102 Kings 10

1ולאחאב שבעים בנים בשמרון ויכתב יהוא ספרים וישלח שמרון אל שרי יזרעאל הזקנים ואל האמנים אחאב לאמרSelect 2 Kings 10:1

2ועתה כבא הספר הזה אליכם ואתכם בני אדניכם ואתכם הרכב והסוסים ועיר מבצר והנשקSelect 2 Kings 10:2

3וראיתם הטוב והישר מבני אדניכם ושמתם על כסא אביו והלחמו על בית אדניכםSelect 2 Kings 10:3

4ויראו מאד מאד ויאמרו הנה שני המלכים לא עמדו לפניו ואיך נעמד אנחנוSelect 2 Kings 10:4

5וישלח אשר על הבית ואשר על העיר והזקנים והאמנים אל יהוא לאמר עבדיך אנחנו וכל אשר תאמר אלינו נעשה לא נמלך איש הטוב בעיניך עשהSelect 2 Kings 10:5

6ויכתב אליהם ספר שנית לאמר אם לי אתם ולקלי אתם שמעים קחו את ראשי אנשי בני אדניכם ובאו אלי כעת מחר יזרעאלה ובני המלך שבעים איש את גדלי העיר מגדלים אותםSelect 2 Kings 10:6

7ויהי כבא הספר אליהם ויקחו את בני המלך וישחטו שבעים איש וישימו את ראשיהם בדודים וישלחו אליו יזרעאלהSelect 2 Kings 10:7

8ויבא המלאך ויגד לו לאמר הביאו ראשי בני המלך ויאמר שימו אתם שני צברים פתח השער—עד הבקרSelect 2 Kings 10:8

9ויהי בבקר ויצא ויעמד ויאמר אל כל העם צדקים אתם הנה אני קשרתי על אדני ואהרגהו ומי הכה את כל אלהSelect 2 Kings 10:9

10דעו אפוא כי לא יפל מדבר יהוה ארצה אשר דבר יהוה על בית אחאב ויהוה עשה—את אשר דבר ביד עבדו אליהוSelect 2 Kings 10:10

11ויך יהוא את כל הנשארים לבית אחאב ביזרעאל וכל גדליו ומידעיו וכהניו—עד בלתי השאיר לו שרידSelect 2 Kings 10:11

12ויקם ויבא וילך שמרון—הוא בית עקד הרעים בדרךSelect 2 Kings 10:12

13ויהוא מצא את אחי אחזיהו מלך יהודה ויאמר מי אתם ויאמרו אחי אחזיהו אנחנו ונרד לשלום בני המלך ובני הגבירהSelect 2 Kings 10:13

14ויאמר תפשום חיים ויתפשום חיים וישחטום אל בור בית עקד ארבעים ושנים איש ולא השאיר איש מהםSelect 2 Kings 10:14

15וילך משם וימצא את יהונדב בן רכב לקראתו ויברכהו ויאמר אליו היש את לבבך ישר כאשר לבבי עם לבבך ויאמר יהונדב יש ויש תנה את ידך ויתן ידו ויעלהו אליו אל המרכבהSelect 2 Kings 10:15

16ויאמר לכה אתי וראה בקנאתי ליהוה וירכבו אתו ברכבוSelect 2 Kings 10:16

17ויבא שמרון ויך את כל הנשארים לאחאב בשמרון עד השמדו—כדבר יהוה אשר דבר אל אליהוSelect 2 Kings 10:17

18ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבהSelect 2 Kings 10:18

19ועתה כל נביאי הבעל כל עבדיו וכל כהניו קראו אלי איש אל יפקד כי זבח גדול לי לבעל—כל אשר יפקד לא יחיה ויהוא עשה בעקבה למען האביד את עבדי הבעלSelect 2 Kings 10:19

20ויאמר יהוא קדשו עצרה לבעל—ויקראוSelect 2 Kings 10:20

21וישלח יהוא בכל ישראל ויבאו כל עבדי הבעל ולא נשאר איש אשר לא בא ויבאו בית הבעל וימלא בית הבעל פה לפהSelect 2 Kings 10:21

22ויאמר לאשר על המלתחה הוצא לבוש לכל עבדי הבעל ויצא להם המלבושSelect 2 Kings 10:22

23ויבא יהוא ויהונדב בן רכב בית הבעל ויאמר לעבדי הבעל חפשו וראו פן יש פה עמכם מעבדי יהוה—כי אם עבדי הבעל לבדםSelect 2 Kings 10:23

24ויבאו לעשות זבחים ועלות ויהוא שם לו בחוץ שמנים איש ויאמר האיש אשר ימלט מן האנשים אשר אני מביא על ידיכם נפשו תחת נפשוSelect 2 Kings 10:24

25ויהי ככלתו לעשות העלה ויאמר יהוא לרצים ולשלשים באו הכום איש אל יצא ויכום לפי חרב וישלכו הרצים והשלשים וילכו עד עיר בית הבעלSelect 2 Kings 10:25

26ויצאו את מצבות בית הבעל וישרפוהSelect 2 Kings 10:26

27ויתצו את מצבת הבעל ויתצו את בית הבעל וישמהו למחראות (למוצאות) עד היוםSelect 2 Kings 10:27

28וישמד יהוא את הבעל מישראלSelect 2 Kings 10:28

29רק חטאי ירבעם בן נבט אשר החטיא את ישראל—לא סר יהוא מאחריהם עגלי הזהב אשר בית אל ואשר בדןSelect 2 Kings 10:29

30ויאמר יהוה אל יהוא יען אשר הטיבת לעשות הישר בעיני—ככל אשר בלבבי עשית לבית אחאב בני רבעים ישבו לך על כסא ישראלSelect 2 Kings 10:30

31ויהוא לא שמר ללכת בתורת יהוה אלהי ישראל—בכל לבבו לא סר מעל חטאות ירבעם אשר החטיא את ישראלSelect 2 Kings 10:31

32בימים ההם—החל יהוה לקצות בישראל ויכם חזאל בכל גבול ישראלSelect 2 Kings 10:32

33מן הירדן מזרח השמש את כל ארץ הגלעד הגדי והראובני והמנשי—מערער אשר על נחל ארנן והגלעד והבשןSelect 2 Kings 10:33

34ויתר דברי יהוא וכל אשר עשה וכל גבורתו הלוא הם כתובים על ספר דברי הימים—למלכי ישראלSelect 2 Kings 10:34

35וישכב יהוא עם אבתיו ויקברו אתו בשמרון וימלך יהואחז בנו תחתיוSelect 2 Kings 10:35

36והימים אשר מלך יהוא על ישראל—עשרים ושמנה שנה בשמרוןSelect 2 Kings 10:36