1 Kings 19
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויגד אחאב לאיזבל את כל אשר עשה אליהו ואת כל אשר הרג את כל הנביאים בחרבSelect 1 Kings 19:1
2ותשלח איזבל מלאך אל אליהו לאמר כה יעשון אלהים וכה יוספון כי כעת מחר אשים את נפשך כנפש אחד מהםSelect 1 Kings 19:2
3וירא ויקם וילך אל נפשו ויבא באר שבע אשר ליהודה וינח את נערו שםSelect 1 Kings 19:3
4והוא הלך במדבר דרך יום ויבא וישב תחת רתם אחת (אחד) וישאל את נפשו למות ויאמר רב עתה יהוה קח נפשי כי לא טוב אנכי מאבתיSelect 1 Kings 19:4
5וישכב ויישן תחת רתם אחד והנה זה מלאך נגע בו ויאמר לו קום אכולSelect 1 Kings 19:5
6ויבט והנה מראשתיו עגת רצפים וצפחת מים ויאכל וישת וישב וישכבSelect 1 Kings 19:6
7וישב מלאך יהוה שנית ויגע בו ויאמר קום אכל כי רב ממך הדרךSelect 1 Kings 19:7
8ויקם ויאכל וישתה וילך בכח האכילה ההיא ארבעים יום וארבעים לילה עד הר האלהים חרבSelect 1 Kings 19:8
9ויבא שם אל המערה וילן שם והנה דבר יהוה אליו ויאמר לו מה לך פה אליהוSelect 1 Kings 19:9
10ויאמר קנא קנאתי ליהוה אלהי צבאות כי עזבו בריתך בני ישראל—את מזבחתיך הרסו ואת נביאיך הרגו בחרב ואותר אני לבדי ויבקשו את נפשי לקחתהSelect 1 Kings 19:10
11ויאמר צא ועמדת בהר לפני יהוה והנה יהוה עבר ורוח גדולה וחזק מפרק הרים ומשבר סלעים לפני יהוה לא ברוח יהוה ואחר הרוח רעש לא ברעש יהוהSelect 1 Kings 19:11
12ואחר הרעש אש לא באש יהוה ואחר האש קול דממה דקהSelect 1 Kings 19:12
13ויהי כשמע אליהו וילט פניו באדרתו ויצא ויעמד פתח המערה והנה אליו קול ויאמר מה לך פה אליהוSelect 1 Kings 19:13
14ויאמר קנא קנאתי ליהוה אלהי צבאות כי עזבו בריתך בני ישראל—את מזבחתיך הרסו ואת נביאיך הרגו בחרב ואותר אני לבדי ויבקשו את נפשי לקחתהSelect 1 Kings 19:14
15ויאמר יהוה אליו לך שוב לדרכך מדברה דמשק ובאת ומשחת את חזאל למלך—על ארםSelect 1 Kings 19:15
16ואת יהוא בן נמשי תמשח למלך על ישראל ואת אלישע בן שפט מאבל מחולה תמשח לנביא תחתיךSelect 1 Kings 19:16
17והיה הנמלט מחרב חזאל—ימית יהוא והנמלט מחרב יהוא ימית אלישעSelect 1 Kings 19:17
18והשארתי בישראל שבעת אלפים כל הברכים אשר לא כרעו לבעל וכל הפה אשר לא נשק לוSelect 1 Kings 19:18
19וילך משם וימצא את אלישע בן שפט והוא חרש שנים עשר צמדים לפניו והוא בשנים העשר ויעבר אליהו אליו וישלך אדרתו אליוSelect 1 Kings 19:19
20ויעזב את הבקר וירץ אחרי אליהו ויאמר אשקה נא לאבי ולאמי ואלכה אחריך ויאמר לו לך שוב כי מה עשיתי לךSelect 1 Kings 19:20
21וישב מאחריו ויקח את צמד הבקר ויזבחהו ובכלי הבקר בשלם הבשר ויתן לעם ויאכלו ויקם וילך אחרי אליהו—וישרתהוSelect 1 Kings 19:21
Aleppo Codex (ALEPPO). Public domain. Text from the CrossWire Bible Society module. About this translation