1 Kings 15
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ובשנת שמנה עשרה למלך ירבעם בן נבט מלך אבים על יהודהSelect 1 Kings 15:1
2שלש שנים מלך בירושלם ושם אמו מעכה בת אבישלוםSelect 1 Kings 15:2
3וילך בכל חטאות אביו אשר עשה לפניו ולא היה לבבו שלם עם יהוה אלהיו כלבב דוד אביוSelect 1 Kings 15:3
4כי למען דוד נתן יהוה אלהיו לו ניר בירושלם להקים את בנו אחריו ולהעמיד את ירושלםSelect 1 Kings 15:4
5אשר עשה דוד את הישר בעיני יהוה ולא סר מכל אשר צוהו כל ימי חייו—רק בדבר אוריה החתיSelect 1 Kings 15:5
6ומלחמה היתה בין רחבעם ובין ירבעם כל ימי חייוSelect 1 Kings 15:6
7ויתר דברי אבים וכל אשר עשה—הלוא הם כתובים על ספר דברי הימים למלכי יהודה ומלחמה היתה בין אבים ובין ירבעםSelect 1 Kings 15:7
8וישכב אבים עם אבתיו ויקברו אתו בעיר דוד וימלך אסא בנו תחתיוSelect 1 Kings 15:8
9ובשנת עשרים לירבעם מלך ישראל מלך אסא מלך יהודהSelect 1 Kings 15:9
10וארבעים ואחת שנה מלך בירושלם ושם אמו מעכה בת אבישלוםSelect 1 Kings 15:10
11ויעש אסא הישר בעיני יהוה כדוד אביוSelect 1 Kings 15:11
12ויעבר הקדשים מן הארץ ויסר את כל הגללים אשר עשו אבתיוSelect 1 Kings 15:12
13וגם את מעכה אמו ויסרה מגבירה אשר עשתה מפלצת לאשרה ויכרת אסא את מפלצתה וישרף בנחל קדרוןSelect 1 Kings 15:13
14והבמות לא סרו רק לבב אסא היה שלם עם יהוה—כל ימיוSelect 1 Kings 15:14
15ויבא את קדשי אביו וקדשו (וקדשי) בית יהוה כסף וזהב וכליםSelect 1 Kings 15:15
16ומלחמה היתה בין אסא ובין בעשא מלך ישראל—כל ימיהםSelect 1 Kings 15:16
17ויעל בעשא מלך ישראל על יהודה ויבן את הרמה—לבלתי תת יצא ובא לאסא מלך יהודהSelect 1 Kings 15:17
18ויקח אסא את כל הכסף והזהב הנותרים באוצרות בית יהוה ואת אוצרות בית מלך (המלך) ויתנם ביד עבדיו וישלחם המלך אסא אל בן הדד בן טברמן בן חזיון מלך ארם הישב בדמשק לאמרSelect 1 Kings 15:18
19ברית ביני ובינך בין אבי ובין אביך הנה שלחתי לך שחד כסף וזהב—לך הפרה את בריתך את בעשא מלך ישראל ויעלה מעליSelect 1 Kings 15:19
20וישמע בן הדד אל המלך אסא וישלח את שרי החילים אשר לו על ערי ישראל ויך את עיון ואת דן ואת אבל בית מעכה ואת כל כנרות על כל ארץ נפתליSelect 1 Kings 15:20
21ויהי כשמע בעשא ויחדל מבנות את הרמה וישב בתרצהSelect 1 Kings 15:21
22והמלך אסא השמיע את כל יהודה אין נקי וישאו את אבני הרמה ואת עציה אשר בנה בעשא ויבן בם המלך אסא את גבע בנימן ואת המצפהSelect 1 Kings 15:22
23ויתר כל דברי אסא וכל גבורתו וכל אשר עשה והערים אשר בנה—הלא המה כתובים על ספר דברי הימים למלכי יהודה רק לעת זקנתו חלה את רגליוSelect 1 Kings 15:23
24וישכב אסא עם אבתיו ויקבר עם אבתיו בעיר דוד אביו וימלך יהושפט בנו תחתיוSelect 1 Kings 15:24
25ונדב בן ירבעם מלך על ישראל בשנת שתים לאסא מלך יהודה וימלך על ישראל שנתיםSelect 1 Kings 15:25
26ויעש הרע בעיני יהוה וילך בדרך אביו ובחטאתו אשר החטיא את ישראלSelect 1 Kings 15:26
27ויקשר עליו בעשא בן אחיה לבית יששכר ויכהו בעשא בגבתון אשר לפלשתים ונדב וכל ישראל צרים על גבתוןSelect 1 Kings 15:27
28וימתהו בעשא—בשנת שלש לאסא מלך יהודה וימלך תחתיוSelect 1 Kings 15:28
29ויהי כמלכו הכה את כל בית ירבעם—לא השאיר כל נשמה לירבעם עד השמדו כדבר יהוה—אשר דבר ביד עבדו אחיה השילניSelect 1 Kings 15:29
30על חטאות ירבעם אשר חטא ואשר החטיא את ישראל בכעסו—אשר הכעיס את יהוה אלהי ישראלSelect 1 Kings 15:30
31ויתר דברי נדב וכל אשר עשה הלא הם כתובים על ספר דברי הימים—למלכי ישראלSelect 1 Kings 15:31
32ומלחמה היתה בין אסא ובין בעשא מלך ישראל—כל ימיהםSelect 1 Kings 15:32
33בשנת שלש לאסא מלך יהודה—מלך בעשא בן אחיה על כל ישראל בתרצה עשרים וארבע שנהSelect 1 Kings 15:33
34ויעש הרע בעיני יהוה וילך בדרך ירבעם ובחטאתו אשר החטיא את ישראלSelect 1 Kings 15:34
Aleppo Codex (ALEPPO). Public domain. Text from the CrossWire Bible Society module. About this translation