1 Kings 10
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ומלכת שבא שמעת את שמע שלמה—לשם יהוה ותבא לנסתו בחידותSelect 1 Kings 10:1
2ותבא ירושלמה בחיל כבד מאד גמלים נשאים בשמים וזהב רב מאד ואבן יקרה ותבא אל שלמה ותדבר אליו את כל אשר היה עם לבבהSelect 1 Kings 10:2
3ויגד לה שלמה את כל דבריה לא היה דבר נעלם מן המלך אשר לא הגיד להSelect 1 Kings 10:3
4ותרא מלכת שבא את כל חכמת שלמה והבית אשר בנהSelect 1 Kings 10:4
5ומאכל שלחנו ומושב עבדיו ומעמד משרתו ומלבשיהם ומשקיו ועלתו אשר יעלה בית יהוה ולא היה בה עוד רוחSelect 1 Kings 10:5
6ותאמר אל המלך אמת היה הדבר אשר שמעתי בארצי—על דבריך ועל חכמתךSelect 1 Kings 10:6
7ולא האמנתי לדברים עד אשר באתי ותראינה עיני והנה לא הגד לי החצי הוספת חכמה וטוב אל השמועה אשר שמעתיSelect 1 Kings 10:7
8אשרי אנשיך אשרי עבדיך אלה העמדים לפניך תמיד השמעים את חכמתךSelect 1 Kings 10:8
9יהי יהוה אלהיך ברוך אשר חפץ בך לתתך על כסא ישראל—באהבת יהוה את ישראל לעלם וישימך למלך לעשות משפט וצדקהSelect 1 Kings 10:9
10ותתן למלך מאה ועשרים ככר זהב ובשמים הרבה מאד—ואבן יקרה לא בא כבשם ההוא עוד לרב אשר נתנה מלכת שבא למלך שלמהSelect 1 Kings 10:10
11וגם אני חירם אשר נשא זהב מאופיר הביא מאפיר עצי אלמגים הרבה מאד—ואבן יקרהSelect 1 Kings 10:11
12ויעש המלך את עצי האלמגים מסעד לבית יהוה ולבית המלך וכנרות ונבלים לשרים לא בא כן עצי אלמגים ולא נראה עד היום הזהSelect 1 Kings 10:12
13והמלך שלמה נתן למלכת שבא את כל חפצה אשר שאלה מלבד אשר נתן לה כיד המלך שלמה ותפן ותלך לארצה היא ועבדיהSelect 1 Kings 10:13
14ויהי משקל הזהב אשר בא לשלמה בשנה אחת—שש מאות ששים ושש ככר זהבSelect 1 Kings 10:14
15לבד מאנשי התרים ומסחר הרכלים וכל מלכי הערב ופחות הארץSelect 1 Kings 10:15
16ויעש המלך שלמה מאתים צנה זהב שחוט שש מאות זהב יעלה על הצנה האחתSelect 1 Kings 10:16
17ושלש מאות מגנים זהב שחוט—שלשת מנים זהב יעלה על המגן האחת ויתנם המלך בית יער הלבנוןSelect 1 Kings 10:17
18ויעש המלך כסא שן גדול ויצפהו זהב מופזSelect 1 Kings 10:18
19שש מעלות לכסה וראש עגל לכסה מאחריו וידת מזה ומזה אל מקום השבת ושנים אריות עמדים אצל הידותSelect 1 Kings 10:19
20ושנים עשר אריים עמדים שם על שש המעלות—מזה ומזה לא נעשה כן לכל ממלכותSelect 1 Kings 10:20
21וכל כלי משקה המלך שלמה זהב וכל כלי בית יער הלבנון זהב סגור אין כסף לא נחשב בימי שלמה—למאומהSelect 1 Kings 10:21
22כי אני תרשיש למלך בים עם אני חירם אחת לשלש שנים תבוא אני תרשיש נשאת זהב וכסף שנהבים וקפים ותכייםSelect 1 Kings 10:22
23ויגדל המלך שלמה מכל מלכי הארץ—לעשר ולחכמהSelect 1 Kings 10:23
24וכל הארץ—מבקשים את פני שלמה לשמע את חכמתו אשר נתן אלהים בלבוSelect 1 Kings 10:24
25והמה מבאים איש מנחתו כלי כסף וכלי זהב ושלמות ונשק ובשמים סוסים ופרדים—דבר שנה בשנהSelect 1 Kings 10:25
26ויאסף שלמה רכב ופרשים ויהי לו אלף וארבע מאות רכב ושנים עשר אלף פרשים וינחם בערי הרכב ועם המלך בירושלםSelect 1 Kings 10:26
27ויתן המלך את הכסף בירושלם כאבנים ואת הארזים נתן כשקמים אשר בשפלה—לרבSelect 1 Kings 10:27
28ומוצא הסוסים אשר לשלמה ממצרים ומקוה—סחרי המלך יקחו מקוה במחירSelect 1 Kings 10:28
29ותעלה ותצא מרכבה ממצרים בשש מאות כסף וסוס בחמשים ומאה וכן לכל מלכי החתים ולמלכי ארם—בידם יצאוSelect 1 Kings 10:29
Aleppo Codex (ALEPPO). Public domain. Text from the CrossWire Bible Society module. About this translation