252 Kings 25

1ויהי בשנת התשיעית למלכו בחדש העשירי בעשור לחדש בא נבכדנאצר מלך בבל הוא וכל חילו על ירושלם ויחן עליה ויבנו עליה דיק סביבSelect 2 Kings 25:1

2ותבא העיר במצור עד עשתי עשרה שנה למלך צדקיהוSelect 2 Kings 25:2

3בתשעה לחדש ויחזק הרעב בעיר ולא היה לחם לעם הארץSelect 2 Kings 25:3

4ותבקע העיר וכל אנשי המלחמה הלילה דרך שער בין החמתים אשר על גן המלך וכשדים על העיר סביב וילך דרך הערבהSelect 2 Kings 25:4

5וירדפו חיל כשדים אחר המלך וישגו אתו בערבות ירחו וכל חילו—נפצו מעליוSelect 2 Kings 25:5

6ויתפשו את המלך ויעלו אתו אל מלך בבל רבלתה וידברו אתו משפטSelect 2 Kings 25:6

7ואת בני צדקיהו שחטו לעיניו ואת עיני צדקיהו עור ויאסרהו בנחשתים ויבאהו בבלSelect 2 Kings 25:7

8ובחדש החמישי בשבעה לחדש—היא שנת תשע עשרה שנה למלך נבכדנאצר מלך בבל בא נבוזראדן רב טבחים עבד מלך בבל—ירושלםSelect 2 Kings 25:8

9וישרף את בית יהוה ואת בית המלך ואת כל בתי ירושלם ואת כל בית גדול שרף באשSelect 2 Kings 25:9

10ואת חומת ירושלם סביב—נתצו כל חיל כשדים אשר רב טבחיםSelect 2 Kings 25:10

11ואת יתר העם הנשארים בעיר ואת הנפלים אשר נפלו על המלך בבל ואת יתר ההמון—הגלה נבוזראדן רב טבחיםSelect 2 Kings 25:11

12ומדלת הארץ השאיר רב טבחים לכרמים וליגביםSelect 2 Kings 25:12

13ואת עמודי הנחשת אשר בית יהוה ואת המכנות ואת ים הנחשת אשר בבית יהוה—שברו כשדים וישאו את נחשתם בבלהSelect 2 Kings 25:13

14ואת הסירת ואת היעים ואת המזמרות ואת הכפות ואת כל כלי הנחשת אשר ישרתו בם—לקחוSelect 2 Kings 25:14

15ואת המחתות ואת המזרקות אשר זהב זהב ואשר כסף כסף—לקח רב טבחיםSelect 2 Kings 25:15

16העמודים שנים הים האחד והמכנות אשר עשה שלמה לבית יהוה—לא היה משקל לנחשת כל הכלים האלהSelect 2 Kings 25:16

17שמנה עשרה אמה קומת העמוד האחד וכתרת עליו נחשת וקומת הכתרת שלש אמה (אמות) ושבכה ורמנים על הכתרת סביב הכל נחשת וכאלה לעמוד השני על השבכהSelect 2 Kings 25:17

18ויקח רב טבחים את שריה כהן הראש ואת צפניהו כהן משנה ואת שלשת שמרי הסףSelect 2 Kings 25:18

19ומן העיר לקח סריס אחד אשר הוא פקיד על אנשי המלחמה וחמשה אנשים מראי פני המלך אשר נמצאו בעיר ואת הספר שר הצבא המצבא את עם הארץ וששים איש מעם הארץ הנמצאים בעירSelect 2 Kings 25:19

20ויקח אתם נבוזראדן רב טבחים וילך אתם על מלך בבל רבלתהSelect 2 Kings 25:20

21ויך אתם מלך בבל וימיתם ברבלה בארץ חמת ויגל יהודה מעל אדמתוSelect 2 Kings 25:21

22והעם הנשאר בארץ יהודה אשר השאיר נבוכדנאצר מלך בבל—ויפקד עליהם את גדליהו בן אחיקם בן שפןSelect 2 Kings 25:22

23וישמעו כל שרי החילים המה והאנשים כי הפקיד מלך בבל את גדליהו ויבאו אל גדליהו המצפה וישמעאל בן נתניה ויוחנן בן קרח ושריה בן תנחמת הנטפתי ויאזניהו בן המעכתי—המה ואנשיהםSelect 2 Kings 25:23

24וישבע להם גדליהו ולאנשיהם ויאמר להם אל תיראו מעבדי הכשדים שבו בארץ ועבדו את מלך בבל—ויטב לכםSelect 2 Kings 25:24

25ויהי בחדש השביעי בא ישמעאל בן נתניה בן אלישמע מזרע המלוכה ועשרה אנשים אתו ויכו את גדליהו וימת ואת היהודים ואת הכשדים אשר היו אתו במצפהSelect 2 Kings 25:25

26ויקמו כל העם מקטן ועד גדול ושרי החילים ויבאו מצרים כי יראו מפני כשדיםSelect 2 Kings 25:26

27ויהי בשלשים ושבע שנה לגלות יהויכין מלך יהודה בשנים עשר חדש בעשרים ושבעה לחדש נשא אויל מרדך מלך בבל בשנת מלכו את ראש יהויכין מלך יהודה—מבית כלאSelect 2 Kings 25:27

28וידבר אתו טבות ויתן את כסאו מעל כסא המלכים אשר אתו בבבלSelect 2 Kings 25:28

29ושנא את בגדי כלאו ואכל לחם תמיד לפניו כל ימי חייוSelect 2 Kings 25:29

30וארחתו ארחת תמיד נתנה לו מאת המלך—דבר יום ביומו כל ימי חיוSelect 2 Kings 25:30