2 Kings 1
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויפשע מואב בישראל אחרי מות אחאבSelect 2 Kings 1:1
2ויפל אחזיה בעד השבכה בעליתו אשר בשמרון—ויחל וישלח מלאכים ויאמר אלהם לכו דרשו בבעל זבוב אלהי עקרון אם אחיה מחלי זהSelect 2 Kings 1:2
3ומלאך יהוה דבר אל אליה התשבי קום עלה לקראת מלאכי מלך שמרון ודבר אלהם—המבלי אין אלהים בישראל אתם הלכים לדרש בבעל זבוב אלהי עקרוןSelect 2 Kings 1:3
4ולכן כה אמר יהוה המטה אשר עלית שם לא תרד ממנה כי מות תמות וילך אליהSelect 2 Kings 1:4
5וישובו המלאכים אליו ויאמר אליהם מה זה שבתםSelect 2 Kings 1:5
6ויאמרו אליו איש עלה לקראתנו ויאמר אלינו לכו שובו אל המלך אשר שלח אתכם ודברתם אליו כה אמר יהוה המבלי אין אלהים בישראל אתה שלח לדרש בבעל זבוב אלהי עקרון לכן המטה אשר עלית שם לא תרד ממנה—כי מות תמותSelect 2 Kings 1:6
7וידבר אלהם—מה משפט האיש אשר עלה לקראתכם וידבר אליכם את הדברים האלהSelect 2 Kings 1:7
8ויאמרו אליו איש בעל שער ואזור עור אזור במתניו ויאמר אליה התשבי הואSelect 2 Kings 1:8
9וישלח אליו שר חמשים וחמשיו ויעל אליו והנה ישב על ראש ההר וידבר אליו איש האלהים המלך דבר רדהSelect 2 Kings 1:9
10ויענה אליהו וידבר אל שר החמשים ואם איש אלהים אני תרד אש מן השמים ותאכל אתך ואת חמשיך ותרד אש מן השמים ותאכל אתו ואת חמשיוSelect 2 Kings 1:10
11וישב וישלח אליו שר חמשים אחר—וחמשיו ויען וידבר אליו איש האלהים כה אמר המלך מהרה רדהSelect 2 Kings 1:11
12ויען אליה וידבר אליהם אם איש האלהים אני תרד אש מן השמים ותאכל אתך ואת חמשיך ותרד אש אלהים מן השמים ותאכל אתו ואת חמשיוSelect 2 Kings 1:12
13וישב וישלח שר חמשים שלשים—וחמשיו ויעל ויבא שר החמשים השלישי ויכרע על ברכיו לנגד אליהו ויתחנן אליו וידבר אליו איש האלהים תיקר נא נפשי ונפש עבדיך אלה חמשים בעיניךSelect 2 Kings 1:13
14הנה ירדה אש מן השמים ותאכל את שני שרי החמשים הראשנים ואת חמשיהם ועתה תיקר נפשי בעיניךSelect 2 Kings 1:14
15וידבר מלאך יהוה אל אליהו רד אותו אל תירא מפניו ויקם וירד אותו אל המלךSelect 2 Kings 1:15
16וידבר אליו כה אמר יהוה יען אשר שלחת מלאכים לדרש בבעל זבוב אלהי עקרון—המבלי אין אלהים בישראל לדרש בדברו לכן המטה אשר עלית שם לא תרד ממנה—כי מות תמותSelect 2 Kings 1:16
17וימת כדבר יהוה אשר דבר אליהו וימלך יהורם תחתיו בשנת שתים ליהורם בן יהושפט מלך יהודה כי לא היה לו בןSelect 2 Kings 1:17
18ויתר דברי אחזיהו אשר עשה הלוא המה כתובים על ספר דברי הימים—למלכי ישראלSelect 2 Kings 1:18
Aleppo Codex (ALEPPO). Public domain. Text from the CrossWire Bible Society module. About this translation