2 Kings 8
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ואלישע דבר אל האשה אשר החיה את בנה לאמר קומי ולכי אתי (את) וביתך וגורי באשר תגורי כי קרא יהוה לרעב וגם בא אל הארץ שבע שניםSelect 2 Kings 8:1
2ותקם האשה ותעש כדבר איש האלהים ותלך היא וביתה ותגר בארץ פלשתים שבע שניםSelect 2 Kings 8:2
3ויהי מקצה שבע שנים ותשב האשה מארץ פלשתים ותצא לצעק אל המלך אל ביתה ואל שדהSelect 2 Kings 8:3
4והמלך מדבר אל גחזי נער איש האלהים לאמר ספרה נא לי את כל הגדלות אשר עשה אלישעSelect 2 Kings 8:4
5ויהי הוא מספר למלך את אשר החיה את המת והנה האשה אשר החיה את בנה צעקת אל המלך על ביתה ועל שדה ויאמר גחזי אדני המלך—זאת האשה וזה בנה אשר החיה אלישעSelect 2 Kings 8:5
6וישאל המלך לאשה ותספר לו ויתן לה המלך סריס אחד לאמר השיב את כל אשר לה ואת כל תבואת השדה מיום עזבה את הארץ ועד עתהSelect 2 Kings 8:6
7ויבא אלישע דמשק ובן הדד מלך ארם חלה ויגד לו לאמר בא איש האלהים עד הנהSelect 2 Kings 8:7
8ויאמר המלך אל חזהאל קח בידך מנחה ולך לקראת איש האלהים ודרשת את יהוה מאותו לאמר האחיה מחלי זהSelect 2 Kings 8:8
9וילך חזאל לקראתו ויקח מנחה בידו וכל טוב דמשק משא ארבעים גמל ויבא ויעמד לפניו ויאמר בנך בן הדד מלך ארם שלחני אליך לאמר האחיה מחלי זהSelect 2 Kings 8:9
10ויאמר אליו אלישע לך אמר לא (לו) חיה תחיה והראני יהוה כי מות ימותSelect 2 Kings 8:10
11ויעמד את פניו וישם עד בש ויבך איש האלהיםSelect 2 Kings 8:11
12ויאמר חזאל מדוע אדני בכה ויאמר כי ידעתי את אשר תעשה לבני ישראל רעה מבצריהם תשלח באש ובחריהם בחרב תהרג ועלליהם תרטש והרתיהם תבקעSelect 2 Kings 8:12
13ויאמר חזהאל—כי מה עבדך הכלב כי יעשה הדבר הגדול הזה ויאמר אלישע הראני יהוה אתך מלך על ארםSelect 2 Kings 8:13
14וילך מאת אלישע ויבא אל אדניו ויאמר לו מה אמר לך אלישע ויאמר אמר לי חיה תחיהSelect 2 Kings 8:14
15ויהי ממחרת ויקח המכבר ויטבל במים ויפרש על פניו וימת וימלך חזהאל תחתיוSelect 2 Kings 8:15
16ובשנת חמש ליורם בן אחאב מלך ישראל ויהושפט מלך יהודה—מלך יהורם בן יהושפט מלך יהודהSelect 2 Kings 8:16
17בן שלשים ושתים שנה היה במלכו ושמנה שנה (שנים) מלך בירושלםSelect 2 Kings 8:17
18וילך בדרך מלכי ישראל כאשר עשו בית אחאב—כי בת אחאב היתה לו לאשה ויעש הרע בעיני יהוהSelect 2 Kings 8:18
19ולא אבה יהוה להשחית את יהודה למען דוד עבדו כאשר אמר לו לתת לו ניר לבניו—כל הימיםSelect 2 Kings 8:19
20בימיו פשע אדום מתחת יד יהודה וימלכו עליהם מלךSelect 2 Kings 8:20
21ויעבר יורם צעירה וכל הרכב עמו ויהי הוא קם לילה ויכה את אדום הסביב אליו ואת שרי הרכב וינס העם לאהליוSelect 2 Kings 8:21
22ויפשע אדום מתחת יד יהודה עד היום הזה אז תפשע לבנה בעת ההיאSelect 2 Kings 8:22
23ויתר דברי יורם וכל אשר עשה הלא הם כתובים על ספר דברי הימים—למלכי יהודהSelect 2 Kings 8:23
24וישכב יורם עם אבתיו ויקבר עם אבתיו בעיר דוד וימלך אחזיהו בנו תחתיוSelect 2 Kings 8:24
25בשנת שתים עשרה שנה ליורם בן אחאב מלך ישראל מלך אחזיהו בן יהורם מלך יהודהSelect 2 Kings 8:25
26בן עשרים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי מלך ישראלSelect 2 Kings 8:26
27וילך בדרך בית אחאב ויעש הרע בעיני יהוה כבית אחאב כי חתן בית אחאב הואSelect 2 Kings 8:27
28וילך את יורם בן אחאב למלחמה עם חזאל מלך ארם—ברמת גלעד ויכו ארמים את יורםSelect 2 Kings 8:28
29וישב יורם המלך להתרפא ביזרעאל מן המכים אשר יכהו ארמים ברמה בהלחמו את חזהאל מלך ארם ואחזיהו בן יהורם מלך יהודה ירד לראות את יורם בן אחאב ביזרעאל—כי חלה הואSelect 2 Kings 8:29
Aleppo Codex (ALEPPO). Public domain. Text from the CrossWire Bible Society module. About this translation