2Lamentations 2

1איכה יעיב באפו אדני את בת ציון—השליך משמים ארץ תפארת ישראל ולא זכר הדם רגליו ביום אפוSelect Lamentations 2:1

2בלע אדני לא (ולא) חמל את כל נאות יעקב—הרס בעברתו מבצרי בת יהודה הגיע לארץ חלל ממלכה ושריהSelect Lamentations 2:2

3גדע בחרי אף כל קרן ישראל—השיב אחור ימינו מפני אויב ויבער ביעקב כאש להבה אכלה סביבSelect Lamentations 2:3

4דרך קשתו כאויב נצב ימינו כצר ויהרג כל מחמדי עין באהל בת ציון שפך כאש חמתוSelect Lamentations 2:4

5היה אדני כאויב בלע ישראל—בלע כל ארמנותיה שחת מבצריו וירב בבת יהודה תאניה ואניהSelect Lamentations 2:5

6ויחמס כגן שכו שחת מעדו שכח יהוה בציון מועד ושבת וינאץ בזעם אפו מלך וכהןSelect Lamentations 2:6

7זנח אדני מזבחו נאר מקדשו—הסגיר ביד אויב חומת ארמנותיה קול נתנו בבית יהוה כיום מועדSelect Lamentations 2:7

8חשב יהוה להשחית חומת בת ציון—נטה קו לא השיב ידו מבלע ויאבל חל וחומה יחדו אמללוSelect Lamentations 2:8

9טבעו בארץ שעריה אבד ושבר בריחיה מלכה ושריה בגוים אין תורה—גם נביאיה לא מצאו חזון מיהוהSelect Lamentations 2:9

10ישבו לארץ ידמו זקני בת ציון—העלו עפר על ראשם חגרו שקים הורידו לארץ ראשן בתולת ירושלםSelect Lamentations 2:10

11כלו בדמעות עיני חמרמרו מעי—נשפך לארץ כבדי על שבר בת עמי בעטף עולל ויונק ברחבות קריהSelect Lamentations 2:11

12לאמתם יאמרו איה דגן ויין בהתעטפם כחלל ברחבות עיר—בהשתפך נפשם אל חיק אמתםSelect Lamentations 2:12

13מה אעידך מה אדמה לך הבת ירושלם—מה אשוה לך ואנחמך בתולת בת ציון כי גדול כים שברך מי ירפא לךSelect Lamentations 2:13

14נביאיך חזו לך שוא ותפל ולא גלו על עונך להשיב שביתך (שבותך) ויחזו לך משאות שוא ומדוחיםSelect Lamentations 2:14

15ספקו עליך כפים כל עברי דרך—שרקו וינעו ראשם על בת ירושלם הזאת העיר שיאמרו כלילת יפי—משוש לכל הארץSelect Lamentations 2:15

16פצו עליך פיהם כל איביך—שרקו ויחרקו שן אמרו בלענו אך זה היום שקוינהו מצאנו ראינוSelect Lamentations 2:16

17עשה יהוה אשר זמם בצע אמרתו אשר צוה מימי קדם—הרס ולא חמל וישמח עליך אויב הרים קרן צריךSelect Lamentations 2:17

18צעק לבם אל אדני חומת בת ציון הורידי כנחל דמעה יומם ולילה—אל תתני פוגת לך אל תדם בת עינךSelect Lamentations 2:18

19קומי רני בליל (בלילה) לראש אשמרות—שפכי כמים לבך נכח פני אדני שאי אליו כפיך על נפש עולליך—העטופים ברעב בראש כל חוצותSelect Lamentations 2:19

20ראה יהוה והביטה למי עוללת כה אם תאכלנה נשים פרים עללי טפחים אם יהרג במקדש אדני כהן ונביאSelect Lamentations 2:20

21שכבו לארץ חוצות נער וזקן בתולתי ובחורי נפלו בחרב הרגת ביום אפך טבחת לא חמלתSelect Lamentations 2:21

22תקרא כיום מועד מגורי מסביב ולא היה ביום אף יהוה פליט ושריד אשר טפחתי ורביתי איבי כלםSelect Lamentations 2:22