1 Kings 14
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1בעת ההיא חלה אביה בן ירבעםSelect 1 Kings 14:1
2ויאמר ירבעם לאשתו קומי נא והשתנית ולא ידעו כי אתי (את) אשת ירבעם והלכת שלה הנה שם אחיה הנביא—הוא דבר עלי למלך על העם הזהSelect 1 Kings 14:2
3ולקחת בידך עשרה לחם ונקדים ובקבק דבש—ובאת אליו הוא יגיד לך מה יהיה לנערSelect 1 Kings 14:3
4ותעש כן אשת ירבעם ותקם ותלך שלה ותבא בית אחיה ואחיהו לא יכל לראות כי קמו עיניו משיבוSelect 1 Kings 14:4
5ויהוה אמר אל אחיהו הנה אשת ירבעם באה לדרש דבר מעמך אל בנה כי חלה הוא—כזה וכזה תדבר אליה ויהי כבאה והיא מתנכרהSelect 1 Kings 14:5
6ויהי כשמע אחיהו את קול רגליה באה בפתח ויאמר באי אשת ירבעם למה זה את מתנכרה ואנכי שלוח אליך קשהSelect 1 Kings 14:6
7לכי אמרי לירבעם כה אמר יהוה אלהי ישראל יען אשר הרמתיך מתוך העם ואתנך נגיד על עמי ישראלSelect 1 Kings 14:7
8ואקרע את הממלכה מבית דוד ואתנה לך ולא היית כעבדי דוד אשר שמר מצותי ואשר הלך אחרי בכל לבבו לעשות רק הישר בעיניSelect 1 Kings 14:8
9ותרע לעשות מכל אשר היו לפניך ותלך ותעשה לך אלהים אחרים ומסכות להכעיסני ואתי השלכת אחרי גוךSelect 1 Kings 14:9
10לכן הנני מביא רעה אל בית ירבעם והכרתי לירבעם משתין בקיר עצור ועזוב בישראל ובערתי אחרי בית ירבעם כאשר יבער הגלל עד תמוSelect 1 Kings 14:10
11המת לירבעם בעיר יאכלו הכלבים והמת בשדה יאכלו עוף השמים כי יהוה דברSelect 1 Kings 14:11
12ואת קומי לכי לביתך בבאה רגליך העירה ומת הילדSelect 1 Kings 14:12
13וספדו לו כל ישראל וקברו אתו—כי זה לבדו יבא לירבעם אל קבר יען נמצא בו דבר טוב אל יהוה אלהי ישראל—בבית ירבעםSelect 1 Kings 14:13
14והקים יהוה לו מלך על ישראל אשר יכרית את בית ירבעם זה היום ומה גם עתהSelect 1 Kings 14:14
15והכה יהוה את ישראל כאשר ינוד הקנה במים ונתש את ישראל מעל האדמה הטובה הזאת אשר נתן לאבותיהם וזרם מעבר לנהר יען אשר עשו את אשריהם—מכעיסים את יהוהSelect 1 Kings 14:15
16ויתן את ישראל—בגלל חטאות ירבעם אשר חטא ואשר החטיא את ישראלSelect 1 Kings 14:16
17ותקם אשת ירבעם ותלך ותבא תרצתה היא באה בסף הבית והנער מתSelect 1 Kings 14:17
18ויקברו אתו ויספדו לו כל ישראל כדבר יהוה אשר דבר ביד עבדו אחיהו הנביאSelect 1 Kings 14:18
19ויתר דברי ירבעם אשר נלחם ואשר מלך הנם כתובים על ספר דברי הימים—למלכי ישראלSelect 1 Kings 14:19
20והימים אשר מלך ירבעם עשרים ושתים שנה וישכב עם אבתיו וימלך נדב בנו תחתיוSelect 1 Kings 14:20
21ורחבעם בן שלמה מלך ביהודה בן ארבעים ואחת שנה רחבעם במלכו ושבע עשרה שנה מלך בירושלם העיר אשר בחר יהוה לשום את שמו שם מכל שבטי ישראל ושם אמו נעמה העמניתSelect 1 Kings 14:21
22ויעש יהודה הרע בעיני יהוה ויקנאו אתו מכל אשר עשו אבתם בחטאתם אשר חטאוSelect 1 Kings 14:22
23ויבנו גם המה להם במות ומצבות ואשרים על כל גבעה גבהה ותחת כל עץ רענןSelect 1 Kings 14:23
24וגם קדש היה בארץ עשו ככל התועבת הגוים אשר הוריש יהוה מפני בני ישראלSelect 1 Kings 14:24
25ויהי בשנה החמישית למלך רחבעם עלה שושק (שישק) מלך מצרים על ירושלםSelect 1 Kings 14:25
26ויקח את אצרות בית יהוה ואת אוצרות בית המלך ואת הכל לקח ויקח את כל מגני הזהב אשר עשה שלמהSelect 1 Kings 14:26
27ויעש המלך רחבעם תחתם מגני נחשת והפקיד על יד שרי הרצים השמרים פתח בית המלךSelect 1 Kings 14:27
28ויהי מדי בא המלך בית יהוה—ישאום הרצים והשיבום אל תא הרציםSelect 1 Kings 14:28
29ויתר דברי רחבעם וכל אשר עשה הלא המה כתובים על ספר דברי הימים—למלכי יהודהSelect 1 Kings 14:29
30ומלחמה היתה בין רחבעם ובין ירבעם כל הימיםSelect 1 Kings 14:30
31וישכב רחבעם עם אבתיו ויקבר עם אבתיו בעיר דוד ושם אמו נעמה העמנית וימלך אבים בנו תחתיוSelect 1 Kings 14:31
Aleppo Codex (ALEPPO). Public domain. Text from the CrossWire Bible Society module. About this translation