21 Kings 2

1ויקרבו ימי דוד למות ויצו את שלמה בנו לאמרSelect 1 Kings 2:1

2אנכי הלך בדרך כל הארץ וחזקת והיית לאישSelect 1 Kings 2:2

3ושמרת את משמרת יהוה אלהיך ללכת בדרכיו לשמר חקתיו מצותיו ומשפטיו ועדותיו ככתוב בתורת משה—למען תשכיל את כל אשר תעשה ואת כל אשר תפנה שםSelect 1 Kings 2:3

4למען יקים יהוה את דברו אשר דבר עלי לאמר אם ישמרו בניך את דרכם ללכת לפני באמת בכל לבבם ובכל נפשם לאמר—לא יכרת לך איש מעל כסא ישראלSelect 1 Kings 2:4

5וגם אתה ידעת את אשר עשה לי יואב בן צרויה אשר עשה לשני שרי צבאות ישראל לאבנר בן נר ולעמשא בן יתר ויהרגם וישם דמי מלחמה בשלם ויתן דמי מלחמה בחגרתו אשר במתניו ובנעלו אשר ברגליוSelect 1 Kings 2:5

6ועשית כחכמתך ולא תורד שיבתו בשלם שאלSelect 1 Kings 2:6

7ולבני ברזלי הגלעדי תעשה חסד והיו באכלי שלחנך כי כן קרבו אלי בברחי מפני אבשלום אחיךSelect 1 Kings 2:7

8והנה עמך שמעי בן גרא בן הימיני מבחרים והוא קללני קללה נמרצת ביום לכתי מחנים והוא ירד לקראתי הירדן ואשבע לו ביהוה לאמר אם אמיתך בחרבSelect 1 Kings 2:8

9ועתה אל תנקהו כי איש חכם אתה וידעת את אשר תעשה לו והורדת את שיבתו בדם שאולSelect 1 Kings 2:9

10וישכב דוד עם אבתיו ויקבר בעיר דודSelect 1 Kings 2:10

11והימים אשר מלך דוד על ישראל ארבעים שנה בחברון מלך שבע שנים ובירושלם מלך שלשים ושלש שניםSelect 1 Kings 2:11

12ושלמה—ישב על כסא דוד אביו ותכן מלכתו מאדSelect 1 Kings 2:12

13ויבא אדניהו בן חגית אל בת שבע אם שלמה ותאמר השלום באך ויאמר שלוםSelect 1 Kings 2:13

14ויאמר דבר לי אליך ותאמר דברSelect 1 Kings 2:14

15ויאמר את ידעת כי לי היתה המלוכה ועלי שמו כל ישראל פניהם למלך ותסב המלוכה ותהי לאחי כי מיהוה היתה לוSelect 1 Kings 2:15

16ועתה שאלה אחת אנכי שאל מאתך—אל תשבי את פני ותאמר אליו דברSelect 1 Kings 2:16

17ויאמר אמרי נא לשלמה המלך כי לא ישיב את פניך ויתן לי את אבישג השונמית לאשהSelect 1 Kings 2:17

18ותאמר בת שבע טוב אנכי אדבר עליך אל המלךSelect 1 Kings 2:18

19ותבא בת שבע אל המלך שלמה לדבר לו על אדניהו ויקם המלך לקראתה וישתחו לה וישב על כסאו וישם כסא לאם המלך ותשב לימינוSelect 1 Kings 2:19

20ותאמר שאלה אחת קטנה אנכי שאלת מאתך—אל תשב את פני ויאמר לה המלך שאלי אמי כי לא אשיב את פניךSelect 1 Kings 2:20

21ותאמר יתן את אבישג השנמית לאדניהו אחיך לאשהSelect 1 Kings 2:21

22ויען המלך שלמה ויאמר לאמו ולמה את שאלת את אבישג השנמית לאדניהו ושאלי לו את המלוכה כי הוא אחי הגדול ממני ולו ולאביתר הכהן וליואב בן צרויהSelect 1 Kings 2:22

23וישבע המלך שלמה ביהוה לאמר כה יעשה לי אלהים וכה יוסיף כי בנפשו דבר אדניהו את הדבר הזהSelect 1 Kings 2:23

24ועתה חי יהוה אשר הכינני ויושיביני (ויושיבני) על כסא דוד אבי ואשר עשה לי בית כאשר דבר כי היום יומת אדניהוSelect 1 Kings 2:24

25וישלח המלך שלמה ביד בניהו בן יהוידע ויפגע בו וימתSelect 1 Kings 2:25

26ולאביתר הכהן אמר המלך ענתת לך על שדיך—כי איש מות אתה וביום הזה לא אמיתך כי נשאת את ארון אדני יהוה לפני דוד אבי וכי התענית בכל אשר התענה אביSelect 1 Kings 2:26

27ויגרש שלמה את אביתר מהיות כהן ליהוה למלא את דבר יהוה אשר דבר על בית עלי בשלהSelect 1 Kings 2:27

28והשמעה באה עד יואב כי יואב נטה אחרי אדניה ואחרי אבשלום לא נטה וינס יואב אל אהל יהוה ויחזק בקרנות המזבחSelect 1 Kings 2:28

29ויגד למלך שלמה כי נס יואב אל אהל יהוה והנה אצל המזבח וישלח שלמה את בניהו בן יהוידע לאמר—לך פגע בוSelect 1 Kings 2:29

30ויבא בניהו אל אהל יהוה ויאמר אליו כה אמר המלך צא ויאמר לא כי פה אמות וישב בניהו את המלך דבר לאמר כה דבר יואב וכה ענניSelect 1 Kings 2:30

31ויאמר לו המלך עשה כאשר דבר ופגע בו וקברתו והסירת דמי חנם אשר שפך יואב מעלי ומעל בית אביSelect 1 Kings 2:31

32והשיב יהוה את דמו על ראשו אשר פגע בשני אנשים צדקים וטבים ממנו ויהרגם בחרב—ואבי דוד לא ידע את אבנר בן נר שר צבא ישראל ואת עמשא בן יתר שר צבא יהודהSelect 1 Kings 2:32

33ושבו דמיהם בראש יואב ובראש זרעו לעלם ולדוד ולזרעו ולביתו ולכסאו יהיה שלום עד עולם—מעם יהוהSelect 1 Kings 2:33

34ויעל בניהו בן יהוידע ויפגע בו וימתהו ויקבר בביתו במדברSelect 1 Kings 2:34

35ויתן המלך את בניהו בן יהוידע תחתיו—על הצבא ואת צדוק הכהן נתן המלך תחת אביתרSelect 1 Kings 2:35

36וישלח המלך ויקרא לשמעי ויאמר לו בנה לך בית בירושלם וישבת שם ולא תצא משם אנה ואנהSelect 1 Kings 2:36

37והיה ביום צאתך ועברת את נחל קדרון—ידע תדע כי מות תמות דמך יהיה בראשךSelect 1 Kings 2:37

38ויאמר שמעי למלך טוב הדבר כאשר דבר אדני המלך כן יעשה עבדך וישב שמעי בירושלם ימים רביםSelect 1 Kings 2:38

39ויהי מקץ שלש שנים ויברחו שני עבדים לשמעי אל אכיש בן מעכה מלך גת ויגידו לשמעי לאמר הנה עבדיך בגתSelect 1 Kings 2:39

40ויקם שמעי ויחבש את חמרו וילך גתה אל אכיש לבקש את עבדיו וילך שמעי ויבא את עבדיו מגתSelect 1 Kings 2:40

41ויגד לשלמה כי הלך שמעי מירושלם גת וישבSelect 1 Kings 2:41

42וישלח המלך ויקרא לשמעי ויאמר אליו הלוא השבעתיך ביהוה ואעד בך לאמר ביום צאתך והלכת אנה ואנה ידע תדע כי מות תמות ותאמר אלי טוב הדבר שמעתיSelect 1 Kings 2:42

43ומדוע—לא שמרת את שבעת יהוה ואת המצוה אשר צויתי עליךSelect 1 Kings 2:43

44ויאמר המלך אל שמעי אתה ידעת את כל הרעה אשר ידע לבבך אשר עשית לדוד אבי והשיב יהוה את רעתך בראשךSelect 1 Kings 2:44

45והמלך שלמה ברוך וכסא דוד יהיה נכון לפני יהוה—עד עולםSelect 1 Kings 2:45

46ויצו המלך את בניהו בן יהוידע ויצא ויפגע בו וימת והממלכה נכונה ביד שלמהSelect 1 Kings 2:46