנים נשאי הארון נטבלו בקצה המים והירדן מלא על כל גדותיו כל ימי קצירSelect Joshua 3:15

16ויעמדו המים הירדים מלמעלה קמו נד אחד הרחק מאד באדם (מאדם) העיר אשר מצד צרתן והירדים על ים הערבה ים המלח תמו נכרתו והעם עברו נגד יריחוSelect Joshua 3:16

17ויעמדו הכהנים נשאי הארון ברית יהוה בחרבה בתוך הירדן—הכן וכל ישראל עברים בחרבה עד אשר תמו כל הגוי לעבר את הירדןSelect Joshua 3:17