1 Kings 22
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1וישבו שלש שנים אין מלחמה בין ארם ובין ישראלSelect 1 Kings 22:1
2ויהי בשנה השלישית וירד יהושפט מלך יהודה אל מלך ישראלSelect 1 Kings 22:2
3ויאמר מלך ישראל אל עבדיו הידעתם כי לנו רמת גלעד ואנחנו מחשים—מקחת אתה מיד מלך ארםSelect 1 Kings 22:3
4ויאמר אל יהושפט התלך אתי למלחמה רמת גלעד ויאמר יהושפט אל מלך ישראל כמוני כמוך כעמי כעמך כסוסי כסוסיךSelect 1 Kings 22:4
5ויאמר יהושפט אל מלך ישראל דרש נא כיום את דבר יהוהSelect 1 Kings 22:5
6ויקבץ מלך ישראל את הנביאים כארבע מאות איש ויאמר אלהם האלך על רמת גלעד למלחמה אם אחדל ויאמרו עלה ויתן אדני ביד המלךSelect 1 Kings 22:6
7ויאמר יהושפט האין פה נביא ליהוה עוד ונדרשה מאתוSelect 1 Kings 22:7
8ויאמר מלך ישראל אל יהושפט עוד איש אחד לדרש את יהוה מאתו ואני שנאתיו כי לא יתנבא עלי טוב כי אם רע—מיכיהו בן ימלה ויאמר יהושפט אל יאמר המלך כןSelect 1 Kings 22:8
9ויקרא מלך ישראל אל סריס אחד ויאמר מהרה מיכיהו בן ימלהSelect 1 Kings 22:9
10ומלך ישראל ויהושפט מלך יהודה ישבים איש על כסאו מלבשים בגדים בגרן פתח שער שמרון וכל הנביאים—מתנבאים לפניהםSelect 1 Kings 22:10
11ויעש לו צדקיה בן כנענה קרני ברזל ויאמר כה אמר יהוה באלה תנגח את ארם עד כלתםSelect 1 Kings 22:11
12וכל הנבאים—נבאים כן לאמר עלה רמת גלעד והצלח ונתן יהוה ביד המלךSelect 1 Kings 22:12
13והמלאך אשר הלך לקרא מיכיהו דבר אליו לאמר הנה נא דברי הנביאים פה אחד טוב אל המלך יהי נא דבריך (דברך) כדבר אחד מהם—ודברת טובSelect 1 Kings 22:13
14ויאמר מיכיהו חי יהוה—כי את אשר יאמר יהוה אלי אתו אדברSelect 1 Kings 22:14
15ויבוא אל המלך ויאמר המלך אליו מיכיהו הנלך אל רמת גלעד למלחמה אם נחדל ויאמר אליו עלה והצלח ונתן יהוה ביד המלךSelect 1 Kings 22:15
16ויאמר אליו המלך עד כמה פעמים אני משביעך אשר לא תדבר אלי רק אמת—בשם יהוהSelect 1 Kings 22:16
17ויאמר ראיתי את כל ישראל נפצים אל ההרים כצאן אשר אין להם רעה ויאמר יהוה לא אדנים לאלה ישובו איש לביתו בשלוםSelect 1 Kings 22:17
18ויאמר מלך ישראל אל יהושפט הלוא אמרתי אליך לוא יתנבא עלי טוב כי אם רעSelect 1 Kings 22:18
19ויאמר לכן שמע דבר יהוה ראיתי את יהוה ישב על כסאו וכל צבא השמים עמד עליו מימינו ומשמאלוSelect 1 Kings 22:19
20ויאמר יהוה מי יפתה את אחאב ויעל ויפל ברמת גלעד ויאמר זה בכה וזה אמר בכהSelect 1 Kings 22:20
21ויצא הרוח ויעמד לפני יהוה ויאמר אני אפתנו ויאמר יהוה אליו במהSelect 1 Kings 22:21
22ויאמר אצא והייתי רוח שקר בפי כל נביאיו ויאמר תפתה וגם תוכל—צא ועשה כןSelect 1 Kings 22:22
23ועתה הנה נתן יהוה רוח שקר בפי כל נביאיך אלה ויהוה דבר עליך רעהSelect 1 Kings 22:23
24ויגש צדקיהו בן כנענה ויכה את מיכיהו על הלחי ויאמר אי זה עבר רוח יהוה מאתי לדבר אותךSelect 1 Kings 22:24
25ויאמר מיכיהו הנך ראה ביום ההוא אשר תבא חדר בחדר להחבהSelect 1 Kings 22:25
26ויאמר מלך ישראל קח את מיכיהו והשיבהו אל אמן שר העיר ואל יואש בן המלךSelect 1 Kings 22:26
27ואמרת כה אמר המלך שימו את זה בית הכלא והאכלהו לחם לחץ ומים לחץ עד באי בשלוםSelect 1 Kings 22:27
28ויאמר מיכיהו—אם שוב תשוב בשלום לא דבר יהוה בי ויאמר שמעו עמים כלםSelect 1 Kings 22:28
29ויעל מלך ישראל ויהושפט מלך יהודה רמת גלעדSelect 1 Kings 22:29
30ויאמר מלך ישראל אל יהושפט התחפש ובא במלחמה ואתה לבש בגדיך ויתחפש מלך ישראל ויבוא במלחמהSelect 1 Kings 22:30
31ומלך ארם צוה את שרי הרכב אשר לו שלשים ושנים לאמר לא תלחמו את קטן ואת גדול כי אם את מלך ישראל לבדוSelect 1 Kings 22:31
32ויהי כראות שרי הרכב את יהושפט והמה אמרו אך מלך ישראל הוא ויסרו עליו להלחם ויזעק יהושפטSelect 1 Kings 22:32
33ויהי כראות שרי הרכב כי לא מלך ישראל הוא וישובו מאחריוSelect 1 Kings 22:33
34ואיש משך בקשת לתמו ויכה את מלך ישראל בין הדבקים ובין השרין ויאמר לרכבו הפך ידך והוציאני מן המחנה—כי החליתיSelect 1 Kings 22:34
35ותעלה המלחמה ביום ההוא והמלך היה מעמד במרכבה נכח ארם וימת בערב ויצק דם המכה אל חיק הרכבSelect 1 Kings 22:35
36ויעבר הרנה במחנה כבא השמש לאמר איש אל עירו ואיש אל ארצוSelect 1 Kings 22:36
37וימת המלך ויבוא שמרון ויקברו את המלך בשמרוןSelect 1 Kings 22:37
38וישטף את הרכב על ברכת שמרון וילקו הכלבים את דמו והזנות רחצו—כדבר יהוה אשר דברSelect 1 Kings 22:38
39ויתר דברי אחאב וכל אשר עשה ובית השן אשר בנה וכל הערים אשר בנה הלוא הם כתובים על ספר דברי הימים—למלכי ישראלSelect 1 Kings 22:39
40וישכב אחאב עם אבתיו וימלך אחזיהו בנו תחתיוSelect 1 Kings 22:40
41ויהושפט בן אסא מלך על יהודה—בשנת ארבע לאחאב מלך ישראלSelect 1 Kings 22:41
42יהושפט בן שלשים וחמש שנה במלכו ועשרים וחמש שנה מלך בירושלם ושם אמו עזובה בת שלחיSelect 1 Kings 22:42
43וילך בכל דרך אסא אביו—לא סר ממנו לעשות הישר בעיני יהוהSelect 1 Kings 22:43
44אך הבמות לא סרו עוד העם מזבחים ומקטרים בבמותSelect 1 Kings 22:44
45וישלם יהושפט עם מלך ישראלSelect 1 Kings 22:45
46ויתר דברי יהושפט וגבורתו אשר עשה ואשר נלחם הלא הם כתובים על ספר דברי הימים—למלכי יהודהSelect 1 Kings 22:46
47ויתר הקדש אשר נשאר בימי אסא אביו—בער מן הארץSelect 1 Kings 22:47
48ומלך אין באדום נצב מלךSelect 1 Kings 22:48
49יהושפט עשר (עשה) אניות תרשיש ללכת אפירה לזהב—ולא הלך כי נשברה (נשברו) אניות בעציון גברSelect 1 Kings 22:49
50אז אמר אחזיהו בן אחאב אל יהושפט ילכו עבדי עם עבדיך באניות ולא אבה יהושפטSelect 1 Kings 22:50
51וישכב יהושפט עם אבתיו ויקבר עם אבתיו בעיר דוד אביו וימלך יהורם בנו תחתיוSelect 1 Kings 22:51
52אחזיהו בן אחאב מלך על ישראל בשמרון בשנת שבע עשרה ליהושפט מלך יהודה וימלך על ישראל שנתיםSelect 1 Kings 22:52
53ויעש הרע בעיני יהוה וילך בדרך אביו ובדרך אמו ובדרך ירבעם בן נבט אשר החטיא את ישראלSelect 1 Kings 22:53
54ויעבד את הבעל וישתחוה לו ויכעס את יהוה אלהי ישראל ככל אשר עשה אביוSelect 1 Kings 22:54
Aleppo Codex (ALEPPO). Public domain. Text from the CrossWire Bible Society module. About this translation