242 Kings 24

1בימיו עלה נבכדנאצר מלך בבל ויהי לו יהויקים עבד שלש שנים וישב וימרד בוSelect 2 Kings 24:1

2וישלח יהוה בו את גדודי כשדים ואת גדודי ארם ואת גדודי מואב ואת גדודי בני עמון וישלחם ביהודה להאבידו כדבר יהוה—אשר דבר ביד עבדיו הנביאיםSelect 2 Kings 24:2

3אך על פי יהוה היתה ביהודה להסיר מעל פניו—בחטאת מנשה ככל אשר עשהSelect 2 Kings 24:3

4וגם דם הנקי אשר שפך וימלא את ירושלם דם נקי ולא אבה יהוה לסלחSelect 2 Kings 24:4

5ויתר דברי יהויקים וכל אשר עשה הלא הם כתובים על ספר דברי הימים—למלכי יהודהSelect 2 Kings 24:5

6וישכב יהויקים עם אבתיו וימלך יהויכין בנו תחתיוSelect 2 Kings 24:6

7ולא הסיף עוד מלך מצרים לצאת מארצו כי לקח מלך בבל מנחל מצרים עד נהר פרת כל אשר היתה למלך מצריםSelect 2 Kings 24:7

8בן שמנה עשרה שנה יהויכין במלכו ושלשה חדשים מלך בירושלם ושם אמו נחשתא בת אלנתן מירושלםSelect 2 Kings 24:8

9ויעש הרע בעיני יהוה ככל אשר עשה אביוSelect 2 Kings 24:9

10בעת ההיא—עלה (עלו) עבדי נבכדנאצר מלך בבל ירושלם ותבא העיר במצורSelect 2 Kings 24:10

11ויבא נבכדנאצר מלך בבל על העיר ועבדיו צרים עליהSelect 2 Kings 24:11

12ויצא יהויכין מלך יהודה על מלך בבל הוא ואמו ועבדיו ושריו וסריסיו ויקח אתו מלך בבל בשנת שמנה למלכוSelect 2 Kings 24:12

13ויוצא משם את כל אוצרות בית יהוה ואוצרות בית המלך ויקצץ את כל כלי הזהב אשר עשה שלמה מלך ישראל בהיכל יהוה כאשר דבר יהוהSelect 2 Kings 24:13

14והגלה את כל ירושלם ואת כל השרים ואת כל גבורי החיל עשרה (עשרת) אלפים גולה וכל החרש והמסגר לא נשאר זולת דלת עם הארץSelect 2 Kings 24:14

15ויגל את יהויכין בבלה ואת אם המלך ואת נשי המלך ואת סריסיו ואת אולי (אילי) הארץ הוליך גולה מירושלם בבלהSelect 2 Kings 24:15

16ואת כל אנשי החיל שבעת אלפים והחרש והמסגר אלף—הכל גבורים עשי מלחמה ויביאם מלך בבל גולה בבלהSelect 2 Kings 24:16

17וימלך מלך בבל את מתניה דדו תחתיו ויסב את שמו צדקיהוSelect 2 Kings 24:17

18בן עשרים ואחת שנה צדקיהו במלכו ואחת עשרה שנה מלך בירושלם ושם אמו חמיטל (חמוטל) בת ירמיהו מלבנהSelect 2 Kings 24:18

19ויעש הרע בעיני יהוה ככל אשר עשה יהויקיםSelect 2 Kings 24:19

20כי על אף יהוה היתה בירושלם וביהודה עד השלכו אתם מעל פניו וימרד צדקיהו במלך בבלSelect 2 Kings 24:20