2 Kings 12
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1בן שבע שנים יהואש במלכוSelect 2 Kings 12:1
2בשנת שבע ליהוא מלך יהואש וארבעים שנה מלך בירושלם ושם אמו צביה מבאר שבעSelect 2 Kings 12:2
3ויעש יהואש הישר בעיני יהוה כל ימיו אשר הורהו יהוידע הכהןSelect 2 Kings 12:3
4רק הבמות לא סרו עוד העם מזבחים ומקטרים בבמותSelect 2 Kings 12:4
5ויאמר יהואש אל הכהנים כל כסף הקדשים אשר יובא בית יהוה כסף עובר—איש כסף נפשות ערכו כל כסף אשר יעלה על לב איש להביא בית יהוהSelect 2 Kings 12:5
6יקחו להם הכהנים איש מאת מכרו והם יחזקו את בדק הבית לכל אשר ימצא שם בדקSelect 2 Kings 12:6
7ויהי בשנת עשרים ושלש שנה—למלך יהואש לא חזקו הכהנים את בדק הביתSelect 2 Kings 12:7
8ויקרא המלך יהואש ליהוידע הכהן ולכהנים ויאמר אלהם מדוע אינכם מחזקים את בדק הבית ועתה אל תקחו כסף מאת מכריכם כי לבדק הבית תתנהוSelect 2 Kings 12:8
9ויאתו הכהנים לבלתי קחת כסף מאת העם ולבלתי חזק את בדק הביתSelect 2 Kings 12:9
10ויקח יהוידע הכהן ארון אחד ויקב חר בדלתו ויתן אתו אצל המזבח בימין (מימין) בבוא איש בית יהוה ונתנו שמה הכהנים שמרי הסף את כל הכסף המובא בית יהוהSelect 2 Kings 12:10
11ויהי כראותם כי רב הכסף בארון ויעל ספר המלך והכהן הגדול ויצרו וימנו את הכסף הנמצא בית יהוהSelect 2 Kings 12:11
12ונתנו את הכסף המתכן על יד (ידי) עשי המלאכה הפקדים (המפקדים) בית יהוה ויוציאהו לחרשי העץ ולבנים העשים בית יהוהSelect 2 Kings 12:12
13ולגדרים ולחצבי האבן ולקנות עצים ואבני מחצב לחזק את בדק בית יהוה ולכל אשר יצא על הבית לחזקהSelect 2 Kings 12:13
14אך לא יעשה בית יהוה ספות כסף מזמרות מזרקות חצצרות כל כלי זהב וכלי כסף—מן הכסף המובא בית יהוהSelect 2 Kings 12:14
15כי לעשי המלאכה יתנהו וחזקו בו את בית יהוהSelect 2 Kings 12:15
16ולא יחשבו את האנשים אשר יתנו את הכסף על ידם לתת לעשי המלאכה כי באמנה הם עשיםSelect 2 Kings 12:16
17כסף אשם וכסף חטאות לא יובא בית יהוה לכהנים יהיוSelect 2 Kings 12:17
18אז יעלה חזאל מלך ארם וילחם על גת וילכדה וישם חזאל פניו לעלות על ירושלםSelect 2 Kings 12:18
19ויקח יהואש מלך יהודה את כל הקדשים אשר הקדישו יהושפט ויהורם ואחזיהו אבתיו מלכי יהודה ואת קדשיו ואת כל הזהב הנמצא באצרות בית יהוה ובית המלך וישלח לחזאל מלך ארם ויעל מעל ירושלםSelect 2 Kings 12:19
20ויתר דברי יואש וכל אשר עשה הלוא הם כתובים על ספר דברי הימים—למלכי יהודהSelect 2 Kings 12:20
21ויקמו עבדיו ויקשרו קשר ויכו את יואש בית מלא הירד סלאSelect 2 Kings 12:21
22ויוזכר בן שמעת ויהוזבד בן שמר עבדיו הכהו וימת ויקברו אתו עם אבתיו בעיר דוד וימלך אמציה בנו תחתיוSelect 2 Kings 12:22
Aleppo Codex (ALEPPO). Public domain. Text from the CrossWire Bible Society module. About this translation