1 Kings 17
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויאמר אליהו התשבי מתשבי גלעד אל אחאב חי יהוה אלהי ישראל אשר עמדתי לפניו אם יהיה השנים האלה טל ומטר—כי אם לפי דבריSelect 1 Kings 17:1
2ויהי דבר יהוה אליו לאמרSelect 1 Kings 17:2
3לך מזה ופנית לך קדמה ונסתרת בנחל כרית אשר על פני הירדןSelect 1 Kings 17:3
4והיה מהנחל תשתה ואת הערבים צויתי לכלכלך שםSelect 1 Kings 17:4
5וילך ויעש כדבר יהוה וילך וישב בנחל כרית אשר על פני הירדןSelect 1 Kings 17:5
6והערבים מבאים לו לחם ובשר בבקר ולחם ובשר בערב ומן הנחל ישתהSelect 1 Kings 17:6
7ויהי מקץ ימים וייבש הנחל כי לא היה גשם בארץSelect 1 Kings 17:7
8ויהי דבר יהוה אליו לאמרSelect 1 Kings 17:8
9קום לך צרפתה אשר לצידון וישבת שם הנה צויתי שם אשה אלמנה לכלכלךSelect 1 Kings 17:9
10ויקם וילך צרפתה ויבא אל פתח העיר והנה שם אשה אלמנה מקששת עצים ויקרא אליה ויאמר קחי נא לי מעט מים בכלי ואשתהSelect 1 Kings 17:10
11ותלך לקחת ויקרא אליה ויאמר לקחי נא לי פת לחם בידךSelect 1 Kings 17:11
12ותאמר חי יהוה אלהיך אם יש לי מעוג כי אם מלא כף קמח בכד ומעט שמן בצפחת והנני מקששת שנים עצים ובאתי ועשיתיהו לי ולבני ואכלנהו ומתנוSelect 1 Kings 17:12
13ויאמר אליה אליהו אל תיראי באי עשי כדברך אך עשי לי משם עגה קטנה בראשנה והוצאת לי ולך ולבנך תעשי באחרנהSelect 1 Kings 17:13
14כי כה אמר יהוה אלהי ישראל כד הקמח לא תכלה וצפחת השמן לא תחסר עד יום תתן (תת) יהוה גשם—על פני האדמהSelect 1 Kings 17:14
15ותלך ותעשה כדבר אליהו ותאכל הוא והיא (היא והוא) וביתה ימיםSelect 1 Kings 17:15
16כד הקמח לא כלתה וצפחת השמן לא חסר—כדבר יהוה אשר דבר ביד אליהוSelect 1 Kings 17:16
17ויהי אחר הדברים האלה חלה בן האשה בעלת הבית ויהי חליו חזק מאד עד אשר לא נותרה בו נשמהSelect 1 Kings 17:17
18ותאמר אל אליהו מה לי ולך איש האלהים באת אלי להזכיר את עוני ולהמית את בניSelect 1 Kings 17:18
19ויאמר אליה תני לי את בנך ויקחהו מחיקה ויעלהו אל העליה אשר הוא ישב שם וישכבהו על מטתוSelect 1 Kings 17:19
20ויקרא אל יהוה ויאמר יהוה אלהי—הגם על האלמנה אשר אני מתגורר עמה הרעות להמית את בנהSelect 1 Kings 17:20
21ויתמדד על הילד שלש פעמים ויקרא אל יהוה ויאמר יהוה אלהי תשב נא נפש הילד הזה על קרבוSelect 1 Kings 17:21
22וישמע יהוה בקול אליהו ותשב נפש הילד על קרבו ויחיSelect 1 Kings 17:22
23ויקח אליהו את הילד וירדהו מן העליה הביתה ויתנהו לאמו ויאמר אליהו ראי חי בנךSelect 1 Kings 17:23
24ותאמר האשה אל אליהו עתה זה ידעתי כי איש אלהים אתה ודבר יהוה בפיך אמתSelect 1 Kings 17:24
Aleppo Codex (ALEPPO). Public domain. Text from the CrossWire Bible Society module. About this translation