8Joshua 8

1ויאמר יהוה אל יהושע אל תירא ואל תחת—קח עמך את כל עם המלחמה וקום עלה העי ראה נתתי בידך את מלך העי ואת עמו ואת עירו ואת ארצוSelect Joshua 8:1

2ועשית לעי ולמלכה כאשר עשית ליריחו ולמלכה—רק שללה ובהמתה תבזו לכם שים לך ארב לעיר מאחריהSelect Joshua 8:2

3ויקם יהושע וכל עם המלחמה לעלות העי ויבחר יהושע שלשים אלף איש גבורי החיל וישלחם לילהSelect Joshua 8:3

4ויצו אתם לאמר ראו אתם ארבים לעיר מאחרי העיר—אל תרחיקו מן העיר מאד והייתם כלכם נכניםSelect Joshua 8:4

5ואני וכל העם אשר אתי נקרב אל העיר והיה כי יצאו לקראתנו כאשר בראשנה ונסנו לפניהםSelect Joshua 8:5

6ויצאו אחרינו עד התיקנו אותם מן העיר—כי יאמרו נסים לפנינו כאשר בראשנה ונסנו לפניהםSelect Joshua 8:6

7ואתם תקמו מהאורב והורשתם את העיר ונתנה יהוה אלהיכם בידכםSelect Joshua 8:7

8והיה כתפשכם את העיר תציתו את העיר באש—כדבר יהוה תעשו ראו צויתי אתכםSelect Joshua 8:8

9וישלחם יהושע וילכו אל המארב וישבו בין בית אל ובין העי מים לעי וילן יהושע בלילה ההוא בתוך העםSelect Joshua 8:9

10וישכם יהושע בבקר ויפקד את העם ויעל הוא וזקני ישראל לפני העם—העיSelect Joshua 8:10

11וכל העם המלחמה אשר אתו עלו ויגשו ויבאו נגד העיר ויחנו מצפון לעי והגי בינו ובין העיSelect Joshua 8:11

12ויקח כחמשת אלפים איש וישם אותם ארב בין בית אל ובין העי—מים לעירSelect Joshua 8:12

13וישימו העם את כל המחנה אשר מצפון לעיר ואת עקבו מים לעיר וילך יהושע בלילה ההוא בתוך העמקSelect Joshua 8:13

14ויהי כראות מלך העי וימהרו וישכימו ויצאו אנשי העיר לקראת ישראל למלחמה הוא וכל עמו למועד—לפני הערבה והוא לא ידע כי ארב לו מאחרי העירSelect Joshua 8:14

15וינגעו יהושע וכל ישראל לפניהם וינסו דרך המדברSelect Joshua 8:15

16ויזעקו כל העם אשר בעיר (בעי) לרדף אחריהם וירדפו אחרי יהושע וינתקו מן העירSelect Joshua 8:16

17ולא נשאר איש בעי ובית אל אשר לא יצאו אחרי ישראל ויעזבו את העיר פתוחה וירדפו אחרי ישראלSelect Joshua 8:17

18ויאמר יהוה אל יהושע נטה בכידון אשר בידך אל העי—כי בידך אתננה ויט יהושע בכידון אשר בידו אל העירSelect Joshua 8:18

19והאורב קם מהרה ממקומו וירוצו כנטות ידו ויבאו העיר וילכדוה וימהרו ויציתו את העיר באשSelect Joshua 8:19

20ויפנו אנשי העי אחריהם ויראו והנה עלה עשן העיר השמימה ולא היה בהם ידים לנוס הנה והנה והעם הנס המדבר נהפך אל הרודףSelect Joshua 8:20

21ויהושע וכל ישראל ראו כי לכד הארב את העיר וכי עלה עשן העיר וישבו ויכו את אנשי העיSelect Joshua 8:21

22ואלה יצאו מן העיר לקראתם ויהיו לישראל בתוך אלה מזה ואלה מזה ויכו אותם עד בלתי השאיר לו שריד ופליטSelect Joshua 8:22

23ואת מלך העי תפשו חי ויקרבו אתו אל יהושעSelect Joshua 8:23

24ויהי ככלות ישראל להרג את כל ישבי העי בשדה במדבר אשר רדפום בו ויפלו כלם לפי חרב עד תמם וישבו כל ישראל העי ויכו אתה לפי חרבSelect Joshua 8:24

25ויהי כל הנפלים ביום ההוא מאיש ועד אשה—שנים עשר אלף כל אנשי העיSelect Joshua 8:25

26ויהושע לא השיב ידו אשר נטה בכידון עד אשר החרים את כל ישבי העיSelect Joshua 8:26

27רק הבהמה ושלל העיר ההיא בזזו להם ישראל—כדבר יהוה אשר צוה את יהושעSelect Joshua 8:27

28וישרף יהושע את העי וישימה תל עולם שממה עד היום הזהSelect Joshua 8:28

29ואת מלך העי תלה על העץ עד עת הערב וכבוא השמש צוה יהושע וירידו את נבלתו מן העץ וישליכו אותה אל פתח שער העיר ויקימו עליו גל אבנים גדול עד היום הזהSelect Joshua 8:29

30אז יבנה יהושע מזבח ליהוה אלהי ישראל בהר עיבלSelect Joshua 8:30

31כאשר צוה משה עבד יהוה את בני ישראל ככתוב בספר תורת משה—מזבח אבנים שלמות אשר לא הניף עליהן ברזל ויעלו עליו עלות ליהוה ויזבחו שלמיםSelect Joshua 8:31

32ויכתב שם על האבנים—את משנה תורת משה אשר כתב לפני בני ישראלSelect Joshua 8:32

33וכל ישראל וזקניו ושטרים ושפטיו עמדים מזה ומזה לארון נגד הכהנים הלוים נשאי ארון ברית יהוה כגר כאזרח—חציו אל מול הר גרזים והחציו אל מול הר עיבל כאשר צוה משה עבד יהוה לברך את העם ישראל—בראשנהSelect Joshua 8:33

34ואחרי כן קרא את כל דברי התורה הברכה והקללה—ככל הכתוב בספר התורהSelect Joshua 8:34

35לא היה דבר מכל אשר צוה משה—אשר לא קרא יהושע נגד כל קהל ישראל והנשים והטף והגר ההלך בקרבםSelect Joshua 8:35