52 Kings 5

1ונעמן שר צבא מלך ארם היה איש גדול לפני אדניו ונשא פנים—כי בו נתן יהוה תשועה לארם והאיש היה גבור חיל—מצרעSelect 2 Kings 5:1

2וארם יצאו גדודים וישבו מארץ ישראל נערה קטנה ותהי לפני אשת נעמןSelect 2 Kings 5:2

3ותאמר אל גברתה אחלי אדני לפני הנביא אשר בשמרון אז יאסף אתו מצרעתוSelect 2 Kings 5:3

4ויבא ויגד לאדניו לאמר כזאת וכזאת דברה הנערה אשר מארץ ישראלSelect 2 Kings 5:4

5ויאמר מלך ארם לך בא ואשלחה ספר אל מלך ישראל וילך ויקח בידו עשר ככרי כסף וששת אלפים זהב ועשר חליפות בגדיםSelect 2 Kings 5:5

6ויבא הספר אל מלך ישראל לאמר ועתה כבוא הספר הזה אליך הנה שלחתי אליך את נעמן עבדי ואספתו מצרעתוSelect 2 Kings 5:6

7ויהי כקרא מלך ישראל את הספר ויקרע בגדיו ויאמר האלהים אני להמית ולהחיות כי זה שלח אלי לאסף איש מצרעתו כי אך דעו נא וראו כי מתאנה הוא ליSelect 2 Kings 5:7

8ויהי כשמע אלישע איש האלהים כי קרע מלך ישראל את בגדיו וישלח אל המלך לאמר למה קרעת בגדיך יבא נא אלי—וידע כי יש נביא בישראלSelect 2 Kings 5:8

9ויבא נעמן בסוסו וברכבו ויעמד פתח הבית לאלישעSelect 2 Kings 5:9

10וישלח אליו אלישע מלאך לאמר הלוך ורחצת שבע פעמים בירדן וישב בשרך לך וטהרSelect 2 Kings 5:10

11ויקצף נעמן וילך ויאמר הנה אמרתי אלי יצא יצוא ועמד וקרא בשם יהוה אלהיו והניף ידו אל המקום ואסף המצרעSelect 2 Kings 5:11

12הלא טוב אבנה (אמנה) ופרפר נהרות דמשק מכל מימי ישראל—הלא ארחץ בהם וטהרתי ויפן וילך בחמהSelect 2 Kings 5:12

13ויגשו עבדיו וידברו אליו ויאמרו אבי דבר גדול הנביא דבר אליך הלוא תעשה ואף כי אמר אליך רחץ וטהרSelect 2 Kings 5:13

14וירד ויטבל בירדן שבע פעמים כדבר איש האלהים וישב בשרו כבשר נער קטן—ויטהרSelect 2 Kings 5:14

15וישב אל איש האלהים הוא וכל מחנהו ויבא ויעמד לפניו ויאמר הנה נא ידעתי כי אין אלהים בכל הארץ כי אם בישראל ועתה קח נא ברכה מאת עבדךSelect 2 Kings 5:15

16ויאמר חי יהוה אשר עמדתי לפניו אם אקח ויפצר בו לקחת וימאןSelect 2 Kings 5:16

17ויאמר נעמן ולא יתן נא לעבדך משא צמד פרדים אדמה כי לוא יעשה עוד עבדך עלה וזבח לאלהים אחרים—כי אם ליהוהSelect 2 Kings 5:17

18לדבר הזה יסלח יהוה לעבדך—בבוא אדני בית רמון להשתחות שמה והוא נשען על ידי והשתחויתי בית רמן בהשתחויתי בית רמן יסלח נא ( ) יהוה לעבדך בדבר הזהSelect 2 Kings 5:18

19ויאמר לו לך לשלום וילך מאתו כברת ארץSelect 2 Kings 5:19

20ויאמר גיחזי נער אלישע איש האלהים הנה חשך אדני את נעמן הארמי הזה מקחת מידו את אשר הביא חי יהוה כי אם רצתי אחריו ולקחתי מאתו מאומהSelect 2 Kings 5:20

21וירדף גיחזי אחרי נעמן ויראה נעמן רץ אחריו ויפל מעל המרכבה לקראתו ויאמר השלוםSelect 2 Kings 5:21

22ויאמר שלום אדני שלחני לאמר הנה עתה זה באו אלי שני נערים מהר אפרים מבני הנביאים תנה נא להם ככר כסף ושתי חלפות בגדיםSelect 2 Kings 5:22

23ויאמר נעמן הואל קח ככרים ויפרץ בו ויצר ככרים כסף בשני חרטים ושתי חלפות בגדים ויתן אל שני נעריו וישאו לפניוSelect 2 Kings 5:23

24ויבא אל העפל ויקח מידם ויפקד בבית וישלח את האנשים וילכוSelect 2 Kings 5:24

25והוא בא ויעמד אל אדניו ויאמר אליו אלישע מאן (מאין) גחזי ויאמר לא הלך עבדך אנה ואנהSelect 2 Kings 5:25

26ויאמר אליו לא לבי הלך כאשר הפך איש מעל מרכבתו לקראתך העת לקחת את הכסף ולקחת בגדים וזיתים וכרמים וצאן ובקר ועבדים ושפחותSelect 2 Kings 5:26

27וצרעת נעמן תדבק בך ובזרעך לעולם ויצא מלפניו מצרע כשלגSelect 2 Kings 5:27