152 Kings 15

1בשנת עשרים ושבע שנה לירבעם מלך ישראל מלך עזריה בן אמציה מלך יהודהSelect 2 Kings 15:1

2בן שש עשרה שנה היה במלכו וחמשים ושתים שנה מלך בירושלם ושם אמו יכליהו מירושלםSelect 2 Kings 15:2

3ויעש הישר בעיני יהוה ככל אשר עשה אמציהו אביוSelect 2 Kings 15:3

4רק הבמות לא סרו עוד העם מזבחים ומקטרים בבמותSelect 2 Kings 15:4

5וינגע יהוה את המלך ויהי מצרע עד יום מתו וישב בבית החפשית ויותם בן המלך על הבית שפט את עם הארץSelect 2 Kings 15:5

6ויתר דברי עזריהו וכל אשר עשה הלא הם כתובים על ספר דברי הימים—למלכי יהודהSelect 2 Kings 15:6

7וישכב עזריה עם אבתיו ויקברו אתו עם אבתיו בעיר דוד וימלך יותם בנו תחתיוSelect 2 Kings 15:7

8בשנת שלשים ושמנה שנה לעזריהו מלך יהודה מלך זכריהו בן ירבעם על ישראל בשמרון—ששה חדשיםSelect 2 Kings 15:8

9ויעש הרע בעיני יהוה כאשר עשו אבתיו לא סר מחטאות ירבעם בן נבט אשר החטיא את ישראלSelect 2 Kings 15:9

10ויקשר עליו שלם בן יבש ויכהו קבל עם וימיתהו וימלך תחתיוSelect 2 Kings 15:10

11ויתר דברי זכריה הנם כתובים על ספר דברי הימים—למלכי ישראלSelect 2 Kings 15:11

12הוא דבר יהוה אשר דבר אל יהוא לאמר בני רביעים ישבו לך על כסא ישראל ויהי כןSelect 2 Kings 15:12

13שלום בן יביש מלך בשנת שלשים ותשע שנה לעזיה מלך יהודה וימלך ירח ימים בשמרוןSelect 2 Kings 15:13

14ויעל מנחם בן גדי מתרצה ויבא שמרון ויך את שלום בן יביש בשמרון וימיתהו וימלך תחתיוSelect 2 Kings 15:14

15ויתר דברי שלום וקשרו אשר קשר הנם כתובים על ספר דברי הימים—למלכי ישראלSelect 2 Kings 15:15

16אז יכה מנחם את תפסח ואת כל אשר בה ואת גבוליה מתרצה—כי לא פתח ויך את כל ההרותיה בקעSelect 2 Kings 15:16

17בשנת שלשים ותשע שנה לעזריה מלך יהודה מלך מנחם בן גדי על ישראל עשר שנים—בשמרוןSelect 2 Kings 15:17

18ויעש הרע בעיני יהוה לא סר מעל חטאות ירבעם בן נבט אשר החטיא את ישראל—כל ימיוSelect 2 Kings 15:18

19בא פול מלך אשור על הארץ ויתן מנחם לפול אלף ככר כסף—להיות ידיו אתו להחזיק הממלכה בידוSelect 2 Kings 15:19

20ויצא מנחם את הכסף על ישראל על כל גבורי החיל לתת למלך אשור חמשים שקלים כסף לאיש אחד וישב מלך אשור ולא עמד שם בארץSelect 2 Kings 15:20

21ויתר דברי מנחם וכל אשר עשה הלוא הם כתובים על ספר דברי הימים—למלכי ישראלSelect 2 Kings 15:21

22וישכב מנחם עם אבתיו וימלך פקחיה בנו תחתיוSelect 2 Kings 15:22

23בשנת חמשים שנה לעזריה מלך יהודה מלך פקחיה בן מנחם על ישראל בשמרון—שנתיםSelect 2 Kings 15:23

24ויעש הרע בעיני יהוה לא סר מחטאות ירבעם בן נבט אשר החטיא את ישראלSelect 2 Kings 15:24

25ויקשר עליו פקח בן רמליהו שלישו ויכהו בשמרון בארמון בית מלך (המלך) את ארגב ואת האריה ועמו חמשים איש מבני גלעדים וימתהו וימלך תחתיוSelect 2 Kings 15:25

26ויתר דברי פקחיה וכל אשר עשה הנם כתובים על ספר דברי הימים—למלכי ישראלSelect 2 Kings 15:26

27בשנת חמשים ושתים שנה לעזריה מלך יהודה מלך פקח בן רמליהו על ישראל בשמרון—עשרים שנהSelect 2 Kings 15:27

28ויעש הרע בעיני יהוה לא סר מן חטאות ירבעם בן נבט אשר החטיא את ישראלSelect 2 Kings 15:28

29בימי פקח מלך ישראל בא תגלת פלאסר מלך אשור ויקח את עיון ואת אבל בית מעכה ואת ינוח ואת קדש ואת חצור ואת הגלעד ואת הגלילה כל ארץ נפתלי ויגלם אשורהSelect 2 Kings 15:29

30ויקשר קשר הושע בן אלה על פקח בן רמליהו ויכהו וימיתהו וימלך תחתיו—בשנת עשרים ליותם בן עזיהSelect 2 Kings 15:30

31ויתר דברי פקח וכל אשר עשה הנם כתובים על ספר דברי הימים—למלכי ישראלSelect 2 Kings 15:31

32בשנת שתים לפקח בן רמליהו מלך ישראל מלך יותם בן עזיהו מלך יהודהSelect 2 Kings 15:32

33בן עשרים וחמש שנה היה במלכו ושש עשרה שנה מלך בירושלם ושם אמו ירושא בת צדוקSelect 2 Kings 15:33

34ויעש הישר בעיני יהוה ככל אשר עשה עזיהו אביו עשהSelect 2 Kings 15:34

35רק הבמות לא סרו—עוד העם מזבחים ומקטרים בבמות הוא בנה את שער בית יהוה—העליוןSelect 2 Kings 15:35

36ויתר דברי יותם אשר עשה הלא הם כתובים על ספר דברי הימים—למלכי יהודהSelect 2 Kings 15:36

37בימים ההם—החל יהוה להשליח ביהודה רצין מלך ארם ואת פקח בן רמליהוSelect 2 Kings 15:37

38וישכב יותם עם אבתיו ויקבר עם אבתיו בעיר דוד אביו וימלך אחז בנו תחתיוSelect 2 Kings 15:38