2 Kings 14
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1בשנת שתים ליואש בן יואחז מלך ישראל מלך אמציהו בן יואש מלך יהודהSelect 2 Kings 14:1
2בן עשרים וחמש שנה היה במלכו ועשרים ותשע שנה מלך בירושלם ושם אמו יהועדין (יהועדן) מן ירושלםSelect 2 Kings 14:2
3ויעש הישר בעיני יהוה—רק לא כדוד אביו ככל אשר עשה יואש אביו עשהSelect 2 Kings 14:3
4רק הבמות לא סרו עוד העם מזבחים ומקטרים בבמותSelect 2 Kings 14:4
5ויהי כאשר חזקה הממלכה בידו ויך את עבדיו המכים את המלך אביוSelect 2 Kings 14:5
6ואת בני המכים לא המית ככתוב בספר תורת משה אשר צוה יהוה לאמר לא יומתו אבות על בנים ובנים לא יומתו על אבות—כי אם איש בחטאו ימות (יומת)Select 2 Kings 14:6
7הוא הכה את אדום בגי המלח (מלח) עשרת אלפים ותפש את הסלע במלחמה ויקרא את שמה יקתאל עד היום הזהSelect 2 Kings 14:7
8אז שלח אמציה מלאכים אל יהואש בן יהואחז בן יהוא מלך ישראל לאמר לכה נתראה פניםSelect 2 Kings 14:8
9וישלח יהואש מלך ישראל אל אמציהו מלך יהודה לאמר החוח אשר בלבנון שלח אל הארז אשר בלבנון לאמר תנה את בתך לבני לאשה ותעבר חית השדה אשר בלבנון ותרמס את החוחSelect 2 Kings 14:9
10הכה הכית את אדום ונשאך לבך הכבד ושב בביתך ולמה תתגרה ברעה ונפלתה אתה ויהודה עמךSelect 2 Kings 14:10
11ולא שמע אמציהו—ויעל יהואש מלך ישראל ויתראו פנים הוא ואמציהו מלך יהודה בבית שמש אשר ליהודהSelect 2 Kings 14:11
12וינגף יהודה לפני ישראל וינסו איש לאהלוSelect 2 Kings 14:12
13ואת אמציהו מלך יהודה בן יהואש בן אחזיהו תפש יהואש מלך ישראל—בבית שמש ויבאו (ויבא) ירושלם ויפרץ בחומת ירושלם בשער אפרים עד שער הפנה ארבע מאות אמהSelect 2 Kings 14:13
14ולקח את כל הזהב והכסף ואת כל הכלים הנמצאים בית יהוה ובאצרות בית המלך ואת בני התערבות וישב שמרונהSelect 2 Kings 14:14
15ויתר דברי יהואש אשר עשה וגבורתו ואשר נלחם עם אמציהו מלך יהודה הלא הם כתובים על ספר דברי הימים—למלכי ישראלSelect 2 Kings 14:15
16וישכב יהואש עם אבתיו ויקבר בשמרון עם מלכי ישראל וימלך ירבעם בנו תחתיוSelect 2 Kings 14:16
17ויחי אמציהו בן יואש מלך יהודה אחרי מות יהואש בן יהואחז מלך ישראל—חמש עשרה שנהSelect 2 Kings 14:17
18ויתר דברי אמציהו הלא הם כתבים על ספר דברי הימים—למלכי יהודהSelect 2 Kings 14:18
19ויקשרו עליו קשר בירושלם וינס לכישה וישלחו אחריו לכישה וימתהו שםSelect 2 Kings 14:19
20וישאו אתו על הסוסים ויקבר בירושלם עם אבתיו בעיר דודSelect 2 Kings 14:20
21ויקחו כל עם יהודה את עזריה והוא בן שש עשרה שנה וימלכו אתו תחת אביו אמציהוSelect 2 Kings 14:21
22הוא בנה את אילת וישבה ליהודה אחרי שכב המלך עם אבתיוSelect 2 Kings 14:22
23בשנת חמש עשרה שנה לאמציהו בן יואש מלך יהודה—מלך ירבעם בן יואש מלך ישראל בשמרון ארבעים ואחת שנהSelect 2 Kings 14:23
24ויעש הרע בעיני יהוה לא סר מכל חטאות ירבעם בן נבט אשר החטיא את ישראלSelect 2 Kings 14:24
25הוא השיב את גבול ישראל מלבוא חמת עד ים הערבה—כדבר יהוה אלהי ישראל אשר דבר ביד עבדו יונה בן אמתי הנביא אשר מגת החפרSelect 2 Kings 14:25
26כי ראה יהוה את עני ישראל מרה מאד ואפס עצור ואפס עזוב ואין עזר לישראלSelect 2 Kings 14:26
27ולא דבר יהוה—למחות את שם ישראל מתחת השמים ויושיעם ביד ירבעם בן יואשSelect 2 Kings 14:27
28ויתר דברי ירבעם וכל אשר עשה וגבורתו אשר נלחם ואשר השיב את דמשק ואת חמת ליהודה בישראל הלא הם כתובים על ספר דברי הימים—למלכי ישראלSelect 2 Kings 14:28
29וישכב ירבעם עם אבתיו עם מלכי ישראל וימלך זכריה בנו תחתיוSelect 2 Kings 14:29
Aleppo Codex (ALEPPO). Public domain. Text from the CrossWire Bible Society module. About this translation